ക​ർ​ണാ​ട​ക പൊ​ലീ​സ് എ​സ്.​ഐ പ​രീ​ക്ഷാ ക്ര​മ​ക്കേ​ട്: ഐ.​പി.​എ​സ് ഉ​ദ്യോ​ഗ​സ്ഥ​ന് ജാ​മ്യം

ബം​ഗ​ളൂ​രു: പൊ​ലീ​സ് സ​ബ് ഇ​ൻ​സ്​​പെ​ക്ട​ർ നി​യ​മ​ന പ​രീ​ക്ഷാ ക്ര​മ​ക്കേ​ടി​ൽ അ​റ​സ്റ്റി​ലാ​യ മു​തി​ർ​ന്ന ഐ.​പി.​എ​സ് ഉ​ദ്യോ​ഗ​സ്ഥ​ന് ഒ​രു വ​ർ​ഷം ക​ഴി​ഞ്ഞ് ഹൈ​കോ​ട​തി ജാ​മ്യം അ​നു​വ​ദി​ച്ചു. ക​ർ​ണാ​ട​ക പൊ​ലീ​സ് അ​ഡീ​ഷ​ന​ൽ ഡ​യ​റ​ക്ട​ർ ജ​ന​റ​ലാ​യി​രു​ന്ന അ​മൃ​ത് പോ​ളി​നാ​ണ് (56) ഉ​പാ​ധി​ക​ളോ​ടെ ജാ​മ്യം കി​ട്ടി​യ​ത്.

ക്ര​മ​ക്കേ​ടി​ൽ പങ്കുണ്ടെന്ന് ക​ണ്ടെ​ത്തി​യ​തി​നെ തു​ട​ർ​ന്ന് ക്രി​മി​ന​ൽ ഇ​ൻ​വെ​സ്റ്റി​ഗേ​ഷ​ൻ വ​കു​പ്പ് (സി.​ഐ.​ഡി) ആ​ണ് ഇ​യാ​ളെ 2022 ജൂ​ലൈ നാ​ലി​ന് അ​റ​സ്റ്റ് ​ചെ​യ്ത​ത്. ക്ര​മ​ക്കേ​ടി​ൽ പി​ടി​യി​ലാ​യ 15 പൊ​ലീ​സു​കാ​രി​ൽ ആ​ദ്യ ഐ.​പി.​എ​സ് ഉ​ദ്യോ​ഗ​സ്ഥ​നാ​ണ് അ​മൃ​ത്പോ​ൾ. അ​ന്വേ​ഷ​ണ ഉ​ദ്യോ​ഗ​സ്ഥ​രെ​യോ ത​ന്നെ ചോ​ദ്യം ചെ​യ്ത ഉ​ദ്യോ​ഗ​സ്ഥ​രെ​യോ സ്വാ​ധീ​നി​ക്കു​ക​യോ ഭീ​ഷ​ണി​പ്പെ​ടു​ത്തു​കേ​യാ ചെ​യ്യ​രു​ത് എ​ന്ന വ്യ​വ​സ്ഥ​യോ​ടെ​യാ​ണ് സിം​ഗ്ൾ ജ​ഡ്ജി ബെ​ഞ്ച് ജാ​മ്യം അ​നു​വ​ദി​ച്ചി​രി​ക്കു​ന്ന​ത്.

545 എ​സ്.​ഐ​മാ​രു​ടെ ഒ​ഴി​വു​ക​ളി​ലേ​ക്ക്​ 2021 ഒ​ക്​​ടോ​ബ​ർ മൂ​ന്നി​ന് ന​ട​ന്ന പ​രീ​ക്ഷ​യി​ലാ​ണ് സം​സ്ഥാ​ന​ത്തെ ഞെ​ട്ടി​ച്ച വ​ൻ ക്ര​മ​ക്കേ​ട് ന​ട​ന്ന​ത്. ആ​കെ 54,287 പേ​രാ​ണ്​ പ​രീ​ക്ഷ എ​ഴു​തി​യ​ത്. റാ​ങ്ക് ലി​സ്റ്റ് പ്ര​സി​ദ്ധീ​ക​രി​ച്ച​തി​നു​ശേ​ഷം ഉ​ദ്യോ​ഗാ​ർ​ഥി​യാ​ണ്​ ക്ര​മ​ക്കേ​ട്​ ന​ട​ന്നു​വെ​ന്ന്​ പ​രാ​തി ന​ൽ​കി​യ​ത്. ക​ഴി​ഞ്ഞ വ​ർ​ഷം ഏ​​പ്രി​ലി​ലാ​ണ്​ കേ​സ്​ അ​ന്വേ​ഷി​ക്ക​ണ​മെ​ന്ന്​ ക​ർ​ണാ​ട​ക സ​ർ​ക്കാ​ർ സി.​ഐ.​ഡി​യോ​ട്​ ആ​വ​ശ്യ​​പ്പെ​ടു​ന്ന​ത്. വ​ൻ​ത​ട്ടി​പ്പാ​ണ്​ ന​ട​ന്ന​തെ​ന്ന സി.​ഐ.​ഡി​യു​ടെ അ​ന്വേ​ഷ​ണ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ പ​രീ​ക്ഷ​യു​ടെ ഫ​ലം ഏ​പ്രി​ൽ 29ന്​ ​സ​ർ​ക്കാ​ർ പി​ൻ​വ​ലി​ച്ചി​രു​ന്നു.