ക്യൂ.​ആ​ർ പേ​പ്പ​ർ ടി​ക്ക​റ്റ് മെ​ഷീ​ൻ: ന​മ്മ മെ​ട്രോ വി​റ്റ​ത് 4500 ടി​ക്ക​റ്റു​ക​ൾ

ബം​​ഗ​ളൂ​രു: ഏ​പ്രി​ൽ നാ​ലി​ന് പ​രീ​ക്ഷ​ണാ​ടി​സ്ഥാ​ന​ത്തി​ൽ എം.​ജി റോ​ഡ്, ക​ബ്ബ​ൺ പാ​ർ​ക്ക് മെ​ട്രോ സ്റ്റേ​ഷ​നു​ക​ളി​ൽ സ്ഥാ​പി​ച്ച ക്യൂ.​ആ​ർ പേ​പ്പ​ർ ടി​ക്ക​റ്റ് മെ​ഷീ​ൻ വ​ഴി ന​മ്മ മെ​ട്രോ ഇ​തു​വ​രെ വി​റ്റ​ത് 4500 ടി​ക്ക​റ്റു​ക​ൾ.

തി​ര​ക്കു​ള്ള സ​മ​യ​ങ്ങ​ളി​ൽ ടി​ക്ക​റ്റ് കൗ​ണ്ട​റു​ക​ളി​ലെ നീ​ണ്ട ക്യൂ ​ഒ​ഴി​വാ​ക്കു​ന്ന​തി​നാ​യാ​ണ് യാ​ത്ര​ക്കാ​ർ​ക്ക് സ്വ​ന്തം നി​ല​ക്ക് ത​ന്നെ ടി​ക്ക​റ്റ് എ​ടു​ക്കാ​വു​ന്ന ക്യൂ. ​ആ​ർ പേ​പ്പ​ർ ടി​ക്ക​റ്റ് മെ​ഷീ​നു​ക​ൾ സ്ഥാ​പി​ച്ച​ത്. ചി​ന്ന​സ്വാ​മി സ്റ്റേ​ഡി​യ​ത്തി​ലെ ഐ.​പി.​എ​ൽ ക​ളി​ക​ൾ ന​ട​ക്കു​ന്ന ദി​വ​സ​ങ്ങ​ളി​ലെ തി​ര​ക്ക് കൂ​ടെ പ​രി​​ഗ​ണി​ച്ചാ​ണ് ക​ളി​ക​ൾ തു​ട​ങ്ങു​ന്ന​തി​നു​മു​മ്പ് ഇ​വ പ​രീ​ക്ഷ​ണാ​ടി​സ്ഥാ​ന​ത്തി​ൽ തു​ട​ങ്ങി​യ​ത്.

ഏ​റെ ജ​ന​പ്രി​യ​മാ​യ​തോ​ടെ തി​ര​ക്കു​ള്ള മ​റ്റു സ്റ്റേ​ഷ​നു​ക​ളി​ലും ക്യൂ.​ആ​ർ പേ​പ്പ​ർ ടി​ക്ക​റ്റ് മെ​ഷീ​ൻ സ്ഥാ​പി​ക്കു​മെ​ന്ന് മെ​ട്രോ ഉ​ദ്യോ​​ഗ​സ്ഥ​ർ പ​റ​ഞ്ഞു. മൊ​ബൈ​ൽ ക്യൂ.​ആ​ർ കോ​ഡ് ടി​ക്ക​റ്റു​ക​ളും ഏ​റെ ജ​ന​പ്രി​യ​മാ​ണെ​ന്നും ഈ ​വാ​രാ​ന്ത്യ​ങ്ങ​ളി​ൽ ഇ​വ​യു​ടെ ബു​ക്കി​ങ് ഒ​രു ല​ക്ഷം ക​ട​ന്നെ​ന്നും ബി.​എം.​ആ​ർ.​സി.​എ​ൽ ഓ​പ​റേ​ഷ​ൻ​സ് എ​ക്സി​ക്യൂ​ട്ടി​വ് ഡ​യ​റ​ക്ട​ർ എ​സ്. ശ​ങ്ക​ർ പ​റ​ഞ്ഞു.

ക്യൂ.​ആ​ർ പേ​പ്പ​ർ ടി​ക്ക​റ്റ് മെ​ഷീ​നി​ൽ ടി​ക്ക​റ്റെ​ടു​ക്കു​ന്ന​തി​ങ്ങ​നെ:

ഭാ​ഷ തി​ര​ഞ്ഞെ​ടു​ത്ത​തി​നു​ശേ​ഷം പു​റ​പ്പെ​ടേ​ണ്ട​തും എ​ത്തി​ച്ചേ​രേ​ണ്ട​തു​മാ​യ സ്റ്റേ​ഷ​നു​ക​ൾ ന​ൽ​കു​ക. തു​ട​ർ​ന്ന് യാ​ത്ര ചെ​യ്യു​ന്ന​വ​രു​ടെ എ​ണ്ണം ന​ൽ​കി​യ ശേ​ഷം യു.​പി.​ഐ വ​ഴി പ​ണ​മ​ട​ച്ച് ടി​ക്ക​റ്റ് കൈ​പ്പ​റ്റു​ക.