പാർലമെന്റ് ഉദ്ഘാടനം: കർണാടകയിൽ വാക്പോരിൽ ജെ.ഡി-എസും കോൺഗ്രസും

ബം​ഗ​ളൂ​രു: പു​തി​യ പാ​ർ​ല​​​മെ​ന്റ് ഉ​ദ്ഘാ​ട​ന​വു​മാ​യി ബ​ന്ധ​പ്പെ​ട്ട് പ്ര​തി​പ​ക്ഷം ര​ണ്ടു ചേ​രി​യി​ൽ നി​ൽ​ക്കെ, ക​ർ​ണാ​ട​ക​യി​ൽ ജെ.​ഡി-​എ​സും കോ​ൺ​​ഗ്ര​സും വാ​ക്പോ​രി​ൽ. കോ​ൺ​ഗ്ര​സി​ന്റേ​ത് ക​പ​ട​നാ​ട്യ​മാ​ണെ​ന്ന ജെ.​ഡി-​എ​സ് നി​യ​മ​സ​ഭ ക​ക്ഷി നേ​താ​വ് എ​ച്ച്.​ഡി. കു​മാ​ര​സ്വാ​മി​യു​ടെ വി​മ​ർ​ശ​ന​ത്തി​ന് ക​ഴി​ഞ്ഞ​വ​ർ​ഷം രാ​ഷ്ട്ര​പ​തി തെ​ര​ഞ്ഞെ​ടു​പ്പ് ജെ.​ഡി-​എ​സ് ബ​ഹി​ഷ്‍ക​രി​ച്ച​ത് ഓ​ർ​മ​പ്പെ​ടു​ത്തി​യാ​യി​രു​ന്നു കോ​ൺ​ഗ്ര​സ് ക​ർ​ണാ​ട​ക അ​ധ്യ​ക്ഷ​ൻ ഡി.​കെ. ശി​വ​കു​മാ​റി​ന്റെ മ​റു​പ​ടി.

പു​തി​യ പാ​ർ​​ല​മെ​ന്റ് കെ​ട്ടി​ടം ആ​ർ.​എ​സ്.​എ​സി​ന്റെ​യോ ബി.​ജെ.​പി​യു​ടെ​യോ ഓ​ഫി​സ​ല്ലെ​ന്നും രാ​ഷ്ട്ര​ത്തി​ന്റെ സ്വ​ത്താ​ണെ​ന്നും ഉ​ദ്ഘാ​ട​ന​ത്തി​ൽ പ​​ങ്കെ​ടു​ക്കു​മെ​ന്നും ജെ.​ഡി-​എ​സ് അ​ധ്യ​ക്ഷ​ൻ എ​ച്ച്.​ഡി. ദേ​വ​ഗൗ​ഡ നി​ല​പാ​ട് വ്യ​ക്ത​മാ​ക്കി​യി​രു​ന്നു. ഇ​തി​നു​പി​ന്നാ​ലെ​യാ​ണ് കോ​ൺ​ഗ്ര​സി​നെ രൂ​ക്ഷ​മാ​യി വി​മ​ർ​ശി​ച്ച് കു​മാ​ര​സ്വാ​മി രം​ഗ​ത്തു​വ​ന്ന​ത്.

‘ചി​ല സ​മു​ദാ​യ​ങ്ങ​ളെ പ്രീ​ണി​പ്പി​ക്കാ​നു​ള്ള രാ​ഷ്ട്രീ​യ അ​ൽ​പ​ത്ത​മാ​ണ് കോ​ൺ​ഗ്ര​സി​ന്റേ​തെ​ന്ന് കു​മാ​ര​സ്വാ​മി പ​റ​ഞ്ഞു. ഛത്തി​സ്ഗ​ഢി​ൽ പു​തി​യ നി​യ​മ​സ​ഭ മ​ന്ദി​ര​ത്തി​ന് ത​റ​ക്ക​ല്ലി​ട്ട​ത് ഗ​വ​ർ​ണ​റ​ല്ല, രാ​ഹു​ൽ ഗാ​ന്ധി​യും സോ​ണി​യ ഗാ​ന്ധി​യു​മാ​ണ്. ക​ർ​ണാ​ട​ക​യി​ൽ 2005ൽ ​വി​കാ​സ് സൗ​ധ ഉ​ദ്ഘാ​ട​നം ചെ​യ്ത​ത് ഗ​വ​ർ​ണ​റാ​യി​രു​ന്നി​ല്ല, അ​ന്ന​ത്തെ കോ​ൺ​ഗ്ര​സ് മു​ഖ്യ​മ​ന്ത്രി ധ​രം സി​ങ്ങാ​യി​രു​ന്നു.

ഇ​താ​ണ് കോ​ൺ​ഗ്ര​സി​ന്റെ ഇ​ര​ട്ട​ത്താ​പ്പ്. രാ​ഷ്ട്ര​പ​തി​യോ​ടു​ള്ള കോ​ൺ​ഗ്ര​സി​ന്റെ സ്നേ​ഹം കാ​പ​ട്യ​മാ​ണ്. ആ​ദി​വാ​സി​യാ​യ വ​നി​ത​യെ കോ​ൺ​ഗ്ര​സ് ശ​രി​ക്കും ബ​ഹു​മാ​നി​ക്കു​ന്നു​ണ്ടെ​ങ്കി​ൽ അ​വ​ർ​ക്കെ​തി​രെ യ​ശ്വ​ന്ത് സി​ൻ​ഹ​യെ സ്ഥാ​നാ​ർ​ഥി​യാ​യി നി​ർ​ത്തി​ല്ലാ​യി​രു​ന്നെ​ന്നും കു​മാ​ര​സ്വാ​മി ചൂ​ണ്ടി​ക്കാ​ട്ടി. ഞ​ങ്ങ​ൾ കോ​ൺ​ഗ്ര​സി​ന്റെ അ​ടി​മ​ക​ള​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

പു​തി​യ പാ​ർ​ല​​മെ​ന്റ് കെ​ട്ടി​ടം ഉ​ദ്ഘാ​ട​നം ചെ​യ്യേ​ണ്ട​ത് രാ​ഷ്ട്ര​പ​തി​യാ​ണെ​ന്ന് ആ​വ​ർ​ത്തി​ച്ച ഡി.​​കെ. ശി​വ​കു​മാ​ർ, ത​റ​ക്ക​ല്ലി​ട​ലും രാ​ഷ്ട്ര​പ​തി​യ​ല്ല നി​ർ​വ​ഹി​ച്ച​തെ​ന്ന് ചൂ​ണ്ടി​ക്കാ​ട്ടി. ദ്രൗ​പ​തി മു​ർ​മു​വി​ന്റെ ​പേ​രി​ൽ കോ​ൺ​ഗ്ര​സ് രാ​ഷ്ട്രീ​യ മു​ത​ലെ​ടു​പ്പ് ന​ട​ത്തു​ക​യാ​ണെ​ന്ന കു​മാ​ര​സ്വാ​മി​യു​ടെ ആ​രോ​പ​ണ​ത്തെ, രാ​ജ്യ​ത്തി​ന്റെ പ്ര​സി​ഡ​ന്റി​നെ തി​ര​ഞ്ഞെ​ടു​ക്കു​ന്ന​ത് ജെ.​ഡി-​എ​സ് ബ​ഹി​ഷ്‍ക​രി​ച്ച കാ​ര്യം ചൂ​ണ്ടി​ക്കാ​ട്ടി​യാ​ണ് ശി​വ​കു​മാ​ർ നേ​രി​ട്ട​ത്. പ്ര​ധാ​ന​മ​ന്ത്രി ഈ ​സം​വി​ധാ​ന​ത്തി​ന്റെ ഭാ​ഗ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.