നി​യ​മ​സ​ഭ സീ​റ്റ്: അ​ഭി​ന​വ സ്വാ​മി വ​ഞ്ചി​ച്ചെ​ന്ന് പു​തി​യ പ​രാ​തി

മം​ഗ​ളൂ​രു: ഉ​ഡു​പ്പി ജി​ല്ല​യി​ലെ ബൈ​ന്തൂ​ർ നി​യ​മ​സ​ഭ മ​ണ്ഡ​ല​ത്തി​ൽ ബി.​ജെ.​പി സീ​റ്റ് വാ​ഗ്ദാ​നം ചെ​യ്ത് കോ​ടി​ക​ൾ വാ​ങ്ങി വ​ഞ്ചി​ച്ചു എ​ന്ന കേ​സി​ലെ മൂ​ന്നാം​പ്ര​തി അ​ഭി​ന​വ ഹാ​ല​ശ്രീ സ്വാ​മി​ക്കെ​തി​രെ ആ​രോ​പ​ണ​വു​മാ​യി മ​റ്റൊ​രാ​ൾ​കൂ​ടി. ഗ​ഡ​ക് ജി​ല്ല​യി​ലെ ശി​ര​ഹ​ട്ടി മ​ണ്ഡ​ല​ത്തി​ൽ ബി.​ജെ.​പി ടി​ക്ക​റ്റ് ത​ര​പ്പെ​ടു​ത്തി​ത്ത​രാം എ​ന്നു​പ​റ​ഞ്ഞ് സ്വാ​മി കോ​ടി രൂ​പ വാ​ങ്ങി വ​ഞ്ചി​ച്ചു എ​ന്നാ​ണ് സ​ഞ്ജ​യ് ചൗ​ഡാ​ല എ​ന്ന​യാ​ൾ മു​ഡ​ർ​ഗി പൊ​ലീ​സ് സ്റ്റേ​ഷ​നി​ൽ ന​ൽ​കി​യ പ​രാ​തി​യി​ൽ പ​റ​യു​ന്ന​ത്. ശി​ര​ഹ​ട്ടി താ​ലൂ​ക്കി​ലെ റാ​ണ​തു​ര ഗ്രാ​മ​പ​ഞ്ചാ​യ​ത്ത് പ്രൊ​ജ​ക്ട് ഡെ​വ​ല​പ്മെ​ന്റ് ഓ​ഫി​സ​റാ​യി​രു​ന്നു സ​ഞ്ജ​യ്.

ക​ഴി​ഞ്ഞ മേ​യ് 10ന് ​ന​ട​ന്ന ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പി​നു​മു​മ്പു​ത​ന്നെ താ​ൻ സ്വാ​മി​ക്ക് മൂ​ന്ന് ത​വ​ണ​ക​ളാ​യി കോ​ടി രൂ​പ കൈ​മാ​റി​യി​രു​ന്നു​വെ​ന്നാ​ണ് പ​രാ​തി​യി​ൽ പ​റ​യു​ന്ന​ത്. അ​തേ​സ​മ​യം പ​രാ​തി​ക്കാ​ധാ​ര​മാ​യ രേ​ഖ​ക​ൾ സ​ഞ്ജ​യ് ഹാ​ജ​രാ​ക്കി​യി​ട്ടി​ല്ലെ​ന്ന് ഗ​ഡ​ക് ജി​ല്ല പൊ​ലീ​സ് സൂ​പ്ര​ണ്ട് ബാ​ബ​സാ​ഹെ​ബ് നെ​മ​ഗൗ​ഡ് പ​റ​ഞ്ഞു.

രേ​ഖ​ക​ൾ ആ​വ​ശ്യ​പ്പെ​ട്ട് പ​രാ​തി​ക്കാ​ര​ന് നോ​ട്ടീ​സ് ന​ൽ​കി​യി​ട്ടു​ണ്ട്. ല​ഭി​ച്ചാ​ൽ കേ​സെ​ടു​ത്ത​ത് അ​ന്വേ​ഷി​ക്കും. ശി​ര​ഹ​ട്ടി താ​ലൂ​ക്കി​ലെ ഹെ​ബ്ബ​ൽ സ്വ​ദേ​ശി​യാ​യ സ​ഞ്ജ​യ് നി​ല​വി​ൽ മു​ണ്ട​ഗി​രി ടൗ​ണി​ലാ​ണ് താ​മ​സം.

ഈ ​കേ​സി​ലെ മു​ഖ്യ​പ്ര​തി ചൈ​ത്ര കു​ന്താ​പു​ര​യെ​യും കൂ​ട്ടു​പ്ര​തി​ക​ളെ​യും ബം​ഗ​ളൂ​രു അ​ഡീ. ചീ​ഫ് മെ​ട്രൊ​പൊ​ളി​റ്റ​ൻ മ​ജി​സ്ട്രേ​റ്റ് കോ​ട​തി (മൂ​ന്ന്) ഒ​ക്ടോ​ബ​ർ ആ​റ് വ​രെ ജു​ഡീ​ഷ്യ​ൽ ക​സ്റ്റ​ഡി​യി​ൽ സെ​ൻ​ട്ര​ൽ ക്രൈം​ബ്രാ​ഞ്ച് പൊ​ലീ​സി​ന് കൈ​മാ​റി.

നേ​ര​ത്തെ അ​നു​വ​ദി​ച്ച 10 ദി​വ​സ​ത്തെ ജു​ഡീ​ഷ്യ​ൽ ക​സ്റ്റ​ഡി അ​വ​സാ​നി​ച്ച​തി​നെ​ത്തു​ട​ർ​ന്നാ​ണി​ത്. ചൈ​ത്ര കു​ന്താ​പു​ര നാ​ലു​ദി​വ​സം ബം​ഗ​ളൂ​രു വി​ക്ടോ​റി​യ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​ഞ്ഞ​തി​നാ​ൽ അ​ത്ര​യും ദി​വ​സം ചോ​ദ്യം​ചെ​യ്യ​ൽ മു​ട​ങ്ങി​യി​രു​ന്നു.