അ​റി​വും അ​നു​ഭൂ​തി​യും പ​ക​ർ​ന്ന് കാ​ർ​ഷി​ക മേ​ള​ക്ക് സ​മാ​പ​നം

ബം​ഗ​ളൂ​രു: ല​ക്ഷ​ങ്ങ​ൾ​ക്ക് പൈ​തൃ​ക-​നൂ​ത​ന കൃ​ഷി​യ​റി​വു​ക​ളും അ​നു​ഭൂ​തി​യും പ​ക​ർ​ന്ന് ഗാ​ന്ധി കൃ​ഷി വി​ജ്ഞാ​ന കേ​ന്ദ്ര സം​ഘ​ടി​പ്പി​ച്ച ച​തു​ർ​ദി​ന കാ​ർ​ഷി​ക​മേ​ള സ​മാ​പി​ച്ചു. 34.13 ല​ക്ഷം പേ​ർ സ​ന്ദ​ർ​ശി​ച്ച മേ​ള​യി​ലെ വി​വി​ധ സ്റ്റാ​ളു​ക​ളി​ൽ ന​ട​ന്ന വി​ൽ​പ​ന​യി​ലൂ​ടെ 6.17 കോ​ടി രൂ​പ​യു​ടെ വ​രു​മാ​നം ല​ഭി​ച്ചു.

കാ​ലാ​വ​സ്ഥാ​നു​യോ​ജ്യ ഡി​ജി​റ്റ​ൽ കൃ​ഷി, മ​ട്ടു​പ്പാ​വി​ലെ കൃ​ഷി, പ​ര​മ്പ​രാ​ഗ​ത കാ​ർ​ഷി​ക രീ​തി​ക​ൾ തു​ട​ങ്ങി പ്ലാ​സ്റ്റി​ക് ച​ട്ട​ക്കൂ​ടി​ലെ തേ​നീ​ച്ച വ​ള​ർ​ത്ത​ൽ​വ​രെ ജീ​വി​ത​ത്തി​ന്റെ നാ​നാ​തു​റ​ക​ളി​ൽ​നി​ന്നു​ള്ള​വ​ർ ക​ണ്ട​റി​ഞ്ഞു. തെ​ങ്ങ് കൃ​ഷി മേ​ഖ​ല​യി​ൽ നൂ​ത​ന ആ​ശ​യ​മാ​യി ഡ്രോ​ൺ സ്പ്രേ ​മേ​ള​യി​ൽ ത​ല​ക്കു​മേ​ലെ വ​ട്ട​മി​ട്ടു. കു​റ​ച്ചു വ​ള​പ്ര​യോ​ഗ​ത്തി​ലൂ​ടെ മി​ക​ച്ച വി​ള​വി​ന്റെ പൂ​വും കാ​യ്ക​ളും അ​റി​വി​നൊ​പ്പം അ​നു​ഭൂ​തി​യും പ​ക​ർ​ന്നു.

സി.​എ​ൻ. കൃ​ഷ്ണ​മൂ​ർ​ത്തി ത​ന്റെ ശ്രീ​കൃ​ഷ്ണ ഗോ​ശാ​ല​യി​ൽ​നി​ന്ന് എ​ത്തി​ച്ച ജാ​ഫ​റാ​ബാ​ദി എ​രു​മ​ക​ൾ മേ​ള​യി​ൽ കൗ​തു​ക​മാ​യി. ദി​നേ​ന 20 ലി​റ്റ​ർ​വ​രെ പാ​ൽ ചു​ര​ത്തു​ന്ന​തും ട​ൺ ഭാ​ര​വും ക​ടു​വ​ക​ളെ മ​ല​ർ​ത്തി​യ​ടി​ക്കാ​ൻ ക​രു​ത്തു​മു​ള്ള ഇ​ന​മാ​ണി​ത്. മി​ക​ച്ച യു​വ, വ​നി​ത, ശാ​സ്ത്രീ​യ ക​ർ​ഷ​ക​ർ​ക്കു​ള്ള അ​വാ​ർ​ഡു​ക​ൾ മേ​ള​യു​ടെ സ​മാ​പ​ന​ദി​ന​ത്തി​ൽ വി​ത​ര​ണം ചെ​യ്തു.