അനുസ്മരണവും ആത്മീയ സംഗമവും

ബംഗളൂരു: എസ്.കെ.എസ്.എസ്.എഫ് ഇബാദ് ബംഗളൂരു കമ്മിറ്റിക്ക് കീഴിൽ ശംസുൽ ഉലമ അനുസ്മരണവും ആത്മീയ സംഗമവും ബൊമ്മനഹള്ളി മഹ്മൂദിയ്യ മസ്ജിദിൽ സംഘടിപ്പിച്ചു. ഇ.കെ. അബൂബക്കർ മുസ്‌ലിയാർ സമൂഹത്തിന് നൽകിയ സേവനം നിസ്തുലവും ആദർശരംഗത്ത് സമൂഹത്തിന്റെ സഞ്ചാരപാതയിലെ വഴിവിളക്കുമായിരുന്നുവെന്ന് അനുസ്മരണ പ്രഭാഷണം നടത്തിയ മുഖ്യാതിഥി അബ്ദുൽ വഹാബ് ഹൈതമി പറഞ്ഞു. ഇബാദ് ചെയർമാൻ യൂസുഫ് ഫൈസി അധ്യക്ഷതവഹിച്ചു. എസ്.കെ.എസ്.എസ്.എഫ് കർണാടക പ്രസിഡന്റ് റഫീഖ് ഹുദവി കോലാർ ഉദ്ഘാടനംചെയ്തു.

ദേശീയ കമ്മിറ്റി ജനറൽ സെക്രട്ടറി അസ്‌ലം ഫൈസി ആമുഖ പ്രഭാഷണം നടത്തി. ഇബാദ് കൺവീനർ സിറാജുദ്ദീൻ നദ്‌വി സ്വാഗതം പറഞ്ഞു. എസ്.കെ.എസ്.എസ്.എഫ് ജില്ല പ്രസിഡന്‍റ് കെ. ജുനൈദ്, ജനറൽ സെക്രട്ടറി കെ.കെ. സലീം, ബൊമ്മനഹള്ളി മഹല്ല് ജനറൽ സെക്രട്ടറി സി.കെ. നൗഷാദ്, മഹല്ല് ഖത്തീബ് മുസ്തഫ ഹുദവി, സമദ് മൗലവി, സി.എച്ച്. ഷാജൽ, സ്വാദിഖ് യഹ്‌യ, ഉമറുൽ ഫാറൂഖ് അർശദി, നൗഷാദ് ഹുദവി, റഫീഖ്, യാകൂബ്, അശ്റഫ് വാഫി, റബീഅ് ഫൈസി തുടങ്ങിയവർ സംബന്ധിച്ചു.