സു​ള്ള്യ​യി​ൽ കോ​ൺ​ഗ്ര​സ് നേ​താ​വി​ന്റെ വീ​ട്ടിൽ ക​വ​ർ​ച്ച; പ്ര​തി​ക​ൾ അ​റ​സ്റ്റി​ൽ

മം​ഗ​ളൂ​രു: ദ​ക്ഷി​ണ ക​ന്ന​ട ജി​ല്ല​യി​ലെ സു​ള്ള്യ അ​റ​മ്പൂ​റു​വി​ൽ കോ​ൺ​ഗ്ര​സ് നേ​താ​വും സു​ള്ള്യ ടൗ​ൺ പ​ഞ്ചാ​യ​ത്ത് മു​ൻ പ്ര​സി​ഡ​ന്റു​മാ​യ എ​സ്. ശം​സു​ദ്ദീ​ന്റെ വീ​ട്ടി​ൽ ക​വ​ർ​ച്ച ന​ട​ത്തി​യ കേ​സി​ൽ ര​ണ്ട് പ്ര​തി​ക​ളെ പൊ​ലീ​സ് അ​റ​സ്റ്റ് ചെ​യ്തു. സ​ക് ലേ​ഷ്പു​ര​ത്തു​നി​ന്ന് കെ.​വി. ഫ​യാ​സും (51) ബം​ഗ​ളൂ​രു ഗോ​വി​ന്ദ് ന​ഗ​റി​ൽ​നി​ന്ന് പി. ​പ്ര​സ​ന്ന​നും (53) ആ​ണ് അ​റ​സ്റ്റി​ലാ​യ​ത്.

ക​ഴി​ഞ്ഞ മാ​സ​മാ​ണ് ക​വ​ർ​ച്ച ന​ട​ന്ന​ത്. വീ​ട് പൂ​ട്ടി മം​ഗ​ളൂ​രു​വി​ൽ ച​ട​ങ്ങി​ൽ പ​ങ്കെ​ടു​ക്കാ​ൻ പോ​യ​താ​യി​രു​ന്നു ശം​സു​ദ്ദീ​നും കു​ടും​ബ​വും. ര​ണ്ടു ദി​വ​സം ക​ഴി​ഞ്ഞ് തി​രി​ച്ചെ​ത്തി​യ​പ്പോ​ഴാ​ണ് സ്വ​ർ​ണ​വും പ​ണ​വും ന​ഷ്ട​പ്പെ​ട്ട​ത് അ​റി​ഞ്ഞ​ത്.

ക​വ​ർ​ച്ച​ക്കാ​രു​ടെ മൊ​ഴി പൊ​ലീ​സ് ന​ൽ​കു​ന്ന​ത് ഇ​ങ്ങ​നെ: ശം​സു​ദ്ദീ​ന്റെ വീ​ട്ടി​ൽ ക​വ​ർ​ച്ച ന​ട​ത്താ​ൻ അ​റ​സ്റ്റി​ലാ​യ​വ​ർ​ക്ക് ഉ​ദ്ദേ​ശ്യം ഉ​ണ്ടാ​യി​രു​ന്നി​ല്ല. കാ​സ​ർ​കോ​ട്ട് കേ​സി​ൽ കു​ടു​ങ്ങി​യ കൂ​ട്ടാ​ളി വ​ക്കീ​ൽ ഫീ​സി​ന് വ​ക​യി​ല്ലാ​തെ വി​ഷ​മി​ക്കു​ന്നു​വെ​ന്ന​റി​ഞ്ഞ് പ​ണം സം​ഘ​ടി​പ്പി​ക്കാ​ൻ വ​ഴി തേ​ടി​യു​ള്ള യാ​ത്ര​ക്കി​ട​യി​ലാ​ണ് ഒ​രു വീ​ടി​ന്റെ ഗേ​റ്റി​ൽ പ​ത്ര​ങ്ങ​ൾ അ​തേ​പ​ടി കി​ട​ക്കു​ന്ന​ത് ക​ണ്ട​ത്. ഉ​ട​മ​സ്ഥ​ൻ വീ​ട് പൂ​ട്ടി പോ​യ​താ​ണെ​ന്ന് മ​ന​സ്സി​ലാ​യി. അ​വി​ടെ ക​യ​റി മോ​ഷ്ടി​ച്ച് കൂ​ട്ടു​കാ​ര​നെ സ​ഹാ​യി​ക്കാ​ൻ പ​ണം ക​ണ്ടെ​ത്തി. ഇ​രു​വ​രും വി​വി​ധ സ്ഥ​ല​ങ്ങ​ളി​ൽ 30 ക​വ​ർ​ച്ച​ക്കേ​സു​ക​ളി​ൽ പ്ര​തി​യാ​ണെ​ന്ന് പൊ​ലീ​സ് പ​റ​ഞ്ഞു.