മാ​ക്കൂ​ട്ടം ചു​രം റോ​ഡ് അ​റ്റ​കു​റ്റ​പ്പ​ണി ന​ട​ത്ത​ണ​മെ​ന്ന് ആ​വ​ശ്യം

ബം​ഗ​ളൂ​രു: വീ​രാ​ജ്‌​പേ​ട്ട- മാ​ക്കൂ​ട്ടം റോ​ഡി​ന്റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്ന് ആ​വ​ശ്യം. റോ​ഡ് ഉ​ട​ൻ അ​റ്റ​കു​റ്റ​പ്പ​ണി ന​ട​ത്തി യാ​ത്ര സു​ഖ​ക​ര​മാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് മ​ല​ബാ​ർ മു​സ്‍ലിം അ​സോ​സി​യേ​ഷ​ൻ ആ​വ​ശ്യ​പ്പെ​ട്ടു. ഈ ​ആ​വ​ശ്യം ഉ​ന്ന​യി​ച്ച് എ​ൻ.​എ. ഹാ​രി​സ് എം.​എ​ൽ.​എ മു​ഖേ​ന മു​ഖ്യ​മ​ന്ത്രി സി​ദ്ധ​രാ​മ​യ്യ​ക്ക് നി​വേ​ദ​നം ന​ൽ​കി. ഉ​ട​നെ ത​ന്നെ എ​സ്റ്റി​മേ​റ്റ് ത​യാ​റാ​ക്കു​ന്ന​തി​നും വി​ശ​ദ​മാ​യ പ്രോ​ജ​ക്ട് റി​പ്പോ​ർ​ട്ട് ത​യാ​റാ​ക്കി സ​മ​ർ​പ്പി​ക്കു​ന്ന​തി​നും ബ​ന്ധ​പ്പെ​ട്ട ഡി​പ്പാ​ർ​ട്മെ​ന്റി​ന് മു​ഖ്യ​മ​ന്ത്രി നി​ർ​ദേ​ശം ന​ൽ​കി​യ​താ​യി ഹാ​രി​സ് മ​റു​പ​ടി ന​ൽ​കി.

ക​ണ്ണൂ​ർ ഭാ​ഗ​ത്തു​നി​ന്ന് കു​ട​ക്‌, മൈ​സൂ​രു, ഹാ​സ​ൻ, ബം​ഗ​ളൂ​രു ഭാ​ഗ​ത്തേ​ക്ക്‌ യാ​ത്ര ചെ​യ്യാ​നു​ള്ള പ്ര​ധാ​ന പാ​ത​യാ​യ മാ​ക്കൂ​ട്ടം ചു​രം റോ​ഡ് പൊ​ട്ടി​പ്പൊ​ളി​ഞ്ഞ​തു​കാ​ര​ണം യാ​ത്ര ദു​ഷ്ക​ര​മാ​യി​ട്ട് മാ​സ​ങ്ങ​ളാ​യി. ച​ര​ക്ക് വാ​ഹ​ന​ങ്ങ​ൾ കൂ​ടു​ത​ലും ക​ട​ന്നു​പോ​കു​ന്ന​തും ഈ ​വ​ഴി​യാ​ണ്. ചെ​റു വാ​ഹ​ന​ങ്ങ​ളാ​യും ഇ​രു​ച​ക്ര വാ​ഹ​ന​ങ്ങ​ളാ​യും ധാ​രാ​ളം വാ​ഹ​ന​ങ്ങ​ൾ ദി​നം​പ്ര​തി സ​ഞ്ച​രി​ക്കു​ന്നു. ഇ​വ​രാ​ണ് കൂ​ടു​ത​ൽ യാ​ത്രാ​ദു​രി​ത​മ​നു​ഭ​വി​ക്കു​ന്ന​ത്. കു​ട​കി​ലു​ള്ള​വ​ർ​ക്ക്‌ ക​ണ്ണൂ​ർ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലേ​ക്കും പോ​കേ​ണ്ട​തും ഇ​തു​വ​ഴി​യാ​ണ്.

ശ​ബ​രി​മ​ല സീ​സ​ണാ​യ​തി​നാ​ൽ കാ​ൽ​ന​ട​യാ​യും വാ​ഹ​ന​ങ്ങ​ളി​ലും ഇ​തു​വ​ഴി സ്വാ​മി​മാ​ർ യാ​ത്ര ചെ​യ്യു​ന്ന​തി​നാ​ൽ യു​ദ്ധ​കാ​ലാ​ടി​സ്ഥാ​ന​ത്തി​ൽ അ​റ്റ​കു​റ്റ​പ്പ​ണി തീ​ർ​ക്ക​ണ​മെ​ന്ന് നി​വേ​ദ​ന​ത്തി​ൽ അ​ഭ്യ​ർ​ഥി​ച്ചു. സം​സ്ഥാ​ന പാ​ത​യി​ൽ ബി​ട്ട​ൻ​കാ​ല മു​ത​ൽ മാ​ക്കൂ​ട്ടം (വീ​രാ​ജ്‌​പേ​ട്ട) വ​രെ​യു​ള്ള ഏ​ക​ദേ​ശം 25 കി​ലോ​മീ​റ്റ​ർ ദൈ​ർ​ഘ്യ​മു​ള്ള​താ​ണ് ക​ർ​ണാ​ട​ക-​കേ​ര​ള അ​ന്ത​ർ​സം​സ്ഥാ​ന പാ​ത​യാ​യ ഈ ​ചു​രം റോ​ഡ്. വി​നോ​ദ​സ​ഞ്ചാ​ര കേ​ന്ദ്ര​മാ​യ കു​ട​കി​ലേ​ക്ക് കേ​ര​ള​ത്തി​ൽ​നി​ന്ന് നി​ര​വ​ധി വാ​ഹ​ന​ങ്ങ​ൾ ഈ ​റോ​ഡി​ലൂ​ടെ ഓ​ടു​ന്നു​ണ്ട്.

റോ​ഡി​ന് അ​ടി​യ​ന്ത​ര ശ്ര​ദ്ധ ആ​വ​ശ്യ​മാ​ണെ​ന്നും റോ​ഡു​പ​ണി യു​ദ്ധ​കാ​ലാ​ടി​സ്ഥാ​ന​ത്തി​ൽ ഏ​റ്റെ​ടു​ക്ക​ണ​മെ​ന്നും എം.​എ​ൽ.​എ നി​വേ​ദ​ന​ത്തി​ലൂ​ടെ ആ​വ​ശ്യ​പ്പെ​ട്ടി​രു​ന്നു.