‘ന​മ്മ യാ​ത്രി’ ഓ​ട്ടോ​യും അ​ത്ര ന​ന്ന​ല്ല, യു​വ യാ​ത്ര​ക്കാ​രി​യു​ടെ സാ​ക്ഷ്യം

ബം​ഗ​ളൂ​രു: ന​മ്മ യാ​ത്രി വ​ഴി ഓ​ട്ടോ​റി​ക്ഷ ബു​ക്ക് ചെ​യ്ത യു​വ​തി​ക്ക് ദു​ര​നു​ഭ​വം നേ​രി​ട്ട​താ​യി ആ​ക്ഷേ​പം. സ​മൂ​ഹ മാ​ധ്യ​മം ‘എ​ക്‌​സി’​ൽ വ​ൻ​ഷി​ത അ​ഗ​ർ​വാ​ൾ എ​ന്ന യു​വ​തി​യാ​ണ് ത​ന്‍റെ അ​നു​ഭ​വം പ​ങ്കു​വെ​ച്ച​ത്.

ക​ഴി​ഞ്ഞ​ദി​വ​സം പു​ല​ർ​ച്ച നാ​ലി​നാ​യി​രു​ന്നു സം​ഭ​വം. ര​ണ്ടു സു​ഹൃ​ത്തു​ക്ക​ൾ​ക്കും ഒ​രു കു​ട്ടി​ക്കു​മൊ​പ്പം യാ​ത്ര​ചെ​യ്യു​ക​യാ​യി​രു​ന്നു താ​ൻ. താ​മ​സ​സ്ഥ​ല​ത്തെ​ത്തി​യ​പ്പോ​ൾ മൊ​ബൈ​ൽ ആ​പ്പി​ൽ കാ​ണി​ക്കു​ന്ന നി​ര​ക്ക് വ​ള​രെ കു​റ​വാ​ണെ​ന്നും കൂ​ടു​ത​ൽ പ​ണം വേ​ണ​മെ​ന്നും ഡ്രൈ​വ​ർ ആ​വ​ശ്യ​പ്പെ​ട്ടു. തെ​റ്റാ​യ ലൊ​ക്കേ​ഷ​ൻ കാ​ണി​ച്ച​തി​നാ​ൽ കൂ​ടു​ത​ൽ ദൂ​രം സ​ഞ്ച​രി​ക്കേ​ണ്ടി​വ​ന്നെ​ന്നും ഡ്രൈ​വ​ർ പ​റ​ഞ്ഞു.

എ​ന്നാ​ൽ, താ​ൻ കൃ​ത്യ​മാ​യ ലൊ​ക്കേ​ഷ​നാ​ണ് കൊ​ടു​ത്ത​തെ​ന്നും കൂ​ടു​ത​ൽ ദൂ​രം സ​ഞ്ച​രി​ക്കേ​ണ്ടി​വ​ന്നി​ല്ലെ​ന്നും പ​റ​ഞ്ഞു. ഇ​തോ​ടെ ഡ്രൈ​വ​ർ കൂ​ടു​ത​ൽ രോ​ഷാ​കു​ല​നാ​യി. ആ​പ്പി​ൽ കാ​ണി​ക്കു​ന്ന നി​ര​ക്ക് കു​റ​വാ​യ​തി​നാ​ൽ അ​തു പോ​രെ​ന്ന് പ​റ​ഞ്ഞു.

എ​ന്നാ​ൽ, ആ​പ് വ​ഴി ബു​ക്ക് ചെ​യ്ത​തി​നാ​ൽ ആ​പ്പി​ൽ കാ​ണി​ക്കു​ന്ന പ​ണ​മേ ന​ൽ​കാ​നാ​വൂ​വെ​ന്ന് വാ​ദി​ച്ചു. ഇ​തോ​ടെ ഡ്രൈ​വ​ർ ക​യ​ർ​ക്കു​ക​യും ബ​ഹ​ളം​വെ​ക്കു​ക​യും മോ​ശ​മാ​യി സം​സാ​രി​ക്കു​ക​യും ചെ​യ്തു. ഭ​യ​ന്നു​പോ​യ താ​നും കൂ​ടെ​യു​ള്ള​വ​രും താ​മ​സ​സ്ഥ​ല​ത്തേ​ക്ക് വേ​ഗ​ത്തി​ൽ ന​ട​ന്നു​പോ​യി സെ​ക്യൂ​രി​റ്റി ജീ​വ​ന​ക്കാ​ര​നെ വി​ളി​ച്ചു. സെ​ക്യൂ​രി​റ്റി ജീ​വ​ന​ക്കാ​ര​നാ​യും ഡ്രൈ​വ​ർ വാ​ക്കേ​റ്റ​ത്തി​ലേ​ർ​പ്പെ​ട്ടു. ഈ ​സ​മ​യം താ​ൻ പൊ​ലീ​സി​നെ വി​ളി​ക്കു​ക​യാ​യി​രു​ന്നു.’’ ഓ​ട്ടോ​യു​ടെ ന​മ്പ​ർ​സ​ഹി​തം യാ​ത്ര​ക്കാ​ർ ജാ​ഗ്ര​ത​പാ​ലി​ക്ക​ണ​മെ​ന്ന അ​ടി​ക്കു​റി​പ്പോ​ടെ​യാ​ണ് യു​വ​തി എ​ക്‌​സി​ൽ പോ​സ്റ്റ് ചെ​യ്ത​ത്.

ഇ​തേ​ത്തു​ട​ർ​ന്ന് ന​മ്മ മെ​ട്രോ ക്ഷ​മ​ചോ​ദി​ച്ച് എ​ക്‌​സി​ൽ മ​റു​പ​ടി​ന​ൽ​കി. അ​ടു​ത്തി​ടെ ഒ​ല ഓ​ട്ടോ ഡ്രൈ​വ​റി​ൽ​നി​ന്ന് സ​മാ​ന​മാ​യ അ​നു​ഭ​വം മ​റ്റൊ​രു യാ​ത്ര​ക്കാ​ര​നു​മു​ണ്ടാ​യി​രു​ന്നു. ഓ​ൺ​ലൈ​ൻ ക്യാ​ബു​ക​ളി​ലും യാ​ത്ര​ക്കാ​ർ​ക്ക് ദു​ര​നു​ഭ​വം ഉ​ണ്ടാ​കാ​റു​ണ്ട്. ക​ഴി​ഞ്ഞ​യാ​ഴ്ച ക്യാ​ബി​ൽ എ.​സി ഇ​ടാ​ൻ പ​റ​ഞ്ഞ യാ​ത്ര​ക്കാ​ര​നോ​ട് ഊ​ബ​ർ ഡ്രൈ​വ​ർ മോ​ശ​മാ​യി പെ​രു​മാ​റി​യി​രു​ന്നു. എ.​സി ഇ​ടി​ല്ലെ​ന്നും പ​റ്റി​ല്ലെ​ങ്കി​ൽ ട്രി​പ് റ​ദ്ദാ​ക്കി​ക്കോ​ളൂ​വെ​ന്നു​മാ​ണ​ത്രെ ഡ്രൈ​വ​ർ പ​റ​ഞ്ഞ​ത്.