ജാ​മ്യം നി​ന്ന​ത് ഇ​ട​പാ​ടു​കാ​ര​ന് ഇ​രു​ട്ട​ടി​യാ​യി; ബാ​ങ്കി​ൽ കു​ത്തി​യി​രു​ന്ന് പ്ര​തി​ഷേ​ധം

ബം​ഗ​ളൂ​രു: ദ​ക്ഷി​ണ ക​ന്ന​ട ജി​ല്ല​യി​ൽ വി​ദ്യാ​ഭ്യാ​സ വാ​യ്പ​ക്ക് ജാ​മ്യം​നി​ന്ന​ത് ഇ​ട​പാ​ടു​കാ​ര​ന് ഇ​രു​ട്ട​ടി​യാ​യി. പ്ര​തി​ഷേ​ധം അ​റി​യി​ക്കാ​ൻ ബാ​ങ്കി​ൽ കു​ത്തി​യി​രി​പ്പ് സ​മ​രം ന​ട​ത്തി.

സു​ള്ള്യ താ​ലൂ​ക്കി​ലെ സാ​മ്പാ​ജെ​യി​ൽ ക​ല്ലു​ഗു​ണ്ടി ദേ​ശ​സാ​ല്‍കൃ​ത ബാ​ങ്കി​ലാ​ണ് യു​വാ​വ് കു​ത്തി​യി​രു​ന്ന് പ്ര​തി​ഷേ​ധി​ച്ച​ത്. 2016ല്‍ ​പെ​ണ്‍കു​ട്ടി​യു​ടെ വി​ദ്യാ​ഭ്യാ​സ വാ​യ്പ​ക്ക് ജാ​മ്യം​നി​ന്ന കെ.​പി. ജോ​ണി എ​ന്ന​യാ​ള്‍ക്കാ​ണ് ബാ​ങ്കി​ല്‍നി​ന്ന് പു​തി​യ വാ​യ്പ ല​ഭി​ക്കാ​താ​യ​ത്. വി​ദ്യാ​ർ​ഥി വി​ദ്യാ​ഭ്യാ​സം പൂ​ർ​ത്തി​യാ​ക്കു​ക​യും കു​ടും​ബം പി​ന്നീ​ട് വാ​യ്പ തി​രി​ച്ച​ട​ക്കു​ക​യും ചെ​യ്തു. കു​റ​ഞ്ഞ നി​ര​ക്കി​ല്‍ ഒ​റ്റ​ത്ത​വ​ണ തീ​ർ​പ്പാ​ക്ക​ല്‍ വ​ഴി​യാ​ണ് വാ​യ്പ തി​രി​ച്ച​ട​ച്ച​ത്.

ഇ​തോ​ടെ വാ​യ്പ​ക്ക് ജാ​മ്യം​നി​ന്ന ജോ​ണി​യു​ടെ സി​ബി​ല്‍ സ്കോ​ർ ഇ​ടി​ഞ്ഞു. എ​ന്നാ​ല്‍, ഇ​ക്കാ​ര്യ​മൊ​ന്നും ഇ​ദ്ദേ​ഹം അ​റി​ഞ്ഞി​ല്ല. വാ​യ്പ​ക്ക് ശ്ര​മി​ച്ച​പ്പോ​ഴാ​ണ് സി​ബി​ല്‍ സ്കോ​ർ ഇ​ടി​ഞ്ഞ​താ​യി ബാ​ങ്ക് ജീ​വ​ന​ക്കാ​ർ അ​റി​യി​ച്ച​ത്. ബാ​ങ്കി​ല്‍നി​ന്ന് വി​ശ​ദീ​ക​ര​ണം തേ​ടാ​നു​ള്ള ഇ​യാ​ളു​ടെ ശ്ര​മ​ങ്ങ​ള്‍ക്ക് ഒ​രു മാ​സ​ത്തി​ലേ​റെ​യാ​യി ഉ​ത്ത​രം ല​ഭി​ച്ചി​ല്ല.

സി​ബി​ല്‍ സ്കോ​ർ മാ​ർ​ക്ക് ചെ​യ്ത​പ്പോ​ള്‍ എ​ന്തു​കൊ​ണ്ടാ​ണ് അ​വ​ർ ത​ന്നെ അ​റി​യി​ക്കാ​തി​രു​ന്ന​തെ​ന്ന് ജോ​ണി ബാ​ങ്ക് ജീ​വ​ന​ക്കാ​രോ​ട് ചോ​ദി​ച്ചു. പ്ര​തി​ക​ര​ണം ല​ഭി​ക്കാ​താ​യ​തോ​ടെ ജോ​ണി ശ​നി​യാ​ഴ്ച ബാ​ങ്ക് വ​ള​പ്പി​ല്‍ കു​ത്തി​യി​രി​പ്പ് സ​മ​രം ന​ട​ത്തി. ബാ​ങ്കി​ന്റെ പ്ര​വ​ർ​ത്ത​നം ത​ട​സ്സ​പ്പെ​ട്ട​താ​യി ചൂ​ണ്ടി​ക്കാ​ട്ടി അ​ധി​കൃ​ത​ർ ഉ​ട​ൻ ത​ന്നെ ക​ല്ലു​ഗു​ണ്ടി പൊ​ലീ​സി​ല്‍ പ​രാ​തി ന​ല്‍കി. പൊ​ലീ​സെ​ത്തി​യാ​ണ് ഇ​യാ​ളെ നീ​ക്കി​യ​ത്.