കാ​വേ​രി; 8000 ക്യു​സെ​ക്സ് ജ​ലം ത​മി​ഴ്നാ​ടി​ന് വി​ട്ടു​ന​ൽ​കും -മു​ഖ്യ​മ​ന്ത്രി

ബം​ഗ​ളൂ​രു: അ​യ​ൽ സം​സ്ഥാ​ന​മാ​യ ത​മി​ഴ്നാ​ടി​ന് 8000 ക്യു​സെ​ക്സ് ജ​ലം കാ​വേ​രി ന​ദി​യി​ൽ നി​ന്ന് വി​ട്ടു ന​ൽ​കാ​ൻ ക​ർ​ണാ​ട​ക സ​ന്ന​ദ്ധ​മാ​ണെ​ന്ന് മു​ഖ്യ​മ​ന്ത്രി സി​ദ്ധ​രാ​മ​യ്യ. ജൂ​ലൈ അ​വ​സാ​നം വ​രെ ത​മി​ഴ്‌​നാ​ടി​ന് പ്ര​തി​ദി​നം ഒ​രു ടി.​എം.​സി കാ​വേ​രി ന​ദീ​ജ​ലം വി​ട്ടു​ന​ൽ​ക​ണ​മെ​ന്ന കാ​വേ​രി ജ​ല നി​യ​ന്ത്ര​ണ അ​തോ​റി​റ്റി​യു​ടെ (സി.​ഡ​ബ്ല്യു.​ആ​ർ.​സി) നി​ർ​ദേ​ശ​ത്തി​ന് ബ​ദ​ലാ​യാ​ണ് ക​ർ​ണാ​ട​ക​യു​ടെ നി​ർ​ദേ​ശം. ഇ​തു​സം​ബ​ന്ധി​ച്ച് ഞാ​യ​റാ​ഴ്ച ചേ​ർ​ന്ന സ​ർ​വ​ക​ക്ഷി യോ​ഗ​ത്തി​ലാ​ണ് ക​ർ​ണാ​ട​ക നി​ല​പാ​ട് പ്ര​ഖ്യാ​പി​ച്ച​ത്.

കാ​വേ​രി ന​ദി​യി​ലെ അ​ണ​ക്കെ​ട്ടി​ൽ 63 ശ​ത​മാ​നം ജ​ലം മാ​ത്ര​മാ​ണു​ള്ള​തെ​ന്നും ഈ ​സാ​ഹ​ച​ര്യ​ത്തി​ൽ ദി​നം​പ്ര​തി ഒ​രു ടി.​എം.​സി ജ​ലം ന​ൽ​കാ​നാ​വി​ല്ലെ​ന്നും യോ​ഗ തീ​രു​മാ​ന​ങ്ങ​ൾ വി​ശ​ദീ​ക​രി​ച്ച് മു​ഖ്യ​മ​ന്ത്രി സി​ദ്ധ​രാ​മ​യ്യ ബം​ഗ​ളൂ​രു​വി​ൽ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. ഒ​രു ടി.​എം.​സി ജ​ലം എ​ന്നാ​ൽ, 11500 ക്യു​സെ​ക്സ് ജ​ല​മാ​ണ്. എ​ന്നാ​ൽ, 8000 ക്യു​സെ​ക്സ് ജ​ലം മാ​ത്ര​മേ ത​മി​ഴ്നാ​ടി​ന് വി​ട്ടു​ന​ൽ​കാ​നാ​വൂ എ​ന്ന​താ​ണ് എ​ല്ലാ പാ​ർ​ട്ടി​ക​ളു​ടെ​യും തീ​രു​മാ​നം. ത​മി​ഴ്നാ​ടി​ന് ജ​ലം വി​ട്ടു​ന​ൽ​കി​ല്ലെ​ന്ന് ക​ർ​ണാ​ട​ക പ​റ​യി​ല്ല. അ​ത് കാ​വേ​രി ട്രൈ​ബ്യൂ​ണ​ലി​​നോ​ടു​ള്ള അ​നാ​ദ​ര​വാ​കും. 8000 ക്യു​സെ​ക്സ് ജ​ലം ന​ൽ​കാ​ൻ ഞ​ങ്ങ​ൾ ത​യാ​റാ​ണ്. ന​ല്ല മ​ഴ ല​ഭി​ച്ചാ​ൽ ഒ​രു ടി.​എം.​സി ജ​ലം ന​ൽ​കാ​നാ​വും. മ​ഴ കു​റ​ഞ്ഞാ​ൽ വി​ട്ടു ന​ൽ​കു​ന്ന ജ​ല​ത്തി​ന്റെ അ​ള​വും കു​റ​ക്കും. ഇ​തു​സം​ബ​ന്ധി​ച്ച് കാ​വേ​രി വാ​ട്ട​ർ മാ​നേ​ജ്മെ​ന്റ് അ​തോ​റി​റ്റി​യി​ൽ അ​പ്പീ​ൽ ന​ൽ​കു​മെ​ന്നും മു​ഖ്യ​മ​ന്ത്രി വ്യ​ക്ത​മാ​ക്കി.

സാ​ധാ​ര​ണ ജൂ​ൺ മാ​സ​ത്തി​ൽ 9.14 ടി.​എം.​സി ജ​ല​വും ജൂ​ലൈ​യി​ൽ 31.24 ടി.​എം.​സി ജ​ല​വും ത​മി​ഴ്നാ​ടി​ന് വി​ട്ടു​ന​ൽ​കേ​ണ്ട​തു​ണ്ട്. ക​ബ​നി ഡാ​മി​ൽ അ​ധി​ക ജ​ലം സം​ഭ​രി​ക്കാ​ൻ ശേ​ഷി​യി​ല്ലാ​ത്ത​തി​നാ​ൽ ക​ഴി​ഞ്ഞ വെ​ള്ളി​യാ​ഴ്ച 20,000 ക്യു​സെ​ക്സ് ജ​ല​വും ശ​നി​യാ​ഴ്ച 19,000 ക്യു​സെ​ക്സ് ജ​ല​വും ബി​ലി​ഗു​ണ്ട്‍ലു​വി​ലൂ​ടെ ത​മി​ഴ്നാ​ടി​ലേ​ക്ക് ഒ​ഴു​ക്കി​യി​രു​ന്നു. കാ​വേ​രി ന​ദീ​ത​ട​ത്തി​ലെ നാ​ല് റി​സ​ർ​വോ​യ​റു​ക​ളി​ലു​മാ​യി ആ​കെ 60 ടി.​എം.​സി അ​ടി വെ​ള്ളം മാ​ത്ര​മേ ല​ഭ്യ​മാ​യു​ള്ളൂ. സം​സ്ഥാ​ന​ത്തെ കാ​ർ​ഷി​ക പ്ര​വ​ർ​ത്ത​ന​ങ്ങ​ൾ​ക്കും കു​ടി​വെ​ള്ള ഉ​പ​യോ​ഗ​ത്തി​നും ഇ​തി​ൽ​നി​ന്ന് വെ​ള്ളം ന​ൽ​കേ​ണ്ട​തു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

കേ​ന്ദ്ര​മ​ന്ത്രി​മാ​ർ, സം​സ്ഥാ​ന​ത്തെ ലോ​ക്‌​സ​ഭാ, രാ​ജ്യ​സ​ഭാ അം​ഗ​ങ്ങ​ൾ, കാ​വേ​രി ന​ദീ​ത​ട മേ​ഖ​ല​യി​ലെ എം.​എ​ൽ.​എ​മാ​ർ എ​ന്നി​വ​രെ യോ​ഗ​ത്തി​ലേ​ക്ക് ക്ഷ​ണി​ച്ചി​രു​ന്നു. ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ, പ്ര​തി​പ​ക്ഷ നേ​താ​വ് ആ​ർ. അ​ശോ​ക, ജെ.​ഡി-​എ​സ് എം.​എ​ൽ.​എ ജി.​ടി. ദേ​വ​ഗൗ​ഡ, മു​ൻ കേ​ന്ദ്ര​മ​ന്ത്രി ഡി.​വി. സ​ദാ​ന​ന്ദ ഗൗ​ഡ, എം.​പി​മാ​ർ, എം.​എ​ൽ.​എ​മാ​ർ, ക​ർ​ഷ​ക പാ​ർ​ട്ടി പ്ര​തി​നി​ധി​ക​ൾ തു​ട​ങ്ങി​യ​വ​ർ പ​​​ങ്കെ​ടു​ത്തു.