മെ​ട്രോ: വ​രു​ന്ന​ത് 16 ഇ​​ന്റ​ർ​ചേ​ഞ്ച് സ്റ്റേ​ഷ​നു​ക​ൾ

ബം​​ഗ​ളൂ​രു: ന​മ്മ മെ​ട്രോ​യു​ടെ ര​ണ്ട്, മൂ​ന്ന് ഘ​ട്ട നി​ർ​മാ​ണ​പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​കു​ന്ന​തോ​ടെ വ​രു​ന്ന​ത് 16 ഇ​​ന്റ​ർ​ചേ​ഞ്ച് സ്റ്റേ​ഷ​നു​ക​ൾ. നി​ല​വി​ൽ പ​ർ​പ്ൾ, ​ഗ്രീ​ൻ ലൈ​നു​ക​ളെ ബ​ന്ധി​പ്പി​ക്കു​ന്ന ഏ​ക ഇ​​ന്റ​ർ​ചേ​ഞ്ച് സ്റ്റേ​ഷ​നാ​യ മെ​ജ​സ്റ്റി​കി​ന് പു​റ​മെ​യാ​ണി​ത്. ഇ​രു ലൈ​നു​ക​ളി​ൽ നി​ന്നും പ​ര​സ്പ​രം മാ​റി​ക്ക​യ​റാ​ൻ മാ​ത്രം 50,000ത്തോ​ളം യാ​ത്ര​ക്കാ​രാ​ണ് മെ​ജ​സ്റ്റി​ക് സ്റ്റേ​ഷ​ൻ ഉ​പ​യോ​​ഗ​പ്പെ​ടു​ത്തു​ന്ന​ത് എ​ന്നാ​ണ് ക​ണ​ക്ക്.

ഏ​ത് ലൈ​നി​ലേ​ക്കും എ​ളു​പ്പ​ത്തി​ൽ യാ​ത്ര ചെ​യ്യാ​ൻ സൗ​ക​ര്യ​മൊ​രു​ക്കി പ​ര​മാ​വ​ധി യാ​ത്ര​ക്കാ​രെ മെ​ട്രോ ഉ​പ​യോ​​ഗി​ക്കാ​ൻ പ്രേ​രി​പ്പി​ക്കു​ക​യാ​ണ് ല​ക്ഷ്യ​മെ​ന്നും ഈ ​സ്റ്റേ​ഷ​നു​ക​ൾ പ​ർ​പ്ൾ, ​ഗ്രീ​ൻ, യെ​ല്ലോ, പി​ങ്ക്, ബ്ലൂ ​ലൈ​നു​ക​ളെ ത​മ്മി​ൽ പ​ര​സ്പ​രം ബ​ന്ധി​പ്പി​ക്കു​ന്ന​വ​യാ​യി​രി​ക്കു​മെ​ന്നും മെ​ട്രോ ഉ​ദ്യോ​​ഗ​സ്ഥ​ർ പ​റ​ഞ്ഞു. ബ​ന്നാ​ർ​​ഘ​ട്ട റോ​ഡി​ലെ മ​ൾ​ട്ടി ലെ​വ​ൽ ഇ​​ന്റ​ർ​ചേ​ഞ്ച് സ്റ്റേ​ഷ​നാ​യ ജ​യ​ദേ​വ ജ​ങ്ഷ​ൻ ഈ ​വ​ർ​ഷം അ​വ​സാ​ന​ത്തോ​ടെ നി​ർ​മാ​ണം പൂ​ർ​ത്തി​യാ​വും.

ആ​ർ.​വി റോ​ഡ്- ബൊ​മ്മ​സാ​ന്ദ്ര യെ​ല്ലോ ലൈ​നി​നെ​യും ക​ലെ​ന അ​​ഗ്ര​ഹാ​ര-​നാ​​ഗ​വ​ര പി​ങ്ക് ലൈ​നി​നെ​യും ബ​ന്ധി​പ്പി​ക്കു​ന്ന ജ​യ​ദേ​വ സ്റ്റേ​ഷ​നാ​ണ് രാ​ജ്യ​ത്തെ ഏ​റ്റ​വും ഉ​യ​രം കൂ​ടി​യ സ്റ്റേ​ഷ​ൻ.

ഇ​​ന്റ​ർ​ചേ​ഞ്ച് സ്റ്റേ​ഷ​നു​ക​ൾ

ജ​യ​ദേ​വ ജ​ങ്ഷ​ൻ, എം.​ജി റോ​ഡ്, കെ.​ആ​ർ പു​രം, ഹൊ​സ​ഹ​ള്ളി, മൈ​സൂ​രു റോ​ഡ്, പീ​നി​യ, ആ​ർ.​വി റോ​ഡ്, ജെ.​പി ന​​ഗ​ർ, ജെ.​പി ന​​ഗ​ർ ഫോ​ർ​ത്ത് സ്റ്റേ​ജ്, ഡ​യ​റി സ​ർ​ക്ക്ൾ, നാ​​ഗ​വ​ര, കെ​മ്പ​പു​ര, ഹെ​ബ്ബാ​ൾ, അ​​ഗ​ര, സെ​ൻ​ട്ര​ൽ സി​ൽ​ക്ക് ബോ​ർ​ഡ്, സു​മ്മ​ന​ഹ​ള്ളി ക്രോ​സ്