ഐ.​എ.​എ​സ്​ ഉ​ദ്യോ​ഗ​സ്ഥക്കെതിരായ മാനനഷ്ടക്കേസ്​ എം.എൽ.എ പിൻവലിച്ചു

ബം​ഗ​ളൂ​രു: ക​ർ​ണാ​ട​ക​യി​ലെ ഐ.​എ.​എ​സ്​ ഉ​ദ്യോ​ഗ​സ്ഥ രോ​ഹി​ണി സി​ന്ദൂ​രി​ക്കെ​തി​രെ മു​ൻ​മ​ന്ത്രി​യും മൈ​സൂ​രു കെ.​ആ​ർ. ന​ഗ​റി​ലെ ജെ.​ഡി.​എ​സ്​ എം.​എ​ൽ.​എ​യു​മാ​യ മ​ഹേ​ഷ്​ ന​ൽ​കി​യ മാ​ന​ന​ഷ്ട​ക്കേ​സ്​ പി​ൻ​വ​ലി​ച്ചു. മൈ​സൂ​രു ഡെ​പ്യൂ​ട്ടി ക​മീ​ഷ​ണ​റാ​യ കാ​ല​ത്ത്​​ രോ​ഹി​ണി മ​ഹേ​ഷി​നെ​തി​രെ വി​വി​ധ ആ​രോ​പ​ണ​ങ്ങ​ൾ ഉ​ന്ന​യി​ച്ചി​രു​ന്നു. ഭൂ​മി​ കൈ​യേ​റ്റ​മ​ട​ക്ക​മു​ള്ള വി​വി​ധ ആ​രോ​പ​ണ​ങ്ങ​ൾ ഉ​ന്ന​യി​ച്ച​തി​നാ​ണ്​ മ​ഹേ​ഷ്​ 2022 സെ​പ്​​റ്റം​ബ​റി​ൽ മാ​ന​ന​ഷ്ട​ക്കേ​സ്​ ന​ൽ​കി​യത്. സി​ന്ദൂ​രി ത​ന്നോ​ട്​ ക്ഷ​മ ചോ​ദി​ച്ച​തോ​ടെ​യാ​ണ്​ ശ​നി​യാ​ഴ്ച കേ​സ്​ പി​ൻ​വ​ലി​ച്ച​തെ​ന്ന്​ മ​ഹേ​ഷ്​ പ​റ​ഞ്ഞു.

ഇ​രു​വ​രും ത​മ്മി​ലു​ള്ള അ​ഭി​​പ്രാ​യ​വ്യ​ത്യാ​സ​ങ്ങ​ൾ മൂ​ലം മ​ഹേ​ഷ്​ സി​ന്ദൂ​രി​ക്കെ​തി​രെ​യും അ​ഴി​മ​തി ആ​രോ​പ​ണ​ം ഉ​ന്ന​യി​ച്ചി​രു​ന്നു. ക​ർ​ണാ​ട​ക​യി​ലെ ഐ.​പി.​എ​സ്​ ഉ​ദ്യോ​ഗ​സ്ഥ​യാ​യ ഡി. ​രൂ​പ​യും രോ​ഹി​ണി സി​ന്ദൂ​രി​യും ത​മ്മി​ലു​ള്ള രൂ​ക്ഷ​മാ​യ പോ​ര്​ ഈ​യ​ടു​ത്ത്​ സം​സ്ഥാ​ന​ത്ത്​ വ​ൻ​വി​വാ​ദ​മു​ണ്ടാ​ക്കി​യി​രു​ന്നു.

രോ​ഹി​ണി സി​ന്ദൂ​രി മ​ഹേ​ഷു​മൊ​ന്നി​ച്ച്​ റ​സ്​​റ്റാ​റ​ന്റി​ലി​രി​ക്കു​ന്ന ചി​ത്രം പു​റ​ത്തു​വ​ന്ന​തോ​ടെ​യാ​യി​രു​ന്നു​​ പ്ര​ശ്ന​ങ്ങ​ൾ തു​ട​ങ്ങി​യ​ത്. ഇ​രു​വ​രും അ​നു​ര​ഞ്ജ​ന​ത്തി​ലെ​ത്തി​യെ​ന്നും രാ​ഷ്ട്രീ​യ​ക്കാ​ര​നു​മാ​യി പു​റ​ത്തു​വെ​ച്ച്​ ഐ.​എ.​എ​സ്സു​കാ​രി കൂ​ടി​ക്കാ​ഴ്ച ന​ട​ത്തി​യ​ത്​ ച​ട്ട​ലം​ഘ​ന​മാ​ണെ​ന്നും രൂ​പ ആ​രോ​പി​ച്ചി​രു​ന്നു. ഇ​തി​നു പി​റ​കെ രോ​ഹി​ണി അ​ഴി​മ​തി​ക്കാ​രി​യാ​ണെ​ന്ന​ത​ട​ക്കം 19 ആ​രോ​പ​ണ​ങ്ങ​ളാ​ണ്​ ഡി. ​രൂ​പ ഫേ​സ്​​ബു​ക്കി​ലൂ​ടെ​യും മ​റ്റും ഉ​ന്ന​യി​ച്ച​ത്. രോ​ഹി​ണി​യു​ടെ സ്വ​കാ​ര്യ ചി​ത്ര​ങ്ങ​ളും പ​ങ്കു​വെ​ച്ചി​രു​ന്നു. സം​ഭ​വ​ത്തി​ൽ ഇ​രു​വ​ർ​ക്കു​മെ​തി​രെ സ​ർ​ക്കാ​ർ ന​ട​പ​ടി സ്വീ​ക​രി​ച്ചി​രു​ന്നു.