കർണാടക ഗോത്ര വനിത സുഡാനിൽ മരിച്ചതായി റിപ്പോർട്ട്; കാരണം അറിവായിട്ടില്ല

ബംഗളൂരു: മൈസൂറു ജില്ലയിലെ ഹക്കി പിക്കി ഗോത്ര വർഗ വനിത സുഡാനിൽ മരിച്ചതായി ബന്ധുക്കൾക്ക് വിവരം ലഭിച്ചു. ഹുൻസൂർ ടൗണിനടുത്ത പക്ഷിരാജപുരയിലെ നന്ദിനിയാണ്(30) മരിച്ചത്. വനവാസികളായ ഈ ഗോത്രവർഗം ഉപജീവന മാർഗം മുട്ടിയതിനാൽ സുഡാനിലേക്ക് പോവാറുണ്ട്.

പച്ചമരുന്ന് വിൽപനയുമായി ബന്ധപ്പെട്ടാണ് നന്ദിനി പോയതെന്ന് ബന്ധുക്കൾ പറഞ്ഞു. മരണ കാരണം അറിവായിട്ടില്ല. ചീഫ് സെക്രട്ടറി രജനീഷ് ഗോയൽ ഇന്ത്യൻ എംബസി അധികൃതരുമായി സംസാരിച്ച് മൃതദേഹം നാട്ടിലെത്തിക്കാൻ ശ്രമം നടത്തുകയാണ്.