വീട്ടാഹാരം ജയിലിൽ കിട്ടണമെന്ന് ദർശൻ; കോടതി ഹരജി തിങ്കളാഴ്ചയിലേക്ക് മാറ്റി

ബം​ഗ​ളൂ​രു: വീ​ട്ടി​ലെ ഭ​ക്ഷ​ണം ജ​യി​ലി​ലെ​ത്തി​ക്കാ​ൻ അ​നു​മ​തി​തേ​ടി രേ​ണു​ക സ്വാ​മി കൊ​ല​ക്കേ​സ് ര​ണ്ടാം പ്ര​തി ക​ന്ന​ട സൂ​പ്പ​ർ സ്റ്റാ​ർ ദ​ർ​ശ​ൻ ബം​ഗ​ളൂ​രു മെ​ട്രോ​പോ​ളി​റ്റ​ൻ മ​ജി​സ്‌​ട്രേ​റ്റ്‌ കോ​ട​തി​യെ സ​മീ​പി​ച്ചു. ജ​യി​ൽ ഭ​ക്ഷ​ണം ആ​രോ​ഗ്യ പ്ര​ശ്ന​ങ്ങ​ളു​ണ്ടാ​ക്കു​ന്നെ​ന്നും ശ​രീ​ര​ഭാ​രം കു​റ​ഞ്ഞെ​ന്നും ചൂ​ണ്ടി​ക്കാ​ട്ടി​യാ​ണ് അ​പേ​ക്ഷ ന​ൽ​കി​യ​ത്.

കി​ട​ക്ക​യും ധ​രി​ക്കാ​ൻ ഇ​ഷ്ട​പ്പെ​ട്ട വ​സ്ത്ര​വും അ​നു​വ​ദി​ക്ക​ണ​മെ​ന്നും ദ​ർ​ശ​ൻ അ​ഭി​ഭാ​ഷ​ക​ൻ മു​ഖേ​ന ന​ൽ​കി​യ അ​പേ​ക്ഷ​യി​ൽ ആ​വ​ശ്യ​പ്പെ​ട്ടു. അ​പേ​ക്ഷ പ​രി​ഗ​ണി​ച്ച കോ​ട​തി ദ​ർ​ശ​ന്റെ ആ​രോ​ഗ്യ​റി​പ്പോ​ർ​ട്ട് ഹാ​ജ​രാ​ക്കാ​ൻ ആ​വ​ശ്യ​പ്പെ​ട്ടു. അ​പേ​ക്ഷ​യി​ൽ തീ​രു​മാ​ന​മെ​ടു​ക്കു​ന്ന​ത് തി​ങ്ക​ളാ​ഴ്ച​ത്തേ​ക്ക് മാ​റ്റു​ക​യും ചെ​യ്തു. ഹൈ​കോ​ട​തി നി​ർ​ദേ​ശ​മ​നു​സ​രി​ച്ചാ​ണ് മ​ജി​സ്‌​ട്രേ​റ്റ്‌ കോ​ട​തി​യി​ൽ അ​പേ​ക്ഷ ന​ൽ​കി​യ​ത്. ഹൈ​കോ​ട​തി​യി​ൽ ദ​ർ​ശ​ൻ ന​ൽ​കി​യ ഹ​ർ​ജി പ​രി​ഗ​ണി​ച്ച ജ​സ്റ്റി​സ് എ​സ്.​ആ​ർ. കൃ​ഷ്ണ​കു​മാ​റാ​ണ് മ​ജി​സ്‌​ട്രേ​റ്റ്‌ കോ​ട​തി​യെ സ​മീ​പി​ക്കാ​ൻ അ​നു​മ​തി ന​ൽ​കി​യ​ത്.

ഈ ​മാ​സം 26ന​കം അ​പേ​ക്ഷ​യി​ൽ തീ​രു​മാ​ന​മെ​ടു​ക്കാ​ൻ മ​ജി​സ്‌​ട്രേ​റ്റി​നോ​ടാ​വ​ശ്യ​പ്പെ​ടു​ക​യും ചെ​യ്തി​രു​ന്നു. താ​രാ​രാ​ധ​ക​ൻ കൂ​ടി​യാ​യ ചി​ത്ര​ദു​ർ​ഗ സ്വ​ദേ​ശി രേ​ണു​കാ​സ്വാ​മി​യെ കൊ​ല​പ്പെ​ടു​ത്തി​യ കേ​സി​ൽ ജൂ​ൺ 11ന് ​അ​റ​സ്റ്റി​ലാ​യ ദ​ർ​ശ​ൻ പ​ര​പ്പ​ന അ​ഗ്ര​ഹാ​ര സെ​ൻ​ട്ര​ൽ ജ​യി​ലി​ൽ റി​മാ​ന്‍ഡി​ല്‍ ക​ഴി​യു​ക​യാ​ണ്