സന്ദർശകരുടെ വാഹനങ്ങളാൽ പൊറുതിമുട്ടി; മുഖ്യമന്ത്രിയുടെ കാർ നിർത്തിച്ച് പരാതി

ബം​ഗ​ളൂ​രു: മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ ബം​ഗ​ളൂ​രു​വി​ലെ വീ​ട്ടി​ലേ​ക്ക് സ്ഥി​ര​മാ​യി എ​ത്തു​ന്ന സ​ന്ദ​ർ​ശ​ക​രു​ടെ വാ​ഹ​ന​ങ്ങ​ൾ​കൊ​ണ്ട് പൊ​റു​തി​മു​ട്ടി​യി​രി​ക്കു​ക​യാ​ണ് സ​മീ​പ​​ത്ത് താ​മ​സി​ക്കു​ന്ന​വ​ർ. സ​മീ​പ​ത്തെ വീ​ടു​ക​ൾ​ക്കു മു​ന്നി​ൽ നൂ​റു​ക​ണ​ക്കി​ന് വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​ത് അ​യ​ൽ​വാ​സി​ക​ൾ​ക്ക് ദു​രി​ത​മാ​കു​ന്നു. ഒ​ടു​വി​ൽ മു​ഖ്യ​മ​ന്ത്രി​യു​ടെ വാ​ഹ​നം നി​ർ​ത്തി​ച്ചു​ത​ന്നെ അ​യ​ൽ​വാ​സി​യാ​യ വ​യോ​ധി​ക​ൻ വെ​ള്ളി​യാ​ഴ്ച നേ​രി​ട്ട് പ​രാ​തി ഉ​ന്ന​യി​ച്ചു.

ബം​ഗ​ളൂ​രു​വി​ലെ ഔ​ദ്യോ​ഗി​ക ബം​ഗ്ലാ​വി​ൽ സി​ദ്ധ​രാ​മ​യ്യ ഇ​തു​വ​രെ താ​മ​സം തു​ട​ങ്ങി​യി​ട്ടി​ല്ല. മു​ൻ മു​ഖ്യ​മ​ന്ത്രി യെ​ദി​യൂ​ര​പ്പ​യാ​യി​രു​ന്നു ഇ​വി​ടെ അ​ടു​ത്ത കാ​ലം​വ​രെ താ​മ​സി​ച്ച​ത്. അ​ദ്ദേ​ഹം ഈ​യ​ടു​ത്താ​ണ് ഇ​വി​ടെ​നി​ന്ന് താ​മ​സം മാ​റ്റി​യ​ത്. പ്ര​തി​പ​ക്ഷ നേ​താ​വാ​യ​പ്പോ​ൾ താ​മ​സി​ച്ചി​രു​ന്ന പ​ഴ​യ വീ​ട്ടി​ൽ ത​ന്നെ​യാ​ണ് ഇ​പ്പോ​ഴും സി​ദ്ധ​രാ​മ​യ്യ താ​മ​സി​ക്കു​ന്ന​ത്.

എ​ന്നാ​ൽ, ബം​ഗ്ലാ​വി​ൽ മു​ഖ്യ​മ​​ന്ത്രി​യെ കാ​ണാ​ൻ സ്ഥി​ര​മാ​യി നി​ര​വ​ധി സ​ന്ദ​ർ​ശ​ക​ർ എ​ത്താ​റു​ണ്ട്. ഇ​വ​ർ വ​രു​ന്ന വാ​ഹ​ന​ങ്ങ​ൾ സ​മീ​പ​ത്തെ വീ​ട്ടു​കാ​ർ​ക്ക് പ്ര​യാ​സ​മു​ണ്ടാ​ക്കു​ന്ന രൂ​പ​ത്തി​ലാ​ണ് നി​ർ​ത്തി​യി​ടാ​റ്. ഇ​തി​നെ​തി​രെ​യു​ള്ള പ്ര​തി​ഷേ​ധ​ത്തി​ന്റെ ഭാ​ഗ​മാ​യാ​ണ് ന​രോ​ത്തം എ​ന്ന​യാ​ൾ വെ​ള്ളി​യാ​ഴ്ച മു​ഖ്യ​മ​ന്ത്രി​യു​ടെ വാ​ഹ​നം നി​ർ​ത്തി അ​ദ്ദേ​ഹ​ത്തോ​ടു​ത​ന്നെ ദു​രി​തം പ​ങ്കു​വെ​ച്ച​ത്.

സ​ന്ദ​ർ​ശ​ക​രു​ടെ വാ​ഹ​ന​ങ്ങ​ൾ വീ​ടി​നു മു​ന്നി​ൽ നി​ർ​ത്തി​യി​ടു​ന്ന​തി​നാ​ൽ ത​ങ്ങ​ളു​ടെ വാ​ഹ​നം വീ​ടി​നു പു​റ​ത്ത് ഇ​റ​ക്കാ​ൻ പ​ല​പ്പോ​ഴും ക​ഴി​യാ​റി​ല്ലെ​ന്നും ഏ​റെ നാ​ളാ​യി ഇ​ത് തു​ട​രു​ക​യാ​ണെ​ന്നും ന​രോ​ത്തം മു​ഖ്യ​മ​ന്ത്രി​യോ​ട് പ​റ​ഞ്ഞു. പ​രാ​തി കേ​ട്ട സി​ദ്ധ​രാ​മ​യ്യ പ്ര​ശ്നം പ​ഠി​ക്കാ​നും ഉ​ട​ൻ പ​രി​ഹാ​രം കാ​ണാ​നും സു​ര​ക്ഷ ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി.