റമദാൻ സംഗമം ഏപ്രിൽ രണ്ടിന് നാലപ്പാട് പവിലിയനിൽ

ബംഗളൂരു: ബംഗളൂരു മലയാളികളുടെ ഏറ്റവും വലിയ ഇഫ്താർ കൂട്ടായ്മയായ റമദാൻ സംഗമം ഏപ്രിൽ രണ്ട് ഞായറാഴ്ച പാലസ് ഗ്രൗണ്ടിലെ നാലപ്പാട് പവിലിയനിൽ നടക്കും. ഇരുപത്തിമൂന്നാം വാർഷികം പൂർത്തിയാക്കുന്ന റമദാൻ സംഗമത്തിൽ വൈവിധ്യമാർന്ന പരിപാടികൾ സംഘടിപ്പിക്കും.

സാമൂഹിക-സംസ്കാരിക-മത രംഗത്തെ പ്രമുഖർ സംബന്ധിക്കും. ജനറൽ കൺവീനറായി അസ്‍ലം അബ്ദുൽ റഹീമിനെ തിരഞ്ഞെടുത്തു. കല-സാംസ്കാരിക വൈജ്ഞാനിക പരിപാടികൾ സമന്വയിപ്പിച്ചാണ് റമദാൻ സംഗമം സംഘടിപ്പിക്കുന്നതെന്ന് ജമാഅത്തെ ഇസ്‍ലാമി കേരള ബംഗളൂരു മേഖല പ്രസിഡന്റ് റഹീം കോട്ടയം പറഞ്ഞു.