മംഗളൂരു പോഷകാഹാര ഉൽപാദന കേന്ദ്രത്തിൽ മന്ത്രിയുടെ മിന്നൽ സന്ദർശനം

മംഗളൂരു: വനിത-ശിശുവികസന മന്ത്രി ലക്ഷ്മി ഹെബ്ബാൾകർ മംഗളൂരുവിൽ ഐ.സി.ഡി.എസിന് കീഴിലെ മഹിള സപ്ലിമെന്ററി ന്യൂട്രീഷ്യൻ പ്രൊഡക്ഷൻ സെന്ററിൽ മിന്നൽ പരിശോധന നടത്തി.

നഗര പ്രാന്തത്തിൽ മൂഡുഷെഡ്ഡെ ശിവനഗറിലാണ് സ്ഥാപനം പ്രവർത്തിക്കുന്നത്. അംഗൻവാടികൾക്കും സ്കൂൾ ഉച്ചഭക്ഷണ പദ്ധതിക്കും പാചകത്തിനുള്ള ഭക്ഷ്യ സാധനങ്ങൾ ഉൾക്കൊള്ളുന്ന ഗോഡൗണിൽ കയറി മന്ത്രി പരിശോധിച്ചു. ഗുണമേന്മ ഉറപ്പുവരുത്തണമെന്ന് നിർദേശിച്ചു.