സിദ്ധരാമയ്യ, ബൊമ്മൈ, ഷെട്ടാർ... പത്രിക സമർപ്പിച്ച് പ്രമുഖർ

ബം​ഗ​ളൂ​രു: മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ, മു​ൻ മു​ഖ്യ​മ​ന്ത്രി​മാ​രാ​യ സി​ദ്ധ​രാ​മ​യ്യ, ജ​ഗ​ദീ​ഷ് ഷെ​ട്ടാ​ർ തു​ട​ങ്ങി​യ​വ​ർ ബു​ധ​നാ​ഴ്ച നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ച്ചു. ഹാ​വേ​രി​യി​ലെ ഷി​ഗ്ഗോ​ൺ മ​ണ്ഡ​ല​ത്തി​ൽ ബി.​ജെ.​പി ദേ​ശീ​യ അ​ധ്യ​ക്ഷ​ൻ ജെ.​പി. ന​ഡ്ഡ, ക​ന്ന​ഡ ന​ട​ൻ കി​ച്ച സു​ദീ​പ് എ​ന്നി​വ​ർ​ക്കൊ​പ്പ​മെ​ത്തി​യാ​ണ് ബൊ​മ്മൈ പ​ത്രി​ക ന​ൽ​കി​യ​ത്. തു​ട​ർ​ന്ന് ന​ഗ​ര​ത്തി​ൽ വ​ൻ റാ​ലി​യും ന​ട​ത്തി. 2008 മു​ത​ൽ മ​ണ്ഡ​ല​ത്തെ പ്ര​തി​നി​ധീ​ക​രി​ക്കു​ക​യാ​ണ് ബൊ​മ്മൈ. ഏ​പ്രി​ൽ 15ന് ​മു​ഹൂ​ർ​ത്ത സ​മ​യം നോ​ക്കി അ​ദ്ദേ​ഹം ഒ​രു സെ​റ്റ് പ​ത്രി​ക സ​മ​ർ​പ്പി​ച്ചി​രു​ന്നു.

മൈ​സൂ​രു​വി​ലെ വ​രു​ണ മ​ണ്ഡ​ല​ത്തി​ൽ​നി​ന്ന് മ​ത്സ​രി​ക്കു​ന്ന സി​ദ്ധ​രാ​മ​യ്യ മ​ക​നും സി​റ്റി​ങ് എം.​എ​ൽ.​എ​യു​മാ​യ യ​തീ​ന്ദ്ര​ക്കും അ​ണി​ക​ൾ​ക്കു​മൊ​പ്പ​മെ​ത്തി​യാ​ണ് പ​ത്രി​ക ന​ൽ​കി​യ​ത്. എ​ട്ടു​ത​വ​ണ നി​യ​മ​സ​ഭ​യി​ലെ​ത്തി​യ 75 കാ​ര​നാ​യ സി​ദ്ധ​രാ​മ​യ്യ ഇ​ത് അ​വ​സാ​ന തെ​ര​ഞ്ഞെ​ടു​പ്പാ​ണെ​ന്ന് പ്ര​ഖ്യാ​പി​ച്ചു.

ര​ണ്ടു ദി​വ​സം​മു​മ്പ് കോ​ൺ​ഗ്ര​സി​ലെ​ത്തി​യ ജ​ഗ​ദീ​ഷ് ഷെ​ട്ടാ​ർ മു​തി​ർ​ന്ന കോ​ൺ​ഗ്ര​സ് നേ​താ​ക്ക​ളാ​യ എം.​ബി. പാ​ട്ടീ​ൽ, ആ​ർ.​വി. ദേ​ശ് പാ​ണ്ഡെ എ​ന്നി​വ​ർ​ക്കൊ​പ്പ​മെ​ത്തി​യാ​ണ് ഹു​ബ്ബ​ള്ളി- ധാ​ർ​വാ​ഡ് സെ​ൻ​ട്ര​ലി​ൽ പ​ത്രി​ക ന​ൽ​കി​യ​ത്. അ​ദ്ദേ​ഹ​ത്തി​ന്റെ പ്ര​തി​യോ​ഗി ബി.​ജെ.​പി സ്ഥാ​നാ​ർ​ഥി മ​ഹേ​ഷ് തെ​ങ്കി​ൻ​കൈ​യും മ​ണ്ഡ​ല​ത്തി​ൽ​നി​ന്ന് പ​ത്രി​ക സ​മ​ർ​പ്പി​ച്ചു. ശി​വ​മൊ​ഗ്ഗ​യി​ലെ ശി​ക്കാ​രി​പു​ര​യി​ൽ ബി.​എ​സ്. യെ​ദി​യൂ​ര​പ്പ​യു​ടെ മ​ക​ൻ ബി.​വൈ. വി​ജ​യേ​ന്ദ്ര പ​ത്രി​ക സ​മ​ർ​പ്പി​ച്ചു. മ​ക​നോ​ടൊ​പ്പം യെ​ദി​യൂ​ര​പ്പ​യും എ​ത്തി​യി​രു​ന്നു. തു​ട​ർ​ന്ന് ഇ​രു​വ​രും റാ​ലി​യി​ൽ പ​​ങ്കെ​ടു​ത്തു. തി​ങ്ക​ളാ​ഴ്ച​യും ഒ​രു ​സെ​റ്റ് പ​ത്രി​ക വി​ജ​യേ​ന്ദ്ര സ​മ​ർ​പ്പി​ച്ചി​രു​ന്നു. മു​ൻ ഉ​പ​മു​ഖ്യ​മ​ന്ത്രി​യും കോ​ൺ​ഗ്ര​സ് നേ​താ​വു​മാ​യ ജി. ​പ​ര​മേ​ശ്വ​ര തു​മ​കു​രു​വി​ലെ കൊ​ര​ട്ട​ഗ​രെ​യി​ൽ പ​ത്രി​ക ന​ൽ​കി. അ​നു​യാ​യി​ക​ളു​ടെ വ​ൻ റാ​ലി​യും അ​ര​ങ്ങേ​റി.

ബം​ഗ​ളൂ​രു സി​റ്റി മു​ൻ പൊ​ലീ​സ് ക​മീ​ഷ​ണ​റും ബി.​ജെ.​പി​യു​ടെ ചാ​മ​രാ​ജ്പേ​ട്ട് മ​ണ്ഡ​ല​ത്തി​ലെ സ്ഥാ​നാ​ർ​ഥി​യു​മാ​യ ഭാ​സ്ക​ർ റാ​വു പാ​ർ​ട്ടി ദേ​ശീ​യ ജ​ന​റ​ൽ​ സെ​ക്ര​ട്ട​റി അ​രു​ൺ​സി​ങ്ങി​നൊ​പ്പം എ​ത്തി​യാ​ണ് പ​ത്രി​ക സ​മ​ർ​പ്പി​ച്ച​ത്. മ​ന്ത്രി വി. ​സു​നി​ൽ കു​മാ​ർ (ക​ർ​ക്ക​ല), വി. ​സോ​മ​ണ്ണ (ചാ​മ​രാ​ജ് ന​ഗ​ർ), എം.​എ​ൽ.​എ എ​സ്.​ആ​ർ. വി​ശ്വ​നാ​ഥ് (യെ​ല​ഹ​ങ്ക), കോ​ൺ​ഗ്ര​സ് നേ​താ​ക്ക​ളാ​യ പ്രി​യ കൃ​ഷ്ണ (ഗോ​വി​ന്ദ​രാ​ജ ന​ഗ​ർ), ര​ഘു​നാ​ഥ് നാ​യി​ഡു (പ​ത്മ​നാ​ഭ ന​ഗ​ർ) തു​ട​ങ്ങി​യ​വ​രും പ​ത്രി​ക ന​ൽ​കി.

ബം​ഗ​ളൂ​രു സ​ർ​വ​ജ്ഞ ന​ഗ​റി​ൽ​നി​ന്ന് മ​ത്സ​രി​ക്കു​ന്ന മ​ല​യാ​ളി​യും സി​റ്റി​ങ് എം.​എ​ൽ.​എ​യു​മാ​യ കെ.​ജെ. ജോ​ർ​ജ് ക​ഴി​ഞ്ഞ​ദി​വ​സം പ​ത്രി​ക ന​ൽ​കി​യി​രു​ന്നു. ശാ​ന്തി​ന​ഗ​ർ മ​ണ്ഡ​ല​ത്തി​ൽ​നി​ന്നു​ള്ള മ​ല​യാ​ളി എം.​എ​ൽ.​എ എ​ൻ.​എ. ഹാ​രി​സ് വ്യാ​ഴാ​ഴ്ച പ​ത്രി​ക സ​മ​ർ​പ്പി​ക്കും. രാ​വി​ലെ 10ന് ​മ​യോ ഹാ​ളി​ൽ റി​ട്ടേ​ണി​ങ് ഓ​ഫി​സ​ർ ഗാ​യ​ത്രി നാ​യ​ക് മു​മ്പാ​കെ​യാ​ണ് പ​ത്രി​ക സ​മ​ർ​പ്പി​ക്കു​ക.

ശാ​ന്തി​ന​ഗ​ർ നി​യോ​ജ​ക മ​ണ്ഡ​ല​ത്തി​ൽ നി​ന്ന് തു​ട​ർ​ച്ച​യാ​യി ഇ​ത് നാ​ലാം ത​വ​ണ​യാ​ണ് അ​ദ്ദേ​ഹം മ​ത്സ​രി​ക്കു​ന്ന​ത്. പ​ത്രി​ക സ​മ​ർ​പ്പി​ക്കാ​നു​ള്ള അ​വ​സാ​ന തീ​യ​തി വ്യാ​ഴാ​ഴ്ച​യാ​ണെ​ന്നി​രി​ക്കെ ഇ​ന്ന് കൂ​ടു​ത​ൽ പേ​ർ പ​ത്രി​ക സ​മ​ർ​പ്പി​ക്കും.