കർണാടക ആർ.ടി.സി 1500 കിലോമീറ്റർ ദൈർഘ്യ ബസ് സർവിസ് തുടങ്ങുന്നു
text_fieldsബംഗളൂരു: കർണാടക ആർ.ടി.സി 1500 കിലോമീറ്റർ ദൂരമുള്ള ബസ് സർവിസ് ആരംഭിക്കുന്നു. ബംഗളൂരുവിൽനിന്ന് അഹ്മദാബാദിലേക്കും ഒഡിഷയിലെ പുരിയിലേക്കുമാണ് ദിവസേന സർവിസ് നടത്തുക. കെ.എസ്.ആർ.ടി.സിയുടെ ഏറ്റവും ദൈർഘ്യമുള്ള ബസ് സർവിസാവും ഇത്.
ബംഗളൂരു-മുംബൈ, ബംഗളൂരു-ശിർദി സർവിസുകളാണ് (1000 കിലോമീറ്റർ) നിലവിൽ ഏറ്റവും ദൈർഘ്യമുള്ളത്. യൂറോപ്യൻ മാതൃകയിലുള്ള എ.സി സ്ലീപ്പർ ബസുകളാണ് പുതിയ സർവിസുകൾക്ക് അയക്കുകയെന്ന് ആർ.ടി.സി അധികൃതർ അറിയിച്ചു.
ആന്ധ്രപ്രദേശ്, മഹാരാഷ്ട്ര, ഗുജറാത്ത്, ഒഡിഷ സംസ്ഥാനങ്ങളിലൂടെയാണ് പുതിയ സർവിസുകൾ കടന്നുപോകുക. ഈ സംസ്ഥാനങ്ങളുടെ അനുമതി ലഭിച്ചശേഷം സർവിസുകൾ ആരംഭിക്കും. രണ്ട് റൂട്ടിലേക്കും രണ്ട് ബസുകൾ വീതമാണ് അനുവദിക്കുക. ഇരുദിശകളിലേക്കും ഓരോന്നു വീതം ഓടിക്കാനാണിത്. യാത്രാസമയം 28 മണിക്കൂർ കണക്കാക്കുന്നു. 2500 രൂപയാവും ടിക്കറ്റ് നിരക്ക്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.