ഹാ​വേ​രി ജി​ല്ല​യി​ൽ കോ​ൺ​ഗ്ര​സ് സ​മ്പൂ​ർ​ണം; ഷി​ഗാ​വ് തി​രു​ത്തി​യ​ത് 30 വ​ർ​ഷ ച​രി​ത്രം

ബം​ഗ​ളൂ​രു: മൂ​ന്നു പ​തി​റ്റാ​ണ്ടി​ന്റെ ച​രി​ത്രം തി​രു​ത്തി ഷി​ഗാ​വ് നി​യ​മ​സ​ഭ മ​ണ്ഡ​ല​ത്തി​ൽ യാ​സി​ർ അ​ഹ്മ​ദ് ഖാ​ൻ പ​താ​ൻ വി​ജ​യി​ച്ച​തോ​ടെ ഹാ​വേ​രി ജി​ല്ല കോ​ൺ​ഗ്ര​സ് പാ​ർ​ട്ടി​യു​ടെ സ​മ്പൂ​ർ​ണ ആ​ധി​പ​ത്യ​ത്തി​ലാ​യി. ജി​ല്ല​യി​ലെ ആ​റ് നി​യ​മ​സ​ഭ മ​ണ്ഡ​ല​ങ്ങ​ളും പ്ര​തി​നി​ധാ​നം ചെ​യ്യു​ന്ന​ത് കോ​ൺ​ഗ്ര​സ് എം.​എ​ൽ.​എ​മാ​രാ​ണ്.

1994ൽ ​കു​നൂ​ർ മ​ഞ്ചു​നാ​ഥ ചെ​ന്ന​പ്പ​യാ​ണ് ഷി​ഗാ​വ് മ​ണ്ഡ​ല​ത്തി​ൽ വി​ജ​യി​ച്ച അ​വ​സാ​ന കോ​ൺ​ഗ്ര​സ് സ്ഥാ​നാ​ർ​ഥി. പി​ന്നീ​ടു വ​ന്ന ര​ണ്ടു തെ​ര​ഞ്ഞെ​ടു​പ്പു​ക​ളി​ൽ ജെ.​ഡി.​എ​സും സ്വ​ത​ന്ത്ര​നും 2008 മു​ത​ൽ തു​ട​ർ​ച്ച​യാ​യി ബി.​ജെ.​പി​യു​ടെ ബ​സ​വ​രാ​ജ് ബൊ​മ്മൈ​യും ജ​യി​ച്ചു​ക​യ​റി. 2023ൽ ​ബൊ​മ്മൈ 1,00,016 വോ​ട്ടു​ക​ൾ നേ​ടി വി​ജ​യി​ച്ചാ​യി​രു​ന്നു ക​ർ​ണാ​ട​ക മു​ഖ്യ​മ​ന്ത്രി​യാ​യ​ത്.

ബി.​ജെ.​പി ടി​ക്ക​റ്റി​ൽ ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ലും അ​ദ്ദേ​ഹം വി​ജ​യി​ച്ചു. എ​ന്നാ​ൽ, ക​ഴി​ഞ്ഞ നി​യ​മ​സ​ഭ പൊ​തു​തെ​ര​ഞ്ഞെ​ടു​പ്പി​ൽ ബൊ​മ്മൈ പ​രാ​ജ​യ​പ്പെ​ടു​ത്തി​യ യാ​സി​ർ അ​ഹ്മ​ദ് ഖാ​ൻ പ​താ​ൻ, ഉ​പ​തെ​ര​ഞ്ഞെ​ടു​പ്പി​ൽ ബൊ​മ്മൈ​യു​ടെ മ​ക​ൻ ഭ​ര​തി​നെ ത​റ​പ​റ്റി​ച്ചാ​ണ് വി​ജ​യം കൊ​യ്ത​ത്. ദ​ലി​ത്-​പി​ന്നാ​ക്ക വോ​ട്ടു​ക​ളു​ടെ ഏ​കോ​പ​ന​മാ​ണ് ഈ ​വി​ജ​യ​ത്തി​ന് പി​ന്നി​ലെ​ന്നാ​ണ് നി​രീ​ക്ഷ​ണം.

മു​ൻ എം.​എ​ൽ.​എ​യും കോ​ൺ​ഗ്ര​സ് നേ​താ​വു​മാ​യ സെ​യ്ദ് അ​സീം​പീ​ർ ഖാ​ദി​രി പ​താ​നു​വേ​ണ്ടി ന​ട​ത്തി​യ പ്ര​ചാ​ര​ണം മു​സ്‍ലിം വോ​ട്ടു​ക​ളു​ടെ ഏ​കോ​പ​ന​ത്തി​ന് സ​ഹാ​യ​ക​മാ​യി. രാ​ജ്യ​ത്തി​ന്റെ ഭ​ര​ണ​ഘ​ട​ന ശി​ൽ​പി ഡോ.​ബി.​ആ​ർ. അം​ബേ​ദ്ക​ർ ഇ​സ്‍ലാം മ​തം ആ​ശ്ലേ​ഷി​ക്കാ​ൻ തീ​രു​മാ​നി​ച്ചി​രു​ന്നു എ​ന്ന വി​വാ​ദ പ്ര​സ്താ​വ​ന​യി​ലൂ​ടെ ശ്ര​ദ്ധേ​യ​നാ​യ ഖാ​ദി​രി മു​സ്‍ലിം സ​മു​ദാ​യ​ത്തി​ൽ വ​ലി​യ സ്വാ​ധീ​ന​മു​ള്ള പൊ​തു പ്ര​വ​ർ​ത്ത​ക​നാ​ണ്. പ​ട്ടി​ക​വ​ർ​ഗ വി​ഭാ​ഗം വോ​ട്ടു​ക​ൾ പ​താ​ന് അ​നു​കൂ​ല​മാ​ക്കു​ന്ന​തി​ൽ പൊ​തു​മ​രാ​മ​ത്ത് മ​ന്ത്രി സ​തീ​ഷ് ജാ​ർ​കി​ഹോ​ളി​യും നി​ർ​ണാ​യ​ക പ​ങ്കു​വ​ഹി​ച്ചു.

കു​റു​ബ വി​ഭാ​ഗ​ത്തി​ന്റെ വോ​ട്ടു​ക​ൾ കോ​ൺ​ഗ്ര​സ് സ്ഥാ​നാ​ർ​ഥി​ക്ക് ഉ​റ​പ്പി​ച്ച​ത് ആ ​സ​മു​ദാ​യ​ക്കാ​ര​നാ​യ മു​ഖ്യ​മ​ന്ത്രി സി​ദ്ധ​രാ​മ​യ്യ​യാ​ണ്. ജി​ല്ല ചു​മ​ത​ല​യു​ള്ള മ​ന്ത്രി സ​മീ​ർ അ​ഹ്മ​ദ് ഖാ​ൻ ബൂ​ത്തു​ത​ലം സ​ജീ​വ​മാ​ക്കു​ന്ന​തി​ലു​ള്ള ത​ന്റെ മി​ക​വ് പ്ര​ക​ടി​പ്പി​ക്കു​ക​യും ചെ​യ്തു. അ​മി​ത ആ​ത്മ​വി​ശ്വാ​സ​മാ​ണ് ബി.​ജെ.​പി​ക്ക് വി​ന​യാ​യ​തെ​ന്ന് ആ ​പാ​ർ​ട്ടി നേ​താ​ക്ക​ൾ പ​റ​യു​ന്നു. ബ​സ​വ​രാ​ജ് ബൊ​മ്മൈ​യു​ടെ പ്ര​ഭാ​വം വോ​ട്ടാ​കും എ​ന്നാ​യി​രു​ന്നു ക​ണ​ക്കു​കൂ​ട്ട​ൽ.

മ​ക​നെ സ്ഥാ​നാ​ർ​ഥി​യാ​ക്കു​ന്ന​തി​നെ​തി​രെ പാ​ർ​ട്ടി​യി​ലു​ണ്ടാ​യി​രു​ന്ന മു​റു​മു​റു​പ്പ് തെ​ര​ഞ്ഞെ​ടു​പ്പി​ൽ പ്ര​തി​ഫ​ലി​ച്ചു​വെ​ന്നും നി​രീ​ക്ഷ​ണ​മു​ണ്ട്.