അ​നു​മ​തി വാ​ങ്ങി​യി​ല്ല; ക​ബ്ബ​ൺ പാ​ർ​ക്കി​ലെ സീ​ക്ര​ട്ട് സാ​ന്താ ‘ബു​ക്ക് എ​ക്സ്ചേ​ഞ്ച്’ ആ​ഘോ​ഷം ത​ട​ഞ്ഞു

ബം​ഗ​ളൂ​രു: മു​ൻ​കൂ​ർ അ​നു​മ​തി വാ​ങ്ങാ​ത്ത​തി​നാ​ൽ ക​ബ്ബ​ൺ പാ​ർ​ക്കി​ൽ ന​ട​ത്താ​നി​രു​ന്ന സീ​ക്ര​ട്ട് സാ​ന്താ ‘ബു​ക്ക് എ​ക്സ്ചേ​ഞ്ച്’ ആ​ഘോ​ഷം ഹോ​ർ​ട്ടി​ക​ൾ​ച​ർ അ​ധി​കൃ​ത​ർ ഇ​ട​പെ​ട്ട് റ​ദ്ദാ​ക്കി. തു​ട​ർ​ന്ന് സം​ഘാ​ട​ക​രോ​ട് 35,000 രൂ​പ പി​ഴ​യ​ട​ക്കാ​ൻ ആ​വ​ശ്യ​പ്പെ​ടു​ക​യും രേ​ഖാ​മൂ​ലം ക്ഷ​മാ​പ​ണം ന​ട​ത്തി​ക്കു​ക​യും ചെ​യ്തു.

സീ​ക്ര​ട്ട് സാ​ന്താ​യി​ൽ പ​ങ്കെ​ടു​ക്കാ​ൻ ആ​യി​ര​ത്തി​ല​ധി​കം ആ​ളു​ക​ൾ എ​ത്തി​യ​താ​യി അ​ധി​കൃ​ത​ർ പ​റ​ഞ്ഞു.​എ​ന്നാ​ൽ അ​ഞ്ഞൂ​റോ​ളം പേ​രേ​യു​ണ്ടാ​യി​രു​ന്നു​ള്ളൂ എ​ന്ന് ഗ്രൂ​പ് അ​വ​കാ​ശ​പ്പെ​ടു​ന്നു, ഇ​ത്ര​യും വ​ലി​യ ജ​ന​പ​ങ്കാ​ളി​ത്തം ത​ങ്ങ​ൾ പ്ര​തീ​ക്ഷി​ച്ചി​രു​ന്നി​ല്ല. വാ​രാ​ന്ത്യ​ങ്ങ​ളി​ൽ ക​ബ്ബ​ൺ പാ​ർ​ക്കി​ൽ ഒ​ത്തു​കൂ​ടു​ന്ന ജ​ന​പ്രി​യ സൗ​ജ​ന്യ നി​ശ്ശ​ബ്ദ വാ​യ​ന കൂ​ട്ടാ​യ്മ​യാ​യ ക​ബ്ബ​ൺ റീ​ഡ്‌​സി​ന്‍റെ ഓ​ൺ​ലൈ​ൻ പോ​സ്റ്റി​ന് പി​റ​കെ​യാ​ണ് ആ​ളു​ക​ൾ പ​ര​സ്പ​രം പു​സ്ത​ക​ങ്ങ​ൾ സ​മ്മാ​നി​ക്കാ​ൻ ബാ​ൻ​ഡ് സ്റ്റാ​ൻ​ഡി​ന് സ​മീ​പം ഒ​ത്തു​കൂ​ടി​യ​ത്.

പാ​ർ​ക്കി​ൽ 20ൽ ​അ​ധി​കം ആ​ളു​ക​ൾ ഒ​ത്തു​കൂ​ടു​ന്ന​തി​ന് ഡി​പ്പാ​ർ​ട്മെ​ന്‍റി​ന്‍റെ മു​ൻ​കൂ​ർ അ​നു​മ​തി ആ​വ​ശ്യ​മാ​ണെ​ന്നും അ​തു സം​ഘം നേ​ടി​യി​ട്ടി​ല്ലെ​ന്നും ക​ബ്ബ​ൺ പാ​ർ​ക്കി​ലെ ഹോ​ർ​ട്ടി​ക​ൾ​ച​ർ ഡെ​പ്യൂ​ട്ടി ഡ​യ​റ​ക്ട​ർ ജി. ​കു​സു​മ മാ​ധ്യ​മ​ങ്ങ​ളോ​ട് പ​റ​ഞ്ഞു. പ​രി​പാ​ടി​ക്ക് എ​ത്തി​യ​വ​ർ പ്ലാ​സ്റ്റി​ക് ക​വ​റു​ക​ൾ കൈ​യി​ൽ ക​രു​തി​യി​രു​ന്ന​താ​യും അ​വ​ർ പ​റ​ഞ്ഞു.

ഇ​വ​ന്‍റു​ക​ൾ ന​ട​ത്തു​ന്ന​തി​ന് അ​വ സൗ​ജ​ന്യ​മോ വാ​ണി​ജ്യ​പ​ര​മോ എ​ന്ന​ത് പ​രി​ഗ​ണി​ക്കാ​തെ 30,000 രൂ​പ ഫീ​സും 20,000 രൂ​പ സെ​ക്യൂ​രി​റ്റി ഡെ​പ്പോ​സി​റ്റും ന​ൽ​ക​ണം.​ഇ​വ​ന്റു​ക​ളു​ടെ സ്വ​ഭാ​വ​വും പ്ര​ധാ​ന​മാ​ണെ​ന്നും അ​വ​ർ കൂ​ട്ടി​ച്ചേ​ർ​ത്തു. മാ​ര​ത്ത​ണു​ക​ൾ, വാ​ക്ക​ത്ത​ണു​ക​ൾ, യോ​ഗ സെ​ഷ​നു​ക​ൾ, പു​സ്ത​ക വാ​യ​ന എ​ന്നി​വ അ​നു​വ​ദ​നീ​യ​മാ​ണ്.​എ​ന്നാ​ൽ, മ​ത​പ​ര​മാ​യ പ്ര​വ​ർ​ത്ത​ന​ങ്ങ​ൾ പോ​ലു​ള്ള പ​രി​പാ​ടി​ക​ൾ അ​നു​വ​ദി​ക്കു​ന്നി​ല്ലെ​ന്നും അ​വ​ർ പ​റ​ഞ്ഞു.