‘ഗൃഹജ്യോതി’ക്ക് വൻസ്വീകാര്യത അപേക്ഷകർ കോടി കവിഞ്ഞു

ബം​ഗ​ളൂ​രു: മാ​സം 200 യൂ​നി​റ്റ് സൗ​ജ​ന്യ​വൈ​ദ്യു​തി ന​ൽ​കു​ന്ന ‘ഗൃ​ഹ​ജ്യോ​തി’ പ​ദ്ധ​തി​ക്ക് വ​ൻ സ്വീ​കാ​ര്യ​ത. ഇ​തു​വ​രെ​യാ​യി പ​ദ്ധ​തി​യു​ടെ ഗു​ണ​ഭോ​ക്താ​ക്ക​ളാ​കാ​ൻ അ​പേ​ക്ഷ ന​ൽ​കി​യ​ത് ഒ​രു കോ​ടി​യി​ലേ​റെ ആ​ളു​ക​ൾ. ര​ണ്ടാ​ഴ്ച​ക്ക് മു​മ്പാ​ണ് സ​ർ​ക്കാ​ർ ര​ജി​സ്ട്രേ​ഷ​ൻ സൗ​ക​ര്യം തു​ട​ങ്ങി​യ​ത്. ബാം​ഗ്ലൂ​ർ വ​ൺ, ഗ്രാ​മ വ​ൺ, സേ​വ ഭാ​ര​തി പോ​ർ​ട്ട​ൽ, ക​ർ​ണാ​ട​ക വ​ൺ ഓ​ഫി​സു​ക​ൾ എ​ന്നി​വ വ​ഴി​യാ​ണ് പ​ദ്ധ​തി​ക്കാ​യി അ​പേ​ക്ഷി​ക്കേ​ണ്ട​ത്. ക​സ്റ്റ​മ​ർ ന​മ്പ​ർ, ആ​ധാ​ർ​കാ​ർ​ഡ് എ​ന്നി​വ ഉ​പ​യോ​ഗി​ച്ചാ​ണ് ര​ജി​സ്ട്രേ​ഷ​ൻ ന​ട​ത്തേ​ണ്ട​ത്.

പ​ദ്ധ​തി​ക്ക് അ​പേ​ക്ഷി​ക്കാ​ൻ സ​മ​യ​പ​രി​ധി​യി​ല്ല. എ​പ്പോ​ഴും അ​പേ​ക്ഷ ന​ൽ​കാം. എ​ന്നാ​ൽ ജൂ​ലൈ 25ന് ​മു​മ്പ് അ​പേ​ക്ഷി​ച്ച​വ​ർ​ക്കാ​ണ് ജൂ​ലൈ മാ​സം സൗ​ജ​ന്യ വൈ​ദ്യു​തി ല​ഭി​ക്കു​ക. ‘ഗൃ​ഹ​ജ്യോ​തി’ പ​ദ്ധ​തി ജൂ​ലൈ ഒ​ന്നു​മു​ത​ലാ​ണ് നി​ല​വി​ൽ വ​ന്ന​ത്. 200 യൂ​നി​റ്റ് വ​രെ വൈ​ദ്യു​തി ഉ​പ​യോ​ഗി​ക്കു​ന്ന വീ​ടു​ക​ൾ​ക്ക് മാ​ത്ര​മാ​ണ് ഈ ​ആ​നു​കൂ​ല്യം.

നി​ബ​ന്ധ​ന​ക​ളി​ല്ലാ​തെ 200 യൂ​നി​റ്റ് വൈ​ദ്യു​തി സൗ​ജ​ന്യ​മാ​യി ന​ൽ​കു​ക​യ​ല്ല ചെ​യ്യു​ന്ന​ത്. ഓ​രോ വീ​ടു​ക​ളു​ടെ​യും 12 മാ​സ​ത്തെ വൈ​ദ്യു​തി ബി​ല്ലി​ന്റെ ശ​രാ​ശ​രി ക​ണ​ക്കാ​ക്കും.

ഇ​തി​ൽ 10 ശ​ത​മാ​നം കൂ​ടി ആ​നു​കൂ​ല്യം ന​ൽ​കി​യാ​ണ് പ​ദ്ധ​തി​യി​ലെ ഗു​ണേ​ഭോ​ക്താ​ക്ക​ളെ തി​ര​ഞ്ഞെ​ടു​ക്കു​ക. ഒ​രു വ​ർ​ഷ​ത്തെ ആ​കെ ഉ​പ​യോ​ഗി​ച്ച യൂ​നി​റ്റ് കൂ​ട്ടി​യ​തി​ൽ 10 ശ​ത​മാ​നം അ​ധി​ക ആ​നു​കൂ​ല്യ​വും ന​ൽ​കി​യ​ശേ​ഷം അ​തി​ന്റെ ശ​രാ​ശ​രി 200 യൂ​നി​റ്റി​ൽ അ​ധി​ക​മാ​കാ​ത്ത​വ​രെ​യാ​ണ് പ​ദ്ധ​തി​യി​ൽ ഉ​ൾ​പ്പെ​ടു​ത്തു​ക. ഇ​വ​ർ​ക്ക് ജൂ​ലൈ മു​ത​ൽ ബി​ല്ല​ട​ക്കേ​ണ്ടി​വ​രി​ല്ല.

ജൂ​ൺ 30 വ​രെ​യു​ള്ള കു​ടി​ശ്ശി​ക മൂ​ന്ന് മാ​സ​ത്തി​നു​ള്ളി​ൽ അ​ട​ച്ചു​തീ​ർ​ക്ക​ണം. 200 യൂ​നി​റ്റി​ൽ കൂ​ടു​ത​ൽ ഉ​പ​യോ​ഗി​ക്കു​ന്ന​വ​ർ​ക്ക് ഇ​തി​ന്റെ ബി​ൽ ന​ൽ​കും. 200 യൂ​നി​റ്റി​ൽ കു​റ​വ് ഉ​പ​യോ​ഗി​ക്കു​ന്ന​വ​ർ​ക്ക് അ​ട​ക്കേ​ണ്ട സം​ഖ്യ​യി​ൽ പൂ​ജ്യം രേ​ഖ​പ്പെ​ടു​ത്തി​യ ബി​ല്ലാ​കും ന​ൽ​കു​ക. ജൂ​ലൈ മു​ത​ലാ​ണ് പ​ദ്ധ​തി പ്രാ​ബ​ല്യ​ത്തി​ൽ വ​ന്ന​തെ​ങ്കി​ലും ആ​ഗ​സ്റ്റി​ലെ ബി​ല്ലി​ലാ​ണ് സൗ​ജ​ന്യ നി​ര​ക്ക് രേ​ഖ​പ്പെ​ടു​ത്തു​ക.