കെ.എൻ.എസ്.എസ് ബനശങ്കരി കരയോഗത്തിന്റെ വാർഷിക കുടുംബസംഗമം ഞായറാഴ്ച
text_fieldsബംഗളൂരു: കെ.എൻ.എസ്.എസ് ബനശങ്കരി കരയോഗത്തിന്റെ വാർഷിക കുടുംബസംഗമം ഞായറാഴ്ച നടക്കും. രാവിലെ 9.30 മുതൽ കെ.ആർ റോഡ് ശങ്കരപുരം നാഷനൽ കോളജ് മെട്രോ സ്റ്റേഷന് സമീപം കർണാടക ജയിൻ ഭവനിൽ നടക്കുന്ന സംഗമത്തിൽ പ്രസിഡന്റ് എം.കെ.എസ്. നായർ അധ്യക്ഷത വഹിക്കും. സാംസ്കാരിക സമ്മേളനത്തിൽ ജവഹർലാൽ നെഹ്റു പ്ലാനറ്റേറിയം ഡയറക്ടർ ഡോ. ബി.ആർ. ഗുരുപ്രസാദ് മുഖ്യാതിഥിയാവും.
ചെയർമാൻ രാമചന്ദ്രൻ പാലേരി ഉദ്ഘാടനം നിർവഹിക്കും. ജനറൽ സെക്രട്ടറി ആർ. മനോഹര കുറുപ്പ്, ട്രഷറർ മുരളീധർ നായർ എന്നിവർ പങ്കെടുക്കും. കലാപരിപാടികൾ, അവാർഡ് വിതരണം, സുവനീർ പ്രകാശനം എന്നിവക്ക് പുറമെ, പാലക്കാട് കലാമണ്ഡലം ചന്ദ്രോത് രാജേഷ് പി. നായർ അവതരിപ്പിക്കുന്ന കൃഷ്ണനാട്ടം, കെ.എൻ.എസ്.എസ് മ്യൂസിക് ബാൻഡ് സംഗീതിക അവതരിപ്പിക്കുന്ന ഗാനമേള എന്നിവ ഉണ്ടായിരിക്കുമെന്ന് സെക്രട്ടറി അനന്തകൃഷ്ണൻ അറിയിച്ചു. ഫോൺ: 9591971663.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.