വർഗീയ സംഘർഷം: ‘എല്ലാ കൊലപാതകങ്ങളിലും പുനരന്വേഷണം വേണം’- കെ.​കെ. ഷാ​ഹു​ൽ ഹ​മീ​ദ്

ബം​ഗ​ളൂ​രു: ദ​ക്ഷി​ണ ക​ന്ന​ട ജി​ല്ല​യി​ലെ എ​ല്ലാ വ​ർ​ഗീ​യ സം​ഘ​ർ​ഷ​ങ്ങ​ളി​ലെ​യും കൊ​ല​പാ​ത​ക​ങ്ങ​ളെ​പ്പ​റ്റി പു​ന​ര​ന്വേ​ഷ​ണം ന​ട​ത്ത​ണ​മെ​ന്നും പ്ര​തി​ക​ൾ​ക്കെ​തി​രെ യു.​എ.​പി.​എ ചു​മ​ത്ത​ണ​മെ​ന്നും ജി​ല്ല കോ​ൺ​ഗ്ര​സ് ക​മ്മി​റ്റി ന്യൂ​ന​പ​ക്ഷ സെ​ൽ പ്ര​സി​ഡ​ന്റ് കെ.​കെ. ഷാ​ഹു​ൽ ഹ​മീ​ദ് ആ​വ​ശ്യ​പ്പെ​ട്ടു.

ഇ​തു​സം​ബ​ന്ധി​ച്ച് സ്പീ​ക്ക​ർ യു.​ടി. ഖാ​ദ​ർ മു​ഖേ​ന മു​ഖ്യ​മ​ന്ത്രി സി​ദ്ധ​രാ​മ​യ്യ​ക്ക് നി​വേ​ദ​നം ന​ൽ​കി. ബെ​ല്ലാ​രി​യി​ലെ മ​സ്ഊ​ദ്, മം​ഗ​ൽ​പേ​ട്ടി​ലെ ഫാ​സി​ൽ, കാ​ട്ടി​പ്പ​ള്ള​യി​ലെ ജ​ലീ​ൽ, ക​ന്യാ​ദി​യി​ലെ ദി​നേ​ഷ് എ​ന്നി​വ​രു​ടെ കൊ​ല​പാ​ത​ക​ങ്ങ​ൾ സം​ബ​ന്ധി​ച്ചാ​ണ് പു​ന​ര​ന്വേ​ഷ​ണം ആ​വ​ശ്യ​പ്പെ​ട്ടി​രി​ക്കു​ന്ന​ത്. ഇ​തി​നാ​യി പ്ര​ത്യേ​ക അ​ന്വേ​ഷ​ണം സം​ഘം (എ​സ്.​ഐ.​ടി) രൂ​പ​വ​ത്ക​രി​ക്ക​ണം.

കൊ​ല്ല​പ്പെ​ട്ട യു​വ​മോ​ർ​ച്ച നേ​താ​വ് പ്ര​വീ​ൺ നെ​ട്ടാ​രു​വി​ന്റെ കു​ടും​ബ​ത്തി​ന് ന​ൽ​കി​യ​പോ​ലെ 25 ല​ക്ഷം രൂ​പ ന​ഷ്ട​പ​രി​ഹാ​രം ഇ​വ​രു​ടെ കു​ടും​ബ​ങ്ങ​ൾ​ക്കും ന​ൽ​ക​ണം. കൊ​ല​പാ​ത​ക​ക്കേ​സു​ക​ളി​ൽ ബി.​ജെ.​പി സ​ർ​ക്കാ​ർ പ​ക്ഷ​പാ​ത​പ​ര​മാ​യാ​ണ് ന​ട​പ​ടി​ക​ൾ എ​ടു​ത്ത​ത്. പ്ര​വീ​ണി​ന്റെ ഭാ​ര്യ​ക്ക് ജോ​ലി ന​ൽ​കി​യ​തു​പോ​ലെ ജി​ല്ല​യി​ൽ കൊ​ല്ല​പ്പെ​ട്ട മ​റ്റു​ള്ള​വ​രു​ടെ ഭാ​ര്യ​മാ​ർ​ക്കും ജോ​ലി ന​ൽ​ക​ണം.

ജി​ല്ല​യി​ലെ വ​ർ​ഗീ​യ സം​ഘ​ട്ട​ന​ങ്ങ​ളി​ൽ ക​ർ​ശ​ന ന​ട​പ​ടി സ്വീ​ക​രി​ക്ക​ണം. ഫാ​സി​ലി​ന്റെ കൊ​ല​പാ​ത​കി​ക​ളെ​ന്ന് സം​ശ​യി​ക്കു​ന്ന​വ​രെ ഒ​രു മാ​സ​ത്തി​നു​ശേ​ഷം ജാ​മ്യം ന​ൽ​കി പു​റ​ത്തു​വി​ട്ടു. തു​മ​കു​രു​വി​ൽ ന​ട​ന്ന പൊ​തു​യോ​ഗ​ത്തി​ൽ ത​ങ്ങ​ളു​ടെ ആ​ളു​ക​ളാ​ണ് ഫാ​സി​ലി​​നെ കൊ​ല​പ്പെ​ടു​ത്തി​യ​തെ​ന്ന് വി.​എ​ച്ച്.​പി നേ​താ​വ് ശ​ര​ൺ പ​മ്പ്വെ​ൽ പ​റ​ഞ്ഞു. എ​ന്നാ​ൽ, എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്യു​ക​​യ​ല്ലാ​തെ മ​റ്റൊ​രു ന​ട​പ​ടി​യും ഇ​യാ​ൾ​ക്കെ​തി​രെ ഉ​ണ്ടാ​യി​ട്ടി​ല്ല.

ജി​ല്ല​യി​ലെ അ​ഞ്ച് കൊ​ല​പാ​ത​ക​ങ്ങ​ളും വ​ർ​ഗീ​യ സം​ഘ​ർ​ഷ​ങ്ങ​ളി​ലാ​ണ് ഉ​ണ്ടാ​യ​ത്. എ​ന്നാ​ൽ, പ​ക്ഷ​പാ​ത​പ​ര​മാ​യാ​ണ് മു​ൻ ബി.​ജെ.​പി സ​ർ​ക്കാ​ർ പെ​രു​മാ​റി​യ​തെ​ന്നും എ​ല്ലാ സം​ഭ​വ​ങ്ങ​ളി​ലും കു​ടും​ബാം​ഗ​ങ്ങ​ൾ​ക്ക് നീ​തി ഉ​റ​പ്പാ​ക്കു​ന്ന അ​ന്വേ​ഷ​ണം കോ​ൺ​ഗ്ര​സ് സ​ർ​ക്കാ​ർ ന​ട​ത്ത​ണ​മെ​ന്നും നി​വേ​ദ​ന​ത്തി​ൽ ആ​വ​ശ്യ​പ്പെ​ട്ടു.