ജെറ്റിൽ പറന്ന് വിവാദം; വ​ര​ൾ​ച്ചാ കാ​ല​ത്ത് സി​ദ്ധ​രാ​മ​യ്യയു​ടെ യാ​​ത്ര ആ​ഡം​ബ​ര ജെ​റ്റി​ലെ​ന്ന് ബി.​ജെ.​പി

ബം​ഗ​ളൂ​രു: കേ​ന്ദ്ര​ത്തി​ൽ​നി​ന്ന് വ​ര​ൾ​ച്ചാ സ​ഹാ​യം തേ​ടാ​ൻ പോ​യ മു​ഖ്യ​മ​ന്ത്രി​യും ര​ണ്ടു മ​ന്ത്രി​മാ​രും ആ​ഡം​ബ​ര ജെ​റ്റി​ൽ യാ​ത്ര ചെ​യ്ത​തു സം​ബ​ന്ധി​ച്ച് ക​ർ​ണാ​ട​ക​യി​ൽ വി​വാ​ദം. സം​സ്ഥാ​നം വ​ര​ൾ​ച്ച​ക്കെ​ടു​തി അ​ഭി​മു​ഖീ​ക​രി​ക്കു​മ്പോ​ൾ മു​ഖ്യ​മ​ന്ത്രി ആ​ഡം​ബ​ര ജെ​റ്റി​ൽ സ​ഞ്ച​രി​ക്കു​ക​യാ​ണെ​ന്നാ​ണ് ബി.​ജെ.​പി​യു​ടെ വി​മ​ർ​ശ​നം. മു​ഖ്യ​മ​ന്ത്രി സി​ദ്ധ​രാ​മ​യ്യ, റ​വ​ന്യൂ മ​ന്ത്രി കൃ​ഷ്ണ​ബൈ​രെ ഗൗ​ഡ, ഹ​ജ്ജ് -വ​ഖ​ഫ് മ​ന്ത്രി സ​മീ​ർ അ​ഹ​മ്മ​ദ് ഖാ​ൻ എ​ന്നി​വ​ർ സ്വ​കാ​ര്യ ആ​ഡം​ബ​ര ജെ​റ്റി​ൽ സ​ഞ്ച​രി​ക്കു​ന്ന വി​ഡി​യോ ദൃ​ശ്യം ബി.​ജെ.​പി ക​ർ​ണാ​ട​ക അ​ധ്യ​ക്ഷ​ൻ ബി.​വൈ. വി​ജ​യേ​ന്ദ്ര സ​മൂ​ഹ​മാ​ധ്യ​മ​മാ​യ എ​ക്സി​ൽ പ​ങ്കു​വെ​ച്ചു. വി​ള​നാ​ശം കൊ​ണ്ടും മ​ഴ ല​ഭി​ക്കാ​തെ​യും ക​ർ​ഷ​ക​ർ പ്ര​യാ​സ​പ്പെ​ടു​മ്പോ​ൾ മു​ഖ്യ​മ​ന്ത്രി​യും മ​ന്ത്രി​മാ​രും ആ​ഡം​ബ​ര ജീ​വി​തം ആ​സ്വ​ദി​ക്കു​ക​യാ​ണെ​ന്ന് അ​ദ്ദേ​ഹം കു​റ്റ​പ്പെ​ടു​ത്തി. വ​ര​ൾ​ച്ചാ ദു​​രി​താ​ശ്വാ​സ​ത്തി​ന് സ​ഹാ​യം തേ​ടി മ​ട​ങ്ങ​വെ​യാ​ണ് ഈ ​ആ​ഡം​ബ​ര സ​ഞ്ചാ​ര​മെ​ന്നും ന​മ്മ​ൾ നേ​രി​ട്ട ദു​ര​ന്ത​ത്തെ പ​രി​ഹ​സി​ക്കു​ക​യാ​ണ് ഈ ​പ്ര​വൃ​ത്തി​യി​ലൂ​ടെ ചെ​യ്ത​തെ​ന്നും വി​ജ​യേ​ന്ദ്ര വി​മ​ർ​ശി​ച്ചു.

സി​ദ്ധ​രാ​മ​യ്യ ഡ​ൽ​ഹി​യി​ൽ വ​ന്ന​ത് കോ​ൺ​ഗ്ര​സി​ലെ കാ​ര്യ​ങ്ങ​ൾ​ക്കാ​യാ​ണെ​ന്നാ​യി​രു​ന്നു കേ​ന്ദ്ര​മ​ന്ത്രി പ്ര​ഹ്ലാ​ദ് ജോ​ഷി​യു​ടെ പ്ര​തി​ക​ര​ണം. ക​ർ​ണാ​ട​ക​യി​ലെ ബോ​ർ​ഡു​ക​ളി​ലെ​യും കോ​ർ​പ​റേ​ഷ​നു​ക​ളി​ലെ​യും നി​യ​മ​നം സം​ബ​ന്ധി​ച്ച കാ​ര്യ​ത്തി​നാ​ണ് സി​ദ്ധ​രാ​മ​യ്യ വ​ന്ന​ത്. സി​ദ്ധ​രാ​മ​യ്യ​യും ശി​വ​കു​മാ​റും ത​മ്മി​ലു​ള്ള ത​ർ​ക്കം അ​വ​ർ​ക്ക് പ​രി​ഹ​രി​ക്കേ​ണ്ട​തു​ണ്ടാ​യി​രു​ന്നു. ഡ​ൽ​ഹി സ​ന്ദ​ർ​ശ​ന​ത്തി​നി​ടെ പ്ര​ധാ​ന​മ​ന്ത്രി​യെ​യും ക​ണ്ടു. ഡ​ൽ​ഹി​ക്കും ബം​ഗ​ളൂ​രു​വി​നു​മി​ട​യി​ൽ നി​ര​വ​ധി വി​മാ​ന സ​ർ​വി​സു​ക​ളു​ണ്ട്. വ​ര​ൾ​ച്ചാ കാ​ല​ത്ത് ആ​ഡം​ബ​ര വി​മാ​ന​ത്തി​ൽ സ​ഞ്ച​രി​ക്കേ​ണ്ട കാ​ര്യ​മെ​ന്താ​യി​രു​ന്നു? സം​സ്ഥാ​ന സ​ർ​ക്കാ​ർ ഒ​രു ന​ഷ്ട​പ​രി​ഹാ​ര​വും ഇ​തു​വ​രെ ന​ൽ​കി​യി​ട്ടി​ല്ല. ക​ർ​ണാ​ട​ക​യി​ലെ ജ​ന​ങ്ങ​ളെ നി​ന്ദി​ക്ക​ലാ​ണി​ത് -ജോ​ഷി കു​റ്റ​പ്പെ​ടു​ത്തി.

എ​ന്നാ​ൽ, പ്ര​ധാ​ന​മ​ന്ത്രി ന​രേ​ന്ദ്ര മോ​ദി സ​ഞ്ച​രി​ക്കു​ന്ന​ത് ഏ​ത് വി​മാ​ന​ത്തി​ലാ​ണെ​ന്ന ചോ​ദ്യ​വു​മാ​യാ​ണ് സി​ദ്ധ​രാ​മ​യ്യ ബി.​ജെ.​പി​യു​ടെ വി​മ​ർ​ശ​ന​ത്തെ നേ​രി​ട്ട​ത്. മൈ​സൂ​രു​വി​ൽ മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്ക​വെ വി​വാ​ദ​ത്തെ​ക്കു​റി​ച്ച് പ്ര​തി​ക​ര​ണ​മാ​രാ​ഞ്ഞ​പ്പോ​ൾ ബി.​ജെ.​പി നേ​താ​ക്ക​ൾ​ക്കെ​തി​രെ രൂ​ക്ഷ​മാ​യാ​ണ് സി​ദ്ധ​രാ​മ​യ്യ പ്ര​തി​ക​രി​ച്ച​ത്. ‘ഏ​ത് വി​മാ​ന​ത്തി​ലാ​ണ് മോ​ദി സ​ഞ്ച​രി​ക്കു​ന്ന​ത്? ഈ ​ചോ​ദ്യം ആ​ദ്യം ബി.​ജെ.​പി നേ​താ​ക്ക​ളോ​ട് ചോ​ദി​ക്കൂ. അ​ത്ത​ര​മൊ​രു വി​മാ​ന​ത്തി​ൽ മോ​ദി ഒ​റ്റ​ക്ക് സ​ഞ്ച​രി​ക്കു​ന്ന​തെ​ന്തി​നാ​ണ്? ബി.​ജെ.​പി നേ​താ​ക്ക​ൾ​ക്ക് വാ​യി​ൽ​തോ​ന്നു​ന്ന​തെ​ല്ലാം വി​ളി​ച്ചു​പ​റ​യാം’- സി​ദ്ധ​രാ​മ​യ്യ പ​റ​ഞ്ഞു. തു​ട​ർ​ന്ന് മാ​ധ്യ​മ​പ്ര​വ​ർ​ത്ത​ക​രു​ടെ മ​റ്റു ചോ​ദ്യ​ങ്ങ​ൾ വ​ക​വെ​ക്കാ​തെ അ​ദ്ദേ​ഹം ന​ട​ന്നു​പോ​യി.