ചു​ളു​വി​ല​ക്ക് 58 ഏ​ക്ക​ർ സ്വ​ന്ത​മാ​ക്കി; ഒ​രാ​ൾ​ക്കും ജോ​ലി ന​ൽ​കി​യി​ല്ല

ബം​ഗ​ളൂ​രു: പ്ര​മു​ഖ ഐ.​ടി ക​മ്പ​നി ഇ​ൻ​ഫോ​സി​സ് ചു​ളു​വി​ല​ക്ക് 58 ഏ​ക്ക​ർ സ്വ​ന്ത​മാ​ക്കി​യ​ത​ല്ലാ​തെ ഒ​രാ​ൾ​ക്കു​പോ​ലും ജോ​ലി ന​ൽ​കി​യി​ല്ലെ​ന്ന് ആ​ക്ഷേ​പം. ക​മ്പ​നി സ്ഥി​തി​ചെ​യ്യു​ന്ന ഹു​ബ്ബ​ള്ളി-​ധാ​ർ​വാ​ഡ് (വെ​സ്റ്റ്) മ​ണ്ഡ​ലം എം.​എ​ൽ.​എ​യും നി​യ​മ​സ​ഭ ഉ​പ പ്ര​തി​പ​ക്ഷ​നേ​താ​വു​മാ​യ അ​ര​വി​ന്ദ് ബെ​ല്ലാ​ഡ് സ​ഭ സ​മ്മേ​ള​ന​ത്തി​ലാ​ണ് ആ​ക്ഷേ​പം ഉ​ന്ന​യി​ച്ച​ത്. വ്യ​വ​സാ​യ​ശാ​ല​ക​ളി​ൽ ത​ദ്ദേ​ശീ​യ​ർ​ക്ക് ജോ​ലി ന​ൽ​കു​ന്ന​ത് സം​ബ​ന്ധി​ച്ച് മു​ൾ​ബ​ഗ​ൽ എം.​എ​ൽ.​എ സ​മൃ​ദ്ധി മ​ഞ്ചു​നാ​ഥ് അ​വ​ത​രി​പ്പി​ച്ച ശ്ര​ദ്ധ​ക്ഷ​ണി​ക്ക​ലി​ന്റെ അ​നു​ബ​ന്ധ​മാ​യി സം​സാ​രി​ക്കു​ക​യാ​യി​രു​ന്നു ബെ​ല്ലാ​ഡ്.

ഏ​ക്ക​റി​ന് ഒ​ന്ന​ര കോ​ടി രൂ​പ വി​ല​യു​ള്ള 58 ഏ​ക്ക​ർ ഭൂ​മി 35 ല​ക്ഷം രൂ​പ നി​ര​ക്കി​ലാ​ണ് സ​ർ​ക്കാ​ർ ഇ​ട​പെ​ട്ട് ഇ​ൻ​ഫോ​സി​സി​ന് ല​ഭ്യ​മാ​ക്കി​യ​ത്. യു​വ​തീ​യു​വാ​ക്ക​ൾ​ക്ക് ജോ​ലി ല​ഭി​ക്കു​മെ​ന്ന് ജ​ന​ങ്ങ​ളെ വി​ശ്വ​സി​പ്പി​ക്കാ​ൻ ഏ​റെ ശ്ര​മി​ച്ച​യാ​ളാ​ണ് താ​ൻ. ഭൂ ​ഉ​ട​മ​ക​ൾ ഫ​യ​ൽ ചെ​യ്ത കേ​സു​ക​ൾ​പോ​ലും ഇ​ട​പെ​ട്ട് പി​ൻ​വ​ലി​പ്പി​ച്ച താ​ൻ ഇ​പ്പോ​ൾ ജ​ന​ങ്ങ​ളു​ടെ ക​ണ്ണി​ൽ ക​ര​ടാ​യി. പൂ​ന്തോ​ട്ടം ഒ​രു​ക്ക​ല​ല്ലാ​തെ ആ ​ഭൂ​മി​യി​ൽ ഒ​ന്നും ന​ട​ക്കു​ന്നി​ല്ല. 350 കോ​ടി ചെ​ല​വി​ട്ട് ഒ​രു​ക്കി​യ കാ​മ്പ​സി​ൽ 1500 ടെ​ക്കി​ക​ൾ​ക്കു​ള്ള സൗ​ക​ര്യ​മു​ണ്ട്. വാ​ഗ്ദാ​നം പാ​ലി​ക്കാ​തെ​യും ജ​ന​ങ്ങ​ളു​ടെ പ്ര​തീ​ക്ഷ പു​ല​രാ​തെ​യു​മാ​ണ് ക​മ്പ​നി മു​ന്നോ​ട്ടു​പോ​വു​ന്ന​തെ​ങ്കി​ൽ ഭൂ​മി തി​രി​ച്ചു​പി​ടി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് ബെ​ല്ലാ​ഡ് ആ​വ​ശ്യ​പ്പെ​ട്ടു.

ഭൂ​മി ഏ​റ്റെ​ടു​ത്ത​ത​ല്ലാ​തെ ഒ​ന്നും ന​ട​ന്നി​ല്ലെ​ന്നും നോ​ട്ടീ​സ് ന​ൽ​കി ന​ട​പ​ടി സ്വീ​ക​രി​ക്കു​മെ​ന്നും ക​മ്പ​നി​യു​ടെ പേ​ര് പ​രാ​മ​ർ​ശി​ക്കാ​തെ വ്യ​വ​സാ​യ​മ​ന്ത്രി എം.​ബി. പാ​ട്ടീ​ൽ മ​റു​പ​ടി ന​ൽ​കി.