‘‘വെ​ടി​വെ​ക്ക​ണോ, നെ​ഞ്ചു​വി​രി​ച്ച് മു​ന്നി​ൽ നി​ന്നു ത​രാം’’ -ഡി.​കെ. സു​രേ​ഷ്

ബം​ഗ​ളൂ​രു: മു​ൻ ഉ​പ​മു​ഖ്യ​മ​ന്ത്രി​യും മു​തി​ർ​ന്ന ബി.​ജെ.​പി നേ​താ​വു​മാ​യ കെ.​എ​സ്. ഈ​ശ്വ​ര​പ്പ​യു​ടെ പ്ര​കോ​പ​ന പ്ര​സം​ഗം വി​വാ​ദ​മാ​യ പ​ശ്ചാ​ത്ത​ല​ത്തി​ൽ പ്ര​തി​ക​ര​ണ​വു​മാ​യി കോ​ൺ​ഗ്ര​സ് എം.​പി ഡി.​കെ. സു​രേ​ഷ് രം​ഗ​ത്ത്.

‘‘അ​ങ്ങേ​ക്ക് എ​ന്നെ കൊ​ല്ലു​ക​യാ​ണ് വേ​ണ്ട​തെ​ങ്കി​ൽ ഒ​റ്റ​ക്ക് വ​ന്ന് നെ​ഞ്ച് വി​രി​ച്ച് മു​ന്നി​ൽ നി​ന്നു ത​രാം. ആ​ഗ്ര​ഹം സ​ഫ​ല​മാ​വ​ട്ടെ’’ -ഉ​പ മു​ഖ്യ​മ​ന്ത്രി ഡി.​കെ. ശി​വ​കു​മാ​റി​ന്‍റെ സ​ഹോ​ദ​ര​ൻ​കൂ​ടി​യാ​യ ഡി.​കെ. സു​രേ​ഷ് ശ​നി​യാ​ഴ്ച പ​റ​ഞ്ഞു. ച​രി​ത്ര​സ​ത്യ​ങ്ങ​ൾ വി​ളി​ച്ചു​പ​റ​യു​മ്പോ​ൾ പ്ര​കോ​പ​ന പ്ര​തി​ക​ര​ണ​ങ്ങ​ളി​ലൂ​ടെ ജ​ന​ങ്ങ​ളെ ബു​ദ്ധി​മു​ട്ടി​ക്ക​രു​ത്.

പാ​വ​പ്പെ​ട്ട നി​ങ്ങ​ളു​ടെ ആ​ളു​ക​ളെ ഇ​ര​ക​ളാ​ക്ക​പ്പെ​ടു​ന്ന​തി​ലൂ​ടെ സ​ത്യം മൂ​ടാ​മെ​ന്നും ക​രു​ത​രു​ത്. മ​ഹാ​ത്മാ ഗാ​ന്ധി​യു​ടെ ഘാ​ത​ക​രു​ടെ പി​ൻ​തു​ട​ർ​ച്ച​ക്കാ​രാ​ണ് ബി.​ജെ.​പി. രാ​ജ്യ​ത്തെ വി​ഭ​ജി​ച്ച​തി​ന്‍റെ ച​രി​ത്ര​വും വ​ർ​ത്ത​മാ​ന​കാ​ല വി​ഭാ​ഗീ​യ പ്ര​വ​ർ​ത്ത​ന​ങ്ങ​ളും നി​ങ്ങ​ളു​ടെ മു​ഖ​മു​ദ്ര​യാ​ണ് -സു​രേ​ഷ് പ​റ​ഞ്ഞു. വെ​ടി​യു​ണ്ട​യെ ഭ​യ​ക്കു​ന്ന​വ​ന​ല്ല സ​ഹോ​ദ​ര​ൻ സു​രേ​ഷ് എ​ന്ന് ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ പ്ര​തി​ക​രി​ച്ചു.

പ്രകോപന പ്രസംഗം ഈശ്വരപ്പക്കെതിരെ കേസ്

ബംഗളൂരു: വിവാദ പ്രസ്താവന നടത്തി എന്നതിന് മുൻ ഉപ മുഖ്യമന്ത്രിയും മുതിർന്ന ബി.ജെ.പി നേതാവുമായ കെ.എസ്. ഈശ്വരപ്പക്കെതിരെ ദാവൺഗരെ ബഡവനെ പൊലീസ് കേസെടുത്തു.

കോൺഗ്രസ് നേതാക്കളായ ഡി.കെ. സുരേഷ് എം.പി, വിനയ് കുൽക്കർണി എം.എൽ.എ എന്നിവരെ വധിക്കാൻ നിയമം കൊണ്ടുവരണമെന്ന് ബി.ജെ.പി ദാവൺഗരെ ജില്ല പ്രസിഡന്‍റിന്‍റെ സ്ഥാനാരോഹണ ചടങ്ങിൽ നടത്തിയ പ്രസംഗമാണ് കേസിനാധാരം. ഇരു കോൺഗ്രസ് നേതാക്കളും രാജ്യദ്രോഹികളാണെന്നും ഇന്ത്യയെ രണ്ട് ഭാഗമാക്കാൻ പരിശ്രമിക്കുന്നവരാണെന്നും അദ്ദേഹം ആരോപിച്ചു. പൊതുസമ്മേളനങ്ങളിൽ അവർ വീണ്ടും ഇത്തരം പ്രസ്താവനകൾ നടത്താൻ ശ്രമിച്ചാൽ തീർച്ചയായും പ്രധാനമന്ത്രി നരേന്ദ്ര മോദിയെ വിവരം അറിയിക്കും. അവർ രാജ്യത്തെ കഷണങ്ങളായി വിഭജിക്കാൻ ആഗ്രഹിക്കുന്നു. അവരെ വെടിവെച്ചുകൊല്ലാൻ കഴിയുന്ന നിയമം കൊണ്ടുവരണം എന്നായിരുന്നു പ്രസംഗം.