കർണാടക വോട്ടെണ്ണൽ 29 കേന്ദ്രങ്ങളിൽ; ബംഗളൂരുവിൽ കനത്ത സുരക്ഷ

ബം​ഗ​ളൂ​രു: ക​ർ​ണാ​ട​ക​യി​ൽ ഏ​പ്രി​ൽ 26, മേ​യ് ഏ​ഴ് എ​ന്നീ ര​ണ്ട് ഘ​ട്ട​ങ്ങ​ളി​ലാ​യി ന​ട​ന്ന ലോ​ക്സ​ഭ തെ​ര​ഞ്ഞെ​ടു​പ്പി​ന്റെ വോ​ട്ടെ​ണ്ണ​ൽ ഇ​ന്ന് 29 കേ​ന്ദ്ര​ങ്ങ​ളി​ൽ. 28 മ​ണ്ഡ​ല​ങ്ങ​ളാ​ണ് സം​സ്ഥാ​ന​ത്തു​ള്ള​ത്.

ഓ​രോ മ​ണ്ഡ​ല​ത്തി​ലും ഒ​ന്ന് എ​ന്ന ക്ര​മ​ത്തി​ലും തു​മ​കു​രു​വി​ൽ ര​ണ്ടു​മാ​ണ് വോ​ട്ടെ​ണ്ണ​ൽ കേ​ന്ദ്ര​ങ്ങ​ൾ. സം​സ്ഥാ​ന​ത്ത് മൊ​ത്തം 13,173 ഉ​ദ്യോ​ഗ​സ്ഥ​രെ വോ​ട്ടെ​ണ്ണ​ൽ കേ​ന്ദ്ര​ങ്ങ​ളി​ൽ നി​യോ​ഗി​ച്ച​താ​യി മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​ർ മ​നോ​ജ്കു​മാ​ർ മീ​ണ പ​റ​ഞ്ഞു. വോ​ട്ടെ​ണ്ണ​ൽ കേ​ന്ദ്ര​ത്തോ​ട​നു​ബ​ന്ധി​ച്ച് മീ​ഡി സെ​ന്റ​റു​ക​ൾ സ​ജ്ജീ​ക​രി​ച്ചു. ബം​ഗ​ളൂ​രു​വി​ൽ ക​ന​ത്ത സു​ര​ക്ഷ സം​വി​ധാ​ന​ങ്ങ​ൾ ഒ​രു​ക്കി. മൂ​ന്ന് വോ​ട്ടെ​ണ്ണ​ൽ കേ​ന്ദ്ര​ങ്ങ​ളി​ൽ 2400 പൊ​ലീ​സു​കാ​രെ വി​ന്യ​സി​ക്കും.

മൗ​ണ്ട് കാ​ർ​മ​ൽ കോ​ള​ജ് (ബം​ഗ​ളൂ​രു സെ​ൻ​ട്ര​ൽ മ​ണ്ഡ​ലം), സെ​ന്റ് ജോ​സ​ഫ്സ് ഇ​ന്ത്യ​ൻ ഹൈ​സ്കൂ​ൾ(​ബം​ഗ​ളൂ​രു നോ​ർ​ത്ത്), ജ​യ​ന​ഗ​ർ എ​സ്.​എ​സ്.​എം.​ആ​ർ.​വി കോ​ള​ജ് (ബം​ഗ​ളൂ​രു സൗ​ത്ത്) എ​ന്നി​വ​യാ​ണ് കേ​ന്ദ്ര​ങ്ങ​ൾ. ബം​ഗ​ളൂ​രു ന​ഗ​ര​ത്തി​ൽ ക്ര​മ​സ​മാ​ധാ​ന പാ​ല​ന​ത്തി​നാ​യി ഓ​ഫി​സ​ർ​മാ​രും പൊ​ലീ​സു​കാ​രു​മ​ട​ക്കം1524 പൊ​ലീ​സ് സേ​ന​യെ നി​യോ​ഗി​ക്കും. 13 ക​മ്പ​നി സാ​യു​ധ പൊ​ലീ​സ് സേ​ന​യെ​യും വി​ന്യ​സി​ക്കു​ന്നു​ണ്ട്. തി​ങ്ക​ളാ​ഴ്ച അ​ർ​ധ​രാ​ത്രി നി​ല​വി​ൽ​വ​ന്ന നി​രോ​ധ​നാ​ജ്ഞ ഇ​ന്ന് അ​ർ​ധ​രാ​ത്രി​വ​രെ തു​ട​രും.