ജെ.​ഡി-​എ​സ് ചി​ഹ്നം ഉ​പ​യോ​ഗി​ക്കു​ന്ന​തി​ന് സി.​എം. ഇ​ബ്രാ​ഹിം വി​ഭാ​ഗ​ത്തി​ന് താ​ൽ​ക്കാ​ലി​ക വി​ല​ക്ക്

ബം​ഗ​ളൂ​രു: ജെ.​ഡി.​എ​സി​ന്‍റെ ചി​ഹ്ന​വും ലെ​റ്റ​ര്‍ഹെ​ഡും ഉ​പ​യോ​ഗി​ക്കു​ന്ന​തി​ല്‍നി​ന്ന് മു​ന്‍ ക​ര്‍ണാ​ട​ക സം​സ്ഥാ​ന അ​ധ്യ​ക്ഷ​ന്‍ സി.​എം. ഇ​ബ്രാ​ഹിം പ​ക്ഷ​ത്തി​ന് കോ​ട​തി താ​ൽ​ക്കാ​ലി​ക വി​ല​ക്കേ​ര്‍പ്പെ​ടു​ത്തി. ബം​ഗ​ളൂ​രു അ​ഡീ​ഷ​ന​ല്‍ സി​റ്റി സി​വി​ല്‍ ആ​ന്‍ഡ് സെ​ഷ​ന്‍ കോ​ട​തി​യാ​ണ് കേ​സി​ൽ വീ​ണ്ടും വാ​ദം കേ​ൾ​ക്കു​ന്ന ഫെ​ബ്രു​വ​രി 15 വ​രെ വ​രെ സ്റ്റേ ​അ​നു​വ​ദി​ച്ച​ത്. ജെ.​ഡി-​എ​സ് ദേ​വ​ഗൗ​ഡ വി​ഭാ​ഗം ജ​ന​റ​ല്‍ സെ​ക്ര​ട്ട​റി എ.​പി. രം​ഗ​നാ​ഥ ന​ല്‍കി​യ ഹ​ര​ജി​യി​ലാ​ണ് ന​ട​പ​ടി.

എ​ന്‍.​ഡി.​എ​യു​മാ​യി കൈ​കോ​ര്‍ക്കു​ന്ന​ത് സം​ബ​ന്ധി​ച്ച് ച​ര്‍ച്ച​ചെ​യ്യാ​ന്‍ ക​ഴി​ഞ്ഞ ജൂ​ലൈ മു​ത​ല്‍ സെ​പ്റ്റം​ബ​ര്‍ വ​രെ പ​ല​ത​വ​ണ യോ​ഗം ചേ​ര്‍ന്നെ​ന്നും ഇ​ബ്രാ​ഹിം ഈ ​യോ​ഗ​ങ്ങ​ളി​ല്‍ പ​ങ്കെ​ടു​ത്തി​രു​ന്നെ​ന്നും രം​ഗ​നാ​ഥ ഹ​ര​ജി​യി​ൽ ചൂ​ണ്ടി​ക്കാ​ട്ടി. ബി.​ജെ.​പി സ​ഖ്യ​ത്തി​നെ​തി​രെ പാ​ര്‍ട്ടി​യി​ല്‍ ക​ലാ​പ​മു​യ​ര്‍ത്തി​യ മു​ന്‍ അ​ധ്യ​ക്ഷ​ന്‍ സി.​എം. ഇ​ബ്രാ​ഹി​മി​നെ​യും സ​മാ​ന്ത​ര​യോ​ഗം വി​ളി​ച്ച ദേ​ശീ​യ ഉ​പാ​ധ്യ​ക്ഷ​ന്‍ സി.​കെ. നാ​ണു​വി​നെ​യും ജെ.​ഡി-​എ​സി​ൽ നി​ന്ന് പു​റ​ത്താ​ക്കി​യ​താ​യി ദേ​വ​ഗൗ​ഡ വി​ഭാ​ഗ​വും ദേ​വ​ഗൗ​ഡ​യെ പാ​ർ​ട്ടി​യി​ൽ​നി​ന്ന് പു​റ​ത്താ​ക്കി സി.​കെ. നാ​ണു​വി​നെ പു​തി​യ അ​ധ്യ​ക്ഷ​നാ​യി നി​യ​മി​ച്ച​താ​യി സി.​എം. ഇ​ബ്രാ​ഹിം വി​ഭാ​ഗ​വും അ​വ​കാ​ശ​പ്പെ​ട്ടി​രു​ന്നു.

തു​ട​ർ​ന്നാ​ണ് പാ​ർ​ട്ടി ചി​ഹ്നം സം​ബ​ന്ധി​ച്ച നി​യ​മ​ന​ട​പ​ടി​യി​ലേ​ക്ക് ഇ​രു വി​ഭാ​ഗ​വും നീ​ങ്ങി​യ​ത്.