‘എ​ട്ട് ആ​ഴ്ച​ക്കു​ള്ളി​ൽ ക​യ​റ്റു​മ​തി’ പ​ദ്ധ​തി​യു​മാ​യി ഇ​ന്ത്യ എ​സ്.​എം.​ഇ ഫോ​റം

ബം​ഗ​ളൂ​രു: ചെ​റു​കി​ട, ഇ​ട​ത്ത​രം സം​രം​ഭ​ങ്ങ​ൾ​ക്കാ​യു​ള്ള (എ​സ്.​എം.​ഇ) സം​ഘ​ട​ന​യാ​യ ഇ​ന്ത്യ എ​സ്.​എം.​ഇ ഫോ​റം (ഐ.​എ​സ്.​എ​ഫ്) ഇ-​കൊ​മേ​ഴ്‌​സു​മാ​യി ചേ​ർ​ന്ന് പ്ര​വ​ർ​ത്തി​ക്കാ​ൻ ‘എ​ട്ട് ആ​ഴ്ച​യ്ക്കു​ള്ളി​ൽ ക​യ​റ്റു​മ​തി ആ​രം​ഭി​ക്കു​ക’ എ​ന്ന പ​ദ്ധ​തി തു​ട​ങ്ങി. ബം​ഗ​ളൂ​രു​വി​ൽ ന​ട​ന്ന ബി​സി​ന​സ് ബി​യോ​ണ്ട് ബോ​ർ​ഡേ​ഴ്സ് 2024 കോ​ൺ​ഫ​റ​ൻ​സി​ൽ എം.​എ​സ്.​എം.​ഇ മ​ന്ത്രാ​ല​യം സ​ഹ​മ​ന്ത്രി ശോ​ഭ ക​ര​ന്ദ്‌​ലാ​ജെ പ​ദ്ധ​തി പ്ര​ഖ്യാ​പ​നം നി​ർ​വ​ഹി​ച്ചു.

ഇ​ന്ത്യ​ൻ എം.​എ​സ്.​എം.​ഇ​ക​ൾ​ക്ക് ആ​ഗോ​ള വി​പ​ണി​യി​ൽ അ​വ​സ​ര​ങ്ങ​ളൊ​രു​ക്കാ​നും വെ​റും എ​ട്ട് ആ​ഴ്ച​ക​ൾ​ക്കു​ള്ളി​ൽ ക​യ​റ്റു​മ​തി ഒ​രു​ക്കാ​നും വേ​ണ്ടി​യാ​ണ് ‘എ​ട്ട് ആ​ഴ്‌​ച​യി​ൽ ക​യ​റ്റു​മ​തി ആ​രം​ഭി​ക്കു​ക’ എ​ന്ന പ​ദ്ധ​തി രൂ​പ​ക​ൽ​പ​ന ചെ​യ്‌​തി​രി​ക്കു​ന്ന​ത്. അ​ന്താ​രാ​ഷ്ട്ര വി​പ​ണി അ​വ​സ​ര​ങ്ങ​ൾ ഉ​പ​യോ​ഗ​പ്പെ​ടു​ത്താ​ൻ ആ​ഗ്ര​ഹി​ക്കു​ന്ന എം.​എ​സ്.​എം.​ഇ​ക​ൾ​ക്ക് സ​മ​ഗ്ര​മാ​യ മാ​ർ​ഗ​നി​ർ​ദേ​ശ​ങ്ങ​ളും നെ​റ്റ്‌​വ​ർ​ക്കി​ങ് അ​വ​സ​ര​ങ്ങ​ളും സൗ​ജ​ന്യ​മാ​യി ന​ൽ​കും. രാ​ജ്യ​ത്തി​ന്റെ വി​ക​സ​ന കാ​ഴ്ച​പ്പാ​ടി​ലേ​ക്ക് സം​ഭാ​വ​ന ന​ൽ​കു​ന്ന​തി​ൽ എം.​എ​സ്.​എം.​ഇ​ക​ൾ നി​ർ​ണാ​യ​ക പ​ങ്ക് വ​ഹി​ക്കു​ന്നു​ണ്ടെ​ന്നും അ​വ​രു​ടെ വി​ജ​യം ന​മ്മു​ടെ രാ​ജ്യ​ത്തി​ന് അ​നി​വാ​ര്യ​മാ​ണെ​ന്നും മ​ന്ത്രി പ​റ​ഞ്ഞു. ഉ​ൽ​പ​ന്ന​ങ്ങ​ൾ അ​ന്ത​ർ​ദേ​ശീ​യ ക​യ​റ്റു​മ​തി നി​ല​വാ​രം പു​ല​ർ​ത്തേ​ണ്ട​തു​ണ്ട്.

ഇ-​കൊ​മേ​ഴ്‌​സ് ഒ​രു ഗെ​യിം ചെ​യ്ഞ്ച​റാ​യി മാ​റി​യെ​ന്നും പ​ര​മ്പ​രാ​ഗ​ത വ്യാ​പാ​ര ത​ട​സ്സ​ങ്ങ​ൾ ത​ക​ർ​ത്ത് ചെ​റു​കി​ട സം​രം​ഭ​ങ്ങ​ൾ​ക്കു​പോ​ലും അ​ന്താ​രാ​ഷ്ട്ര ഉ​പ​ഭോ​ക്താ​ക്ക​ളി​ലേ​ക്ക് എ​ളു​പ്പ​ത്തി​ൽ എ​ത്തി​ച്ചേ​രാ​ൻ സാ​ധി​ക്കു​മെ​ന്നും ഇ​ന്ത്യ എ​സ്.​എം.​ഇ ഫോ​റം പ്ര​സി​ഡ​ന്റ് വി​നോ​ദ് കു​മാ​ർ പ​റ​ഞ്ഞു. ഡി​ജി​റ്റ​ൽ പ്ലാ​റ്റ്‌​ഫോ​മു​ക​ൾ പ്ര​യോ​ജ​ന​പ്പെ​ടു​ത്തു​ന്ന​തി​ലൂ​ടെ, പ​ര​മ്പ​രാ​ഗ​ത ക​യ​റ്റു​മ​തി​യു​ടെ ലോ​ജി​സ്റ്റി​ക് വെ​ല്ലു​വി​ളി​ക​ളെ മ​റി​ക​ട​ക്കാ​ൻ എം.​എ​സ്.​എം.​ഇ​ക​ൾ​ക്ക് ക​ഴി​യു​മെ​ന്നും അ​ദ്ദേ​ഹം പ​റ​ഞ്ഞു. ച​ട​ങ്ങി​ൽ വി​ദേ​ശ വ്യാ​പാ​ര ജോ​യ​ന്റ് ഡ​യ​റ​ക്ട​ർ ജ​ന​റ​ൽ (ഡി.​ജി.​എ​ഫ്.​ടി) ഡോ​ണ ഘോ​ഷ്, ആ​മ​സോ​ൺ ഇ​ന്ത്യ ഗ്ലോ​ബ​ൽ ട്രേ​ഡ് മേ​ധാ​വി ഭൂ​പെ​ൻ വ​കാ​ങ്ക​ർ തു​ട​ങ്ങി​യ​വ​ർ പ​ങ്കെ​ടു​ത്തു. വി​വി​ധ സെ​ഷ​നു​ക​ൾ, വ​ർ​ക്ക്‌​ഷോ​പ്പു​ക​ൾ, ബി​ടു​ബി മീ​റ്റു​ക​ൾ എ​ന്നി​വ​യും ന​ട​ത്തി.