പ്രാ​യം വ​ഴി​മാ​റി; ക​ന്നി​യ​ര​ങ്ങി​ൽ നി​റ​ഞ്ഞാ​ടി ര​തി നാ​യ​ർ

ബം​ഗ​ളൂ​രു: 59ാം വ​യ​സ്സി​ൽ ബം​ഗ​ളൂ​രു​വി​ലെ ക​ഥ​ക​ളി​യ​ര​ങ്ങി​ൽ ര​തി നാ​യ​ർ നി​റ​ഞ്ഞ കൈ​യ​ടി​ക​ളോ​ടെ അ​ര​ങ്ങേ​റ്റം. ബം​ഗ​ളൂ​രു വി​മാ​ന​പു​ര​യി​ലെ കൈ​ര​ളീ സ്കൂ​ൾ അ​ങ്ക​ണ​ത്തി​ൽ ന​ട​ന്ന ക​ഥ​ക​ളി അ​ര​ങ്ങേ​റ്റ ച​ട​ങ്ങി​ലാ​ണ് എ​ട്ടു വി​ദ്യാ​ഥി​ക​ളി​ലൊ​രാ​ളാ​യി ര​തി നാ​യ​രും അ​ര​ങ്ങേ​റ്റം കു​റി​ച്ച​ത്. ചെ​റു​പ്പം മു​ത​ലേ ക​ഥ​ക​ളി അ​ഭി​നി​വേ​ശ​മാ​യി കൊ​ണ്ടു​ന​ട​ന്ന ക​ലാ​സ്നേ​ഹി​യാ​യ ര​തി നാ​യ​ർ​ക്ക് ഇ​ഷ്ട അ​ര​ങ്ങി​ലാ​ടാ​ൻ അ​വ​സ​രം​കൂ​ടി ല​ഭി​ച്ച​തോ​ടെ ജീ​വി​താ​ഭി​ലാ​ഷം പൂ​വ​ണി​യു​ക​യാ​യി​രു​ന്നു. പ്ര​മു​ഖ വേ​ഷം ക​ലാ​കാ​രി​യാ​യ ക​ലാ​ക്ഷേ​ത്രം പ്രി​യ ന​മ്പൂ​തി​രി​യു​ടെ കീ​ഴി​ലാ​യി​രു​ന്നു ക​ഥ​ക​ളി അ​ഭ്യ​സി​ച്ച​ത്.

എ​ട്ടു മു​ത​ൽ 20 വ​യ​സ്സു​വ​രെ​യു​ള്ള കു​ട്ടി​ക​ളാ​യി​രു​ന്നു അ​ര​ങ്ങേ​റ്റ​ത്തി​ൽ ഒ​പ്പ​മു​ണ്ടാ​യി​രു​ന്ന​ത്. കു​ട്ടി​ക​ൾ കൃ​ഷ്ണ വേ​ഷ​ത്തി​ൽ അ​ഞ്ചു​മു​ടി പു​റ​പ്പാ​ട് ന​ട​ത്തി​യാ​ണ് അ​ര​ങ്ങേ​റ്റം ആ​രം​ഭി​ച്ച​ത്. അ​തി​നു​ശേ​ഷം സ​ന്താ​ന​ഗോ​പാ​ല​ത്തി​ലെ ‘ശ്രീ​മ​ൽ സ​ഖേ..’ എ​ന്ന പ​ദ​വു​മാ​യി കൃ​ഷ്ണ വേ​ഷ​ത്തി​ൽ ചി​ട്ട​യാ​യി അ​വ​ത​രി​പ്പി​ച്ചു​കൊ​ണ്ട് അ​രു​ന്ധ​തി എ​ന്ന വി​ദ്യാ​ർ​ഥി​യെ​ത്തി. ദു​ര്യോ​ധ​ന വ​ധ​ത്തി​ലെ ‘പാ​ർ​ഷ​തി മ​മ സ​ഖീ..’ എ​ന്ന പ​ദ​വു​മാ​യി ആ​കാ​ശ് ന​ര​സി​പു​ര​യും പി​ന്നാ​ലെ​യെ​ത്തി. മൂ​ന്നാ​മ​ത്തെ ക​ഥാ​ഭാ​ഗ​മാ​യ ല​വ​ണാ​സു​ര വ​ധ​ത്തി​ലെ ‘അ​നു​പ​മ ഗു​ണ​നാ​കും..’ എ​ന്ന പ​തി​ഞ്ഞ പ​ദ​വു​മാ​യി സീ​ത​യാ​യി ര​തി നാ​യ​ർ അ​ര​ങ്ങി​ൽ എ​ത്തി.

വേ​ഷം ആ​ടി​ത്തീ​ർ​ത്ത​പ്പോ​ൾ മ​ന​സ്സി​ൽ വ​ല്ലാ​​ത്തൊ​രു സ​ന്തോ​ഷ​മാ​യി​രു​ന്നെ​ന്ന് ര​തി നാ​യ​ർ ‘മാ​ധ്യ​മ’​ത്തോ​ട് പ​റ​ഞ്ഞു. ‘ക​ഥ​ക​ളി എ​പ്പോ​ഴും മ​ന​സ്സി​ലു​ണ്ട്. ചെ​റു​പ്പം മു​ത​ൽ ക​ഥ​ക​ളി ആ​സ്വാ​ദ​ക​യാ​യ​തു​കൊ​ണ്ട് ക​ഥ​ക​ളും വേ​ഷ​ങ്ങ​​ളു​മൊ​ക്കെ അ​റി​യാം. മു​മ്പൊ​ക്കെ ക​ഥ​ക​ളി കാ​ണു​മ്പോ​ഴും ക​ളി​ക്കു​ന്ന​ത് ശീ​ല​മാ​യി​രു​ന്നു. മു​ദ്ര​ക​ൾ പ​ഠി​ക്കാ​ൻ ക​ഴി​ഞ്ഞ​തോ​ടെ ആ​സ്വാ​ദ​ന​ത്തി​ന്റെ ത​ലം ഉ​യ​ർ​ന്നു. ക​ഥ​ക​ളി സൂ​ക്ഷ്മ​മാ​യി മ​ന​സ്സി​ലാ​ക്കാ​ൻ മു​ദ്ര​ക​ൾ പ​ഠി​ക്ക​ൽ അ​ത്യാ​വ​ശ്യ​മാ​ണ്. ക​ഥ​ക​ളി വേ​ഷ​ത്തി​ൽ അ​ര​ങ്ങേ​റാ​നാ​യ​ത് ജീ​വി​ത​ത്തി​ലെ വ​ല്ലാ​ത്തൊ​രു അ​നു​ഭ​വ​മാ​യി​രു​ന്നു’- അ​വ​ർ പ​റ​ഞ്ഞു.

പാ​ല​ക്കാ​ട് പു​ത്തൂ​ർ ചെ​റു​തൊ​ടി കു​ടും​ബാം​ഗ​മാ​യ ര​തി നാ​യ​ർ മൂ​ന്ന​ര​പ്പ​തി​റ്റാ​ണ്ടാ​യി പ്ര​വാ​സി​യാ​ണ്. പൊ​തു​മേ​ഖ​ലാ സ്ഥാ​പ​ന​ത്തി​ലെ ജോ​ലി​യു​മാ​യി മും​ബൈ​യി​ലും മ​ധ്യ​പ്ര​ദേ​ശി​ലും കു​റ​ച്ചു​കാ​ലം ക​ഴി​ഞ്ഞു. ബം​ഗ​ളൂ​രു​വി​ലെ​ത്തി​യി​ട്ട് 22 കൊ​ല്ല​മാ​യി. ഇ​പ്പോ​ൾ കു​ടും​ബ​ത്തി​നൊ​പ്പം മ​ത്തി​ക്ക​രെ​യി​ൽ താ​മ​സം. ഇ​ക്കാ​ല​യ​ള​വി​ലെ​ല്ലാം ക​ഥ​ക​ളി ഭ്ര​മം വി​ടാ​തെ കൂ​ടെ​യു​ണ്ടാ​യി​രു​ന്നു. പാ​ല​ക്കാ​ട് പൂ​ത്തൂ​രി​ലെ വീ​ടി​ന് സ​മീ​പ​ത്തെ തി​രു​പു​രാ​ക്ക​ൽ ഭ​ഗ​വ​തി ക്ഷേ​ത്ര​ത്തി​ൽ വ​ർ​ഷം​തോ​റും അ​ര​ങ്ങേ​റു​ന്ന ക​ഥ​ക​ളി ക​ണ്ടാ​ണ് വ​ള​ർ​ന്ന​ത്.

പ്ര​വാ​സ ജീ​വി​ത​ത്തി​നി​ട​യി​ലും ആ ​ഭ്ര​മം കൈ​വി​ട്ടി​ല്ല. എ​വി​ടെ ക​ഥ​ക​ളി അ​ര​ങ്ങു​ണ്ടാ​യാ​ലും എ​ത്ര തി​ര​ക്കി​നി​ട​യി​ലും കാ​ണി​യാ​യെ​ത്തും. കു​റ​ച്ചു​വ​ർ​ഷ​ങ്ങ​ൾ​ക്കു മു​മ്പ് ക​ലാ​മ​ണ്ഡ​ലം ഷ​ണ്മു​ഖ​ൻ ആ​ശാ​ന്റെ കീ​ഴി​ൽ ഓ​ൺ​ലൈ​ൻ ക​ഥ​ക​ളി പ​ഠ​നം തു​ട​ങ്ങി. പി​ന്നീ​ട് ക​ലാ​മ​ണ്ഡ​ലം മ​നോ​ജ് ആ​ശാ​ന്റെ കീ​ഴി​ൽ കോ​ഴി​ക്കോ​ട് തോ​ട​യം ഗ്രൂ​പ് സം​ഘ​ടി​പ്പി​ച്ച മു​ദ്ര പ​ഠ​നം പ​രി​ശീ​ലി​ച്ചു. ബം​ഗ​ളൂ​രു​വി​ൽ പ്രി​യാ ന​മ്പൂ​തി​രി ക്ലാ​സ് തു​ട​ങ്ങി​യ​തോ​​ടെ നേ​രി​ട്ട് ക​ഥ​ക​ളി പ​ഠ​നം എ​ന്ന മോ​ഹം സാ​ധ്യ​മാ​യി. വൈ​ദ്യു​തി മ​ന്ത്രാ​ല​യ​ത്തി​ന്റെ കീ​ഴി​ൽ പൊ​തു​മേ​ഖ​ല സ്ഥാ​പ​ന​ത്തി​ൽ ഉ​ന്ന​ത പ​ദ​വി വ​ഹി​ക്കു​ന്ന​തോ​ടൊ​പ്പം ത​ന്നെ, ത​ന്റെ ക​ഥ​ക​ളി സ്നേ​ഹം മു​ന്നോ​ട്ടു​കൊ​ണ്ട് പോ​കാ​നും പ്ര​ത്യേ​കം ശ്ര​ദ്ധി​ച്ചു.

പാ​ല​ക്കാ​ട് ക​ഥ​ക​ളി ട്ര​സ്റ്റി​ന്റെ​യും ബാം​ഗ്ലൂ​ർ ക്ല​ബ് ഓ​ഫ് ക​ഥ​ക​ളി ആ​ൻ​ഡ് ആ​ർ​ട്സി​ന്റെ​യും ആ​ദ്യ​കാ​ലം മു​ത​ൽ മെം​ബ​റാ​ണ്. പ്രി​യാ ന​മ്പൂ​തി​രി​യു​ടെ​ത​ന്നെ ശി​ഷ്യ​രാ​യ അ​ച്യു​ത് വാ​രി​യ​ർ (ദ്രൗ​പ​ദി) , ഡോ. ​ലൈ​ല രാ​മ​ച​ന്ദ്ര​ൻ (അ​ർ​ജു​ന​ൻ), മീ​ര മ​നോ​ജ് (കു​ശ​ൻ), ഗൗ​രി പാ​ർ​വ​തി പാ​ല​ശ്ശേ​രി (ല​വ​ൻ) എ​ന്നി​വ​രാ​യി​രു​ന്നു ആ​ട്ട​ക്ക​ഥ​ക​ളി​ൽ മ​റ്റു കൂ​ട്ട് വേ​ഷ​ങ്ങ​ൾ ചെ​യ്ത​ത്. സു​രേ​ഷ് തോ​ട്ട​റ​യും സം​ഘ​വും വേ​ഷം പ​ക​ർ​ന്നു ന​ൽ​കി. അ​ഭി​ജി​ത് വ​ർ​മ​യും ന​വീ​ൻ രു​ദ്ര​നും ചേ​ർ​ന്ന് ആ​ല​പി​ച്ച പ​ദ​ങ്ങ​ളും ക​ലാ​മ​ണ്ഡ​ലം സു​ഹാ​സി​ന്റെ ചെ​ണ്ട​യും ക​ലാ​മ​ണ്ഡ​ലം ശ്രീ​ജി​ത്തി​ന്റെ മ​ദ്ദ​ള​വും അ​ര​ങ്ങി​നു കൊ​ഴു​പ്പേ​കി.