ഇ​സ്‌​ലാ​മോ​ഫോ​ബി​യ: ബം​ഗ​ളൂ​രു​വി​ൽ പ്ര​തി​ഷേ​ധം ഇ​ര​മ്പി

ബം​ഗ​ളൂ​രു: വ​ർ​ധി​ച്ചു​വ​രു​ന്ന വ​ർ​ഗീ​യ, ഇ​സ്‌​ലാ​മോ​ഫോ​ബി​യ അ​തി​ക്ര​മ​ങ്ങ​ൾ​ക്കെ​തി​രെ ബം​ഗ​ളൂ​രു ടൗ​ൺ ഹാ​ൾ പ​രി​സ​ര​ത്ത് ബ​ഹു​ത്വ ക​ർ​ണാ​ട​ക സം​ഘ​ടി​പ്പി​ച്ച പ്ര​തി​ഷേ​ധ റാ​ലി​യി​ൽ നൂ​റു​ക​ണ​ക്കി​ന് ആ​ളു​ക​ൾ പ​ങ്കെ​ടു​ത്തു.

മ​ണി​പ്പൂ​ർ ക​ലാ​പം, ഹ​രി​യാ​ന​യി​ലെ സം​ഘ​ർ​ഷം, മ​ഹാ​രാ​ഷ്ട്ര​യി​ൽ ട്രെ​യി​നി​ലെ വെ​ടി​വെ​പ്പ്, യു.​പി​യി​ൽ അ​ധ്യാ​പി​ക മു​സ്‌​ലിം ബാ​ല​നെ സ​ഹ​പാ​ഠി​ക​ളെ​ക്കൊ​ണ്ട് മു​ഖ​ത്ത​ടി​പ്പി​ച്ച സം​ഭ​വം, മു​സ്‌​ലിം​ക​ളു​ടെ സ്വ​ത്തു​ക്ക​ൾ ബു​ൾ​ഡോ​സ​ർ ഉ​പ​യോ​ഗി​ച്ച് ത​ക​ർ​ക്ക​ൽ, മു​സ്‍ലിം​ക​ളോ​ടു​ള്ള സാ​മ്പ​ത്തി​ക ബ​ഹി​ഷ്ക​ര​ണം, ക​ർ​ണാ​ട​ക കോ​ലാ​റി​ലെ ദു​ര​ഭി​മാ​ന​ക്കൊ​ല തു​ട​ങ്ങി​യ വി​ഷ​യ​ങ്ങ​ൾ ഉ​യ​ർ​ത്തി​യാ​യി​രു​ന്നു ‘ബ​ഹു​ത്വ ക​ർ​ണാ​ട​ക’ ആ​ഭി​മു​ഖ്യ​ത്തി​ൽ പ്ര​തി​ഷേ​ധം.

ഭ​ര​ണ​ഘ​ട​ന​യു​ടെ ആ​മു​ഖ​ത്തി​ന്റെ പ​ക​ർ​പ്പും വി​വി​ധ പ്ല​ക്കാ​ർ​ഡു​ക​ളും ബാ​ന​റു​ക​ളും കൈ​യി​ലേ​ന്തി​യാ​ണ് പ്ര​തി​ഷേ​ധ​ക്കാ​ർ അ​ണി​നി​ര​ന്ന​ത്. ഭ​ര​ണ​ഘ​ട​ന​യു​ടെ ആ​മു​ഖം വാ​യി​ച്ച് ജാ​തി​വ്യ​വ​സ്ഥ​ക്കും വ​ർ​ഗീ​യ​ത​ക്കു​മെ​തി​രെ വി​ദ്യാ​ർ​ഥി​ക​ളും യു​വാ​ക്ക​ളു​മ​ട​ക്ക​മു​ള്ള​വ​ർ പ്ര​തി​ജ്ഞ​യെ​ടു​ത്തു. ബി.​ജെ.​പി സ​ർ​ക്കാ​റി​ന് കീ​ഴി​ൽ ക​ഴി​ഞ്ഞ ഏ​ഴു വ​ർ​ഷ​ത്തി​നി​ടെ രാ​ജ്യ​ത്ത് വ​ർ​ഗീ​യ സം​ഘ​ർ​ഷ​ങ്ങ​ൾ 500 ശ​ത​മാ​ന​മാ​ണ് വ​ർ​ധി​ച്ച​ത്. ആ​ർ.​എ​സ്.​എ​സി​ന്റെ​യും ബി.​ജെ.​പി​യു​ടെ​യും പ​രാ​ജ​യം മാ​ത്ര​മ​ല്ല ബ്രാ​ഹ്മ​ണ സം​സ്കാ​രം ത​ന്നെ തൂ​ത്തെ​റി​യ​ണ​മെ​ന്ന് പ്ര​തി​ഷേ​ധ​ക്കാ​ർ ആ​വ​ശ്യ​പ്പെ​ട്ടു. സ​മ​ത്വ​വും സാ​ഹോ​ദ​ര്യ​വും വി​ഭാ​വ​നം ചെ​യ്യു​ന്ന രാ​ജ്യ​ത്തി​​ന്റെ ഭ​ര​ണ​ഘ​ട​ന​ക്ക് വി​രു​ദ്ധ​മാ​ണ് ജാ​തീ​യ​ത​യും ഇ​സ്‍ലാ​മോ​ഫോ​ബി​യ​യും.

ഇ​വ വി​ദ്വേ​ഷ അ​ക്ര​മ​ങ്ങ​ൾ​ക്കാ​ണ് വ​ഴി​വെ​ക്കു​ന്ന​ത്. ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന മൗ​ലി​കാ​വ​കാ​ശ​ങ്ങ​ൾ മു​സ്‍ലിം​ക​ൾ​ക്കും അ​ടി​ച്ച​മ​ർ​ത്ത​പ്പെ​ട്ട ജാ​തി വി​ഭാ​ഗ​ങ്ങ​ൾ​ക്കും നി​ഷേ​ധി​ക്ക​പ്പെ​ടു​ക​യാ​ണെ​ന്നും ബ​ഹു​ത്വ ക​ർ​ണാ​ട​ക ചൂ​ണ്ടി​ക്കാ​ട്ടി. ജാ​തി​യു​ടെ പേ​രി​ലു​ള്ള കൊ​ല​പാ​ത​ക​ങ്ങ​ൾ​ക്കും അ​ക്ര​മ​ങ്ങ​ൾ​ക്കു​മെ​തി​രെ മു​ഖ്യ​മ​ന്ത്രി സി​ദ്ധ​രാ​മ​യ്യ ന​ട​പ​ടി സ്വീ​ക​രി​ക്ക​ണം. നി​യ​മ​സ​ഭ​യി​ലും പാ​ർ​ല​മെ​ന്റി​ലും ദ​ലി​ത​രു​ടെ പ്ര​ശ്ന​ങ്ങ​ൾ പ്ര​ത്യേ​കം ച​ർ​ച്ച ചെ​യ്യ​ണം. രാ​ജ്യ​ത്ത് ഉ​യ​ർ​ന്നു​വ​രു​ന്ന ഇ​സ്‍ലാ​മോ​ഫോ​ബി​യ​ക്കെ​തി​രെ ന​ട​പ​ടി​യെ​ടു​ക്കാ​നും മു​സ്‍ലിം​ക​ൾ​ക്ക് രാ​ജ്യ​ത്ത് സു​ര​ക്ഷ ഉ​റ​പ്പു​വ​രു​ത്താ​നും കേ​ന്ദ്ര സ​ർ​ക്കാ​ർ ത​യാ​റാ​വ​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു.