അ​ന​ധി​കൃ​ത വൈ​ദ്യു​തി ലൈ​നി​ൽ​നി​ന്ന് ഷോ​ക്കേ​റ്റ് വി​ദ്യാ​ർ​ഥി​നി​ക്ക് ദാ​രു​ണാ​ന്ത്യം

മം​ഗ​ളൂ​രു: ഉ​ത്ത​ര ക​ന്ന​ട ജി​ല്ല​യി​ലെ ഹാ​ലി​യ താ​ലൂ​ക്കി​ൽ മു​ണ്ട​വാ​ഡ ഗ്രാ​മ​ത്തി​ലെ സ​ർ​ക്കാ​ർ പ്രൈ​മ​റി സ്‌​കൂ​ൾ വി​ദ്യാ​ർ​ഥി​നി, അ​ശ്ര​ദ്ധ​മാ​യി നി​ല​ത്തി​ട്ട വൈ​ദ്യു​തി​ക്ക​മ്പി​യി​ൽ നി​ന്ന് ഷോ​ക്കേ​റ്റ് മ​രി​ച്ചു. ര​ണ്ടാം ക്ലാ​സ് വി​ദ്യാ​ർ​ഥി​നി സാ​ൻ​വി ബ​സ​വ​രാ​ജ ഗൗ​ളി​യാ​ണ് (എ​ട്ട്) മ​രി​ച്ച​ത്. സ്‌​കൂ​ളി​ലെ ശു​ചി​മു​റി​യി​ലേ​ക്ക് പോ​വു​ക​യാ​യി​രു​ന്നു കു​ട്ടി. സ​മീ​പം വൈ​ദ്യു​തി​ക്ക​മ്പി വീ​ണു​കി​ട​ന്നി​രു​ന്നു. പു​തു​താ​യി നി​ർ​മി​ച്ച കു​ഴ​ല്‍ക്കി​ണ​റി​ലൂ​ടെ വെ​ള്ളം പ​മ്പ് ചെ​യ്യു​ന്ന​തി​നാ​യി ഘ​ടി​പ്പി​ച്ച വൈ​ദ്യു​തി​ക്ക​മ്പി പ​മ്പി​ങ് ക​ഴി​ഞ്ഞ​തോ​ടെഅ​ശ്ര​ദ്ധ​മാ​യി നി​ല​ത്തി​ടു​ക​യാ​യി​രു​ന്നു.

അ​ന​ധി​കൃ​ത ക​ണ​ക്ഷ​ൻ: അ​ടി​മു​ടി അ​ശ്ര​ദ്ധ; എം.​എ​ൽ.​എ​ക്കു​മു​ന്നി​ൽ പ​രാ​തി​യു​മാ​യി ഗ്രാ​മ​വാ​സി​ക​ൾ

മം​ഗ​ളൂ​രു: വൈ​ദ്യു​തി വി​ത​ര​ണ ക​മ്പ​നി ‘ഹെ​സ്‌​കോ​മി’​ന്‍റെ​യും സ്‌​കൂ​ൾ അ​ധി​കൃ​ത​രു​ടെ​യും അ​നാ​സ്ഥ​യും അ​ശ്ര​ദ്ധ​യു​മാ​ണ് വി​ദ്യാ​ർ​ഥി​നി​യു​ടെ ജീ​വ​നെ​ടു​ത്ത​തെ​ന്ന് ഗ്രാ​മ​വാ​സി​ക​ൾ ആ​രോ​പി​ച്ചു. ദു​ര​ന്തം അ​റി​ഞ്ഞെ​ത്തി​യ മു​തി​ർ​ന്ന കോ​ൺ​ഗ്ര​സ് നേ​താ​വും ഹാ​ലി​യ എം.​എ​ൽ.​എ​യു​മാ​യ ആ​ർ.​വി.​ദേ​ശ് പാ​ണ്ഡെ മു​മ്പാ​കെ അ​മ്പ​തോ​ളം കു​ടും​ബ​ങ്ങ​ളി​ൽ നി​ന്നു​ള്ള​വ​ർ പ​രാ​തി ന​ൽ​കി. വൈ​ദ്യു​തി വി​ത​ര​ണ സ​ർ​വി​സ് ലൈ​നു​മാ​യി ബ​ന്ധി​പ്പി​ച്ച്‌ അ​ന​ധി​കൃ​ത​മാ​യി ന​ൽ​കി​യ വൈ​ദ്യു​തി ക​ണ​ക്ഷ​നാ​ണി​തെ​ന്ന് അ​വ​ർ എം.​എ​ൽ.​എ​യോ​ട് പ​റ​ഞ്ഞു.

ഇ​താ​ണ് ദു​ര​ന്ത​ത്തി​ന് ഇ​ട​യാ​ക്കി​യ​ത്.ശു​ചി​മു​റി​യി​ലെ​ത്തി​യ സാ​ൻ​വി വൈ​ദ്യു​തി​ക്ക​മ്പി​യി​ല്‍ ച​വി​ട്ടി​യ ഉ​ട​ൻ പി​ട​ഞ്ഞു​മ​രി​ക്കു​ക​യാ​യി​രു​ന്നെ​ന്ന് ദൃ​ക്സാ​ക്ഷി പ​രി​സ​ര വാ​സി ജ​ഗ​ദ​മ്മപ​റ​ഞ്ഞു. കു​ഴ​ൽ​ക്കി​ണ​റി​ൽ​നി​ന്ന് വെ​ള്ളം പ​മ്പ് ചെ​യ്ത ശേ​ഷം ക​മ്പി അ​ശ്ര​ദ്ധ​മാ​യി കൈ​കാ​ര്യം ചെ​യ്യു​ക​യാ​യി​രു​ന്നു. അ​ന​ധി​കൃ​ത ക​ണ​ക്ഷ​നാ​യ​തി​നാ​ൽ വൈ​ദ്യു​തി പ്ര​വാ​ഹം ഓ​ഫാ​ക്കാ​നാ​വി​ല്ല.ആ​വ​ശ്യ​മു​ള്ള​പ്പോ​ൾ കു​ഴ​ൽ​ക്കി​ണ​ർ മോ​ട്ടോ​റി​ലേ​ക്ക് ബ​ന്ധി​പ്പി​ക്കു​ക​യും ശേ​ഷം അ​ഴി​ച്ചു​വെ​ക്കു​ക​യു​മാ​ണ്​ ചെ​യ്യു​ന്ന​ത്.

ഇ​ത് നി​ല​ത്തു​വീ​ണാ​ണ്കു​ട്ടി​ക്ക് വൈ​ദ്യു​താ​ഘാ​ത​മേ​റ്റ​ത്. സം​ഭ​വ​ത്തി​ന് ഉ​ത്ത​ര​വാ​ദി​ക​ളാ​യ​വ​രെ നി​യ​മ​ത്തി​നു​മു​ന്നി​ൽ കൊ​ണ്ടു​വ​രു​മെ​ന്ന് എം.​എ​ൽ.​എ നാ​ട്ടു​കാ​ർ​ക്ക് ഉ​റ​പ്പു​ന​ൽ​കി. കു​ട്ടി​യു​ടെ മൃ​ത​ദേ​ഹം പോ​സ്റ്റു​മോ​ർ​ട്ട​ത്തി​നാ​യി പ്ര​വേ​ശി​പ്പി​ച്ചഹാ​ലി​യ ആ​ശു​പ​ത്രി​യി​ലെ​ത്തി ബ​ന്ധു​ക്ക​ളെ അ​ദ്ദേ​ഹം സാ​ന്ത്വ​നി​പ്പി​ച്ചു. പൊ​ലീ​സ് കേ​സ് ര​ജി​സ്റ്റ​ർ ചെ​യ്തു.