പാതയോരത്തെ വീട് തകർന്നു

ഗൂഡല്ലൂർ: ഊട്ടി-ഗൂഡല്ലൂർ ദേശീയപാതയിൽ നടുഗൂഡല്ലൂരിൽ പാതയോരത്ത് സ്ഥിതി ചെയ്യുന്ന ആൾപ്പാർപ്പില്ലാത്ത വീട് തകർന്നു. തിങ്കളാഴ്ച വൈകീട്ട് മൂന്നോടെയാണ് വീടിന്റെ ഒരു ഭാഗം തകർന്നുവീണത്.

ദേശീയപാത വികസനത്തിന്റെ ഭാഗമായി കുടിയിറക്ക് നടപടി നേരിടുന്ന കെട്ടിടത്തിൽ ആൾത്താമസം ഇല്ലായിരുന്നു. ദേശീയപാതയിൽ ഗതാഗതക്കുരുക്ക് സംഭവിക്കാതിരിക്കാൻ പൊലീസ് മണ്ണുമാന്തിയന്ത്രം ഉപയോഗിച്ച് അവശിഷ്ടങ്ങൾ നീക്കം ചെയ്തു.