ശോഭസിറ്റി മലയാളി അസോ. ഓണാഘോഷം

ബംഗളൂരു: ഹെഗ്ഡെനഗർ ശോഭസിറ്റി മലയാളി അസോസിയേഷന്‍റെ നേതൃത്വത്തിൽ ശോഭസിറ്റിയിൽ 'ശോഭനം 2022' എന്ന പേരിൽ ഓണാഘോഷം നടത്തി. അസോസിയേഷൻ പ്രസിഡന്‍റ് നാരായണൻ നമ്പൂതിരി ഉദ്ഘാടനം ചെയ്തു.

മാവേലി ഘോഷയാത്രയോടെ പരിപാടി തുടങ്ങി. ഘോഷയാത്രയിൽ പുലികളി , കോൽക്കളി, കളരിപ്പയറ്റ്, പഞ്ചാരിമേളം, താലപ്പൊലി എന്നിവ അണിനിരന്നു. അംഗങ്ങളുടെയും കുട്ടികളുടെയും കലാപരിപാടികൾ നടന്നു.

തിരുവാതിരക്കളി വഞ്ചിപ്പാട്ട്, മാർഗം കളി, മോഹിനിയാട്ടം, ദഫ് മുട്ട്, സോപാനസംഗീതം, ഒപ്പന, കൊയ്ത്തുപാട്ട്, കഥകളി, രാജാരവിവർമ ചിത്രത്തെ ആസ്പദമാക്കിയുള്ള ഫാഷൻ ഷോയും, ഗാനമേളയും അരങ്ങേറി. കായികമത്സരങ്ങളും നടത്തി . ഓണസദ്യയും ഉണ്ടായിരുന്നു.