പ​ട​ക്ക ഗോ​ഡൗ​ൺ ദു​ര​ന്തം: മൂ​ന്നു പേ​ർ അ​റ​സ്റ്റി​ൽ

ബം​ഗ​ളൂ​രു: അ​ത്തി​ബ​ലെ​യി​ൽ പ​ട​ക്ക ഗോ​ഡൗ​ണി​ന് തീ​പി​ടി​ച്ച് 16 പേ​ർ മ​രി​ച്ച സം​ഭ​വ​ത്തി​ൽ മൂ​ന്നു​പേ​ർ അ​റ​സ്റ്റി​ൽ. ബാ​ലാ​ജി ​േട്ര​ഡേ​ഴ്സ് ആ​ണ് ഗോ​ഡൗ​ൺ ന​ട​ത്തി​യി​രു​ന്ന​ത്. ഇ​വി​ടെ ആ​യി​ര​ക്ക​ണ​ക്കി​ന് കി​ലോ പ​ട​ക്കം സൂ​ക്ഷി​ച്ചി​രു​ന്നു.

ദു​ര​ന്ത​ത്തി​ൽ പ​രി​ക്കേ​റ്റ് ചി​കി​ത്സ​യി​ൽ ക​ഴി​യു​ന്ന പ്ര​തി​യാ​യ ന​വീ​ൻ റെ​ഡ്ഡി അ​ട​ക്കം മൂ​ന്നു​പേ​രെ​യാ​ണ് കു​റ്റാ​ന്വേ​ഷ​ണ വ​കു​പ്പ് അ​റ​സ്റ്റ് ചെ​യ്ത​ത്. പ​രി​ക്കേ​റ്റ് ചി​കി​ത്സ​യി​ലി​രു​ന്ന ഒ​രാ​ൾ ബു​ധ​നാ​ഴ്ച​യും മ​​റ്റൊ​രാ​ൾ വ്യാ​ഴാ​ഴ്ച​യും മ​രി​ച്ച​തോ​ടെ മ​ര​ണ​സം​ഖ്യ 16 ആ​യി. അ​തേ​സ​മ​യം, ചി​കി​ത്സ​യി​ൽ ക​ഴി​യു​ന്ന​വ​രു​ടെ ബ​ന്ധു​ക്ക​ളി​ൽ നി​ന്ന് പ​ണം വാ​ങ്ങി​യെ​ന്ന പ​രാ​തി​യി​ൽ സെ​ന്റ് ജോ​ൺ​സ് ആ​ശു​പ​ത്രി​ക്കെ​തി​രെ​യും ഒ​രു ഡോ​ക്ട​ർ​ക്കെ​തി​രെ​യും കേ​സെ​ടു​ത്തു. പ​രി​ക്കേ​റ്റ​വ​രു​ടെ ചി​കി​ത്സാ ചെ​ല​വ് സം​സ്ഥാ​ന സ​ർ​ക്കാ​ർ ഏ​​റ്റെ​ടു​ത്തി​രു​ന്നു. എ​ന്നാ​ൽ, വെ​ങ്ക​ടേ​ഷ് എ​ന്ന​യാ​ളെ ചി​കി​ത്സി​ക്കാ​ൻ ആ​​ശു​പ​ത്രി അ​ധി​കൃ​ത​ർ മ​ടി കാ​ണി​ച്ചെ​ന്നും ഇ​തി​നാ​യി പ​ണം ആ​വ​ശ്യ​പ്പെ​ട്ടു​വെ​ന്നും ബ​ന്ധു ന​ൽ​കി​യ പ​രാ​തി​യി​ലാ​ണ് ന​ട​പ​ടി. വെ​ങ്ക​ടേ​ശ് പി​ന്നീ​ട് മ​രി​ച്ചി​രു​ന്നു.

ആ​ശു​പ​ത്രി അ​ധി​കൃ​ത​ർ​ക്കെ​തി​രെ ന​ട​പ​ടി എ​ടു​ത്തി​ല്ലെ​ങ്കി​ൽ മൃ​ത​ദേ​ഹം ഏ​​റ്റെ​ടു​ക്കി​ല്ലെ​ന്ന് ബ​ന്ധു​ക്ക​ൾ പ​റ​ഞ്ഞി​രു​ന്നു. ചി​കി​ത്സ ചെ​ല​വ് സ​ർ​ക്കാ​ർ വ​ഹി​ക്കു​മെ​ന്ന് ഉ​റ​പ്പു​ന​ൽ​കി​യി​രു​ന്നു​വെ​ങ്കി​ലും ബി​ല്ല​ട​ക്കാ​ൻ ആ​ശു​പ​ത്രി അ​ധി​കൃ​ത​ർ നി​ർ​ബ​ന്ധി​ച്ചു​വെ​ന്നും ബ​ന്ധു​ക്ക​ൾ ആ​രോ​പി​ച്ചു.

ദു​ര​ന്ത​ത്തി​ന് ഇ​ട​യാ​ക്കു​ന്ന ത​ര​ത്തി​ൽ ന​ട​പ​ടി​ക​ളി​ൽ വീ​ഴ്ച​വ​രു​ത്തി​യ ത​ഹ​സി​ൽ​ദാ​ർ, പൊ​ലീ​സ് ഇ​ൻ​സ്​​പെ​ക്ട​ർ, ചീ​ഫ് ഫ​യ​ർ ഓ​ഫി​സ​ർ എ​ന്നി​വ​​രെ സ​ർ​ക്കാ​ർ സ​സ്​​പെ​ൻ​ഡ് ചെ​യ്തി​രു​ന്നു. ദു​ര​ന്ത​ത്തി​ന്റെ പ​ശ്ചാ​ത്ത​ല​ത്തി​ൽ സം​സ്ഥാ​ന​ത്ത് ക​ല്യാ​ണ​ച​ട​ങ്ങു​ക​ൾ, രാ​ഷ്ട്രീ​യ​പാ​ർ​ട്ടി​ക​ളു​ടെ പ​രി​പാ​ടി​ക​ൾ, ഗ​ണേ​ശോ​ത്സ​വം എ​ന്നി​വി​ട​ങ്ങ​ളി​ൽ പ​ട​ക്കം പൊ​ട്ടി​ക്കു​ന്ന​ത് നി​രോ​ധി​ക്കു​ക​യും ചെ​യ്തു. പ​ട​ക്ക​ക്ക​ട​ക​ളു​ടെ ലൈ​സ​ൻ​സു​ക​ൾ ഇ​നി വ​ർ​ഷ​ത്തി​ൽ പു​തു​ക്ക​ണം. നി​ല​വി​ൽ മൂ​ന്നു​വ​ർ​ഷ​ത്തേ​ക്കാ​ണ് ലൈ​സ​ൻ​സ് ന​ൽ​കി​യി​രു​ന്ന​ത്. പ​ട​ക്ക​ക്ക​ട ന​ട​ത്താ​നു​ള്ള ലൈ​സ​ൻ​സിന്റെ മറവിൽ സംഭരണം കൂടി നടത്തിയ സ്ഥാപനത്തിലാണ് തീപിടിത്തമുണ്ടായത്.