വ്യാ​ജ​ന്മാ​ർ പെ​രു​കു​ന്നു; സ്റ്റാ​മ്പ് ഡ്യൂ​ട്ടി​ക്ക് ഡി​ജി​റ്റ​ൽ പേ​മെ​​ന്റ് മാ​ത്ര​മാ​ക്കാ​നൊ​രു​ങ്ങി ക​ർ​ണാ​ട​ക

ബം​​ഗ​ളൂ​രു: സ്റ്റാ​മ്പ് ഡ്യൂ​ട്ടി​ക്ക് കാ​ഷ് അ​ധി​ഷ്ഠി​ത ച​ലാ​നു​ക​ള​വ​സാ​നി​പ്പി​ച്ച് ഡി​ജി​റ്റ​ൽ പേ​മെ​​ന്റ് മാ​ത്ര​മാ​ക്കാ​നൊ​രു​ങ്ങി ക​ർ​ണാ​ട​ക സ​ർ​ക്കാ​ർ. ര​ണ്ടു പ​തി​റ്റാ​ണ്ട് മു​മ്പ് സം​സ്ഥാ​ന​ത്തെ പി​ടി​ച്ചു​കു​ലു​ക്കി​യ തെ​ൽ​​ഗി കും​ഭ​കോ​ണ​ത്തി​നു​ശേ​ഷം വീ​ണ്ടും ഫോ​ട്ടോ​കോ​പ്പി ചെ​യ്ത സ്റ്റാ​മ്പ് പേ​പ്പ​റു​ക​ളും വ്യാ​ജ ച​ലാ​നു​ക​ളും ഉ​ൾ​പ്പെ​ടെ സം​സ്ഥാ​ന​ത്ത് വ്യാ​ജ രേ​ഖ​ക​ൾ വ​ഴി ആ​യി​ര​ക്ക​ണ​ക്കി​ന് കോ​ടി​ക​ളു​ടെ സ്റ്റാ​മ്പ് ഡ്യൂ​ട്ടി വെ​ട്ടി​പ്പ് ന​ട​ന്നെ​ന്ന് ക​ണ്ടെ​ത്തി​യ​തി​നു പി​ന്നാ​ലെ​യാ​ണ് ന​ട​പ​ടി. ഇ​തു​വ​ഴി 3000 മു​ത​ൽ 8000 കോ​ടി രൂ​പ വ​രെ സം​സ്ഥാ​ന​ത്തി​ന് ന​ഷ്ട​മു​ണ്ടാ​യെ​ന്ന ക​ണ്ടെ​ത്ത​ലി​നെ​ത്തു​ട​ർ​ന്നാ​ണ് ക​ർ​ണാ​ട​ക സ​ർ​ക്കാ​ർ ന​യം മാ​റ്റ​ത്തി​നൊ​രു​ങ്ങു​ന്ന​ത്.

പു​തി​യ ന​യ​പ്ര​കാ​രം സ​ബ് ര​ജി​സ്ട്രാ​ർ​മാ​ർ​ക്ക് സ്റ്റാ​മ്പ് ഡ്യൂ​ട്ടി പേ​മെ​​ന്റു​ക​ൾ ന​ട​ത്താ​നു​ള്ള അ​ധി​കാ​രം ന​ഷ്ട​പ്പെ​ടും. ക​ർ​ണാ​ട​ക സ്റ്റാ​മ്പ് ആ​ക്ടി​നു കീ​ഴി​ൽ സ​ബ് ര​ജി​സ്ട്രാ​ർ​മാ​ർ​ക്ക് ല​ഭി​ക്കു​ന്ന ഈ ​അ​ധി​കാ​രം വ്യാ​പ​ക​മാ​യി ദു​രു​പ​യോ​​ഗം ചെ​യ്യ​പ്പെ​ടു​ന്നു​ണ്ടെ​ന്ന് അ​ധി​കൃ​ത​ർ പ​റ​യു​ന്നു. ഒ​രേ ച​ലാ​നു​പ​യോ​​ഗി​ച്ച് വ്യ​ത്യ​സ്ത സ്റ്റാ​മ്പ് ഡ്യൂ​ട്ടി പേ​മെ​​ന്റു​ക​ൾ ന​ട​ത്തി​യ​താ​യി ക​ണ്ടെ​ത്തി​യി​ട്ടു​ണ്ട്. സ്റ്റാ​മ്പ് ഡ്യൂ​ട്ടി വെ​ട്ടി​പ്പ് ന​ട​ത്തി​യ​താ​യി ക​ണ്ടെ​ത്തി​യ​തി​നെ തു​ട​ർ​ന്ന് ക​ഴി​ഞ്ഞ ഒ​രു മാ​സ​ത്തി​നു​ള്ളി​ൽ 2600 പേ​ർ​ക്ക് അ​ധി​കൃ​ത​ർ നോ​ട്ടീ​സു​ക​ൾ അ​യ​ച്ചി​ട്ടു​ണ്ട്. ഇ​തി​ൽ പ​ണ​യ​മി​ട​പാ​ടു​ക​ൾ ന​ട​ത്തു​ന്ന​വ​രും ചെ​റു​കി​ട ധ​ന​കാ​ര്യ സ്ഥാ​പ​ന​ങ്ങ​ളു​മു​ൾ​പ്പെ​ടു​ന്നു.

33,000 കോ​ടി രൂ​പ​യു​ടെ തെ​ൽ​​ഗി കും​ഭ​കോ​ണ​ത്തി​ന് ശേ​ഷ​മാ​യി​രു​ന്നു ക​ർ​ണാ​ട​ക സ​ർ​ക്കാ​ർ ഇ​ല​ക്ട്രോ​ണി​ക് സ്റ്റാ​മ്പി​​ങ് ന​ട​പ്പാ​ക്കി​യ​ത്. എ​ന്നാ​ൽ, സ്റ്റാ​മ്പ് ആ​ക്ടി​നു കീ​ഴി​ലെ സെ​ഷ​ൻ 10 എ ​പ്ര​കാ​രം സ​ബ് ര​ജി​സ്ട്രാ​ർ​മാ​ർ​ക്ക് ച​ലാ​ൻ അ​ടി​സ്ഥാ​ന​മാ​ക്കി പേ​മെ​​ന്റ് ന​ട​ത്താ​നു​ള്ള അ​നു​മ​തി ന​ൽ​കി​യ​താ​ണ് സ്റ്റാ​മ്പു​ക​ളു​ടെ പ​ക​ർ​പ്പു​ക​ളി​ലേ​ക്ക് ന​യി​ച്ച​ത്. നി​ല​വി​ലെ സാ​മ്പ​ത്തി​ക വ​ർ​ഷ​ത്തി​ൽ ഇ​തു​വ​രെ​യാ​യി സ്റ്റാ​മ്പ് ര​ജി​സ്ട്രേ​ഷ​ൻ ഇ​ന​ത്തി​ൽ 15,000 കോ​ടി രൂ​പ​യാ​ണ് അ​ധി​ക​നി​കു​തി​യാ​യി ഈ ​വ​ർ​ഷം സ​ർ​ക്കാ​റി​ന് ല​ഭി​ച്ചി​ട്ടു​ള്ള​ത്. ന​ട​പ്പ് സാ​മ്പ​ത്തി​ക വ​ർ​ഷം അ​വ​സാ​നി​ക്കു​മ്പോ​ഴേ​ക്കും 24,500 കോ​ടി രൂ​പ​യു​ടെ വ​രു​മാ​ന​മാ​ണ് സ്റ്റാ​മ്പ്സ് ആ​ൻ​ഡ് ര​ജി​സ്ട്രേ​ഷ​ൻ ഡി​പ്പാ​ർ​ട്മെ​​ന്റ് ല​ക്ഷ്യ​മി​ടു​ന്ന​ത്.

മു​നി​സി​പ്പാ​ലി​റ്റി​ക​ളി​ൽ 20 മു​ത​ൽ 30 ല​ക്ഷം വ​രെ​യും ഗ്രാ​മ​പ​ഞ്ചാ​യ​ത്ത് അ​ധി​കാ​ര​പ​രി​ധി​യി​ൽ 90 ല​ക്ഷം വ​രെ​യും നി​കു​തി അ​ട​ക്കാ​ത്ത വ​സ്തു​ക്ക​ളു​ണ്ടെ​ന്നാ​ണ് സ​ർ​ക്കാ​റി​​ന്റെ ക​ണ​ക്ക്. ബം​​ഗ​ളൂ​രു ന​​ഗ​ര​ത്തി​ൽ വ​സ്തു​നി​കു​തി അ​ട​ക്കാ​ത്ത ഏ​ഴു മു​ത​ൽ എ​ട്ടു ല​ക്ഷം വ​സ്തു​വ​ക​ക​ൾ ഉ​ണ്ടെ​ന്ന് റ​വ​ന്യൂ മ​ന്ത്രി കൃ​ഷ്ണ​ബൈ​ര ​ഗൗ​ഡ പ​റ​ഞ്ഞു.