ന​ഗ​ര​ത്തി​ൽ സ്കൈ​ബ​സ് പ​ദ്ധ​തി: സാ​ധ്യ​ത പ​ഠ​ന റി​പ്പോ​ർ​ട്ട് തേ​ടും - നി​തി​ൻ ഗ​ഡ്ക​രി

ബം​ഗ​ളൂ​രു: ബം​ഗ​ളൂ​രു ന​ഗ​ര​ത്തി​ലെ ഗ​താ​ഗ​ത​ത്തി​ര​ക്ക് കു​റ​ക്കാ​ൻ സ്കൈ ​ബ​സ് പ​ദ്ധ​തി​ക്ക് ക​ഴി​യു​മെ​ന്നും ഇ​തു​സം​ബ​ന്ധി​ച്ച സാ​ധ്യ​താ പ​ഠ​ന റി​പ്പോ​ർ​ട്ട് അ​ന്താ​രാ​ഷ്ട്ര ക​മ്പ​നി​ക​ളി​ൽ​നി​ന്ന് മൂ​ന്നു​മാ​സ​ത്തി​ന​കം തേ​ടു​മെ​ന്നും കേ​ന്ദ്ര റോ​ഡ്- ഗ​താ​ഗ​ത മ​ന്ത്രി നി​തി​ൻ ഗ​ഡ്ക​രി പ​റ​ഞ്ഞു. 'മ​ന്ദ​ൻ- ആ​ശ​യ​ത്തി​ൽ​നി​ന്ന് ക​ർ​മ​പ​ഥ​ത്തി​ലേ​ക്ക്' എ​ന്ന ത​ല​ക്കെ​ട്ടി​ൽ ബം​ഗ​ളൂ​രു​വി​ൽ സം​ഘ​ടി​പ്പി​ച്ച ദ്വി​ദി​ന പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഐ.​ടി ഹ​ബ്ബാ​യ ബം​ഗ​ളൂ​രു​വി​ലെ ഗ​താ​ഗ​ത​ത്തി​ര​ക്ക് കു​റ​ക്കു​ന്ന​തി​നാ​വ​ശ്യ​മാ​യ പ​രി​ഹാ​രം തേ​ടു​ക​യാ​ണ്. സ്കൈ ​ബ​സു​ക​ളി​ൽ ഒ​രു ല​ക്ഷം പേ​രെ യാ​ത്ര​ചെ​യ്യാ​ൻ സാ​ധി​പ്പി​ച്ചാ​ൽ അ​ത് റോ​ഡ് ഗ​താ​ഗ​ത​ക്കു​രു​ക്ക് ഗ​ണ്യ​മാ​യി കു​റ​ക്കു​മെ​ന്ന് അ​ദ്ദേ​ഹം പ​റ​ഞ്ഞു. അ​പ്ര​തീ​ക്ഷി​ത​മാ​യി പെ​യ്ത ക​ന​ത്ത മ​ഴ​യി​ലു​ണ്ടാ​യ പ്ര​ള​യ​മാ​ണ് ബം​ഗ​ളൂ​രു- മൈ​സൂ​രു ഹൈ​വേ​യെ ത​ട​സ്സ​പ്പെ​ടു​ത്തി​യ​ത്.

അ​ഞ്ചു​വ​ർ​ഷ​ത്തെ ശ​രാ​ശ​രി മ​ഴ​യു​ടെ ക​ണ​ക്ക് പ​രി​ഗ​ണി​ച്ച് പാ​ത വി​ഭാ​വ​നം ചെ​യ്യു​മെ​ന്നും പ​ണി പൂ​ർ​ത്തി​യാ​യാ​ൽ ഉ​ദ്ഘാ​ട​ന​ത്തി​ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ സ​മ​യം തേ​ടു​മെ​ന്നും ഗ​ഡ്ക​രി പ​റ​ഞ്ഞു. ഗോ​ര​ഗു​ണ്ഡെ പാ​ള​യ​യി​ൽ​നി​ന്നാ​രം​ഭി​ക്കു​ന്ന ദേ​ശീ​യ​പാ​ത വി​ക​സി​പ്പി​ക്കു​മെ​ന്നും ഈ ​പാ​ത​യി​ലെ കേ​ബി​ളു​ക​ൾ നീ​ക്കാ​ൻ ഏ​ജ​ൻ​സി​യെ നി​ശ്ച​യി​ക്കു​മെ​ന്നും മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ പ​റ​ഞ്ഞു.

സാ​റ്റ​ലൈ​റ്റ് ടൗ​ൺ റി​ങ് റോ​ഡ് (എ​സ്.​ടി.​ആ​ർ.​ആ​ർ) പ​ദ്ധ​തി​ക്ക് അ​നു​മ​തി ന​ൽ​കാ​മെ​ന്ന് അ​റി​യി​ച്ചി​ട്ടു​ണ്ട്. മൈ​സൂ​രു- ബം​ഗ​ളൂ​രു ഹൈ​വേ​യി​ലെ അ​ടി​പ്പാ​ത​ക​ളി​ലെ ഡ്രെ​യി​നേ​ജ് സം​വി​ധാ​നം പു​നഃ​പ​രി​ശോ​ധി​ക്കും. ആ​വ​ശ്യ​മെ​ങ്കി​ൽ അ​വ വി​ക​സി​പ്പി​ക്കും. ദേ​ശീ​യ​പാ​ത​ക​ളി​ലെ ഗ​താ​ഗ​ത​ത്തി​ര​ക്ക് കൂ​ടി​യ ഇ​ട​ങ്ങ​ളി​ൽ മേ​ൽ​പാ​ല​ങ്ങ​ളും അ​ടി​പ്പാ​ത​ക​ളും നി​ർ​മി​ക്കേ​ണ്ട​തു​ണ്ട്. ആ​കാ​ശ ന​ട​പ്പാ​ത​ക​ൾ​ക്കു​ള്ള സ്ഥ​ല​ങ്ങ​ൾ ക​ണ്ടെ​ത്ത​ണം. സം​സ്ഥാ​ന​ത്തെ റോ​ഡു​ക​ളു​മാ​യി ബ​ന്ധ​പ്പെ​ട്ട മി​ക്ക പ​ദ്ധ​തി​ക​ളും അ​ടി​യ​ന്ത​ര സ്വ​ഭാ​വ​ത്തി​ലാ​ണ് കേ​ന്ദ്ര​മ​ന്ത്രി​യു​മാ​യി ച​ർ​ച്ച ചെ​യ്ത​തെ​ന്നും ബൊ​മ്മെ അ​റി​യി​ച്ചു.