മാവോവാദി രവീന്ദ്രയും കീഴടങ്ങുന്നു
text_fieldsമംഗളൂരു: ചിക്കമഗളൂരു ജില്ലയിൽ ശൃംഗേരി താലൂക്കിലെ കിഗ്ഗക്ക് സമീപം സജീവമായിരുന്ന മാവോവാദി രവീന്ദ്ര സർക്കാറിന് കീഴടങ്ങാൻ ഒരുങ്ങുന്നതായി അറിയുന്നു. കുറച്ചുകാലമായി ഒളിവിൽ കഴിഞ്ഞിരുന്ന രവീന്ദ്ര സിറ്റിസൺസ് ഫോർ പീസ് ഫോറം അംഗങ്ങളെ സമീപിച്ചു. അടുത്ത ആഴ്ചക്കുള്ളിൽ ഔദ്യോഗികമായി കീഴടങ്ങുമെന്നാണ് പ്രതീക്ഷിക്കുന്നത്. ഈ മാസം എട്ടിന് ബംഗളൂരുവിൽ മുഖ്യമന്ത്രിയുടെ സാന്നിധ്യത്തിൽ ആറ് മാവോവാദികൾ ആയുധം ഉപേക്ഷിച്ച് കീഴടങ്ങിയിരുന്നു.
ആ ദൗത്യത്തിന്റെ മുന്നോടിയായി രവീന്ദ്ര കേരളത്തിലേക്കോ തമിഴ്നാട്ടിലേക്കോ മാറിയതായി അഭ്യൂഹങ്ങളുണ്ടായിരുന്നു. സിറ്റിസൺസ് ഫോർ പീസ് ഫോറം, നക്സൽ റീഹാബിലിറ്റേഷൻ കമ്മിറ്റി എന്നിവരുമായി രവീന്ദ്ര സമ്പർക്കം പുലർത്തിയിരുന്നില്ല. എന്നാൽ, ഇപ്പോൾ അദ്ദേഹം ബന്ധം സ്ഥാപിച്ചു. അദ്ദേഹത്തിന്റെ കീഴടങ്ങൽ നടപടികൾ പുരോഗമിക്കുകയാണ്.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.