ജ്ഞാ​ന​ഭാ​ര​തി കാ​മ്പ​സി​ൽ ബ​സി​ല്‍നി​ന്ന് വീ​ണ് പരിക്കേ​റ്റ വി​ദ്യാ​ര്‍ഥി​നി മ​രി​ച്ചു

ബം​ഗ​ളൂ​രു: ബാം​ഗ്ലൂ​ർ സ​ര്‍വ​ക​ലാ​ശാ​ല ജ്ഞാ​ന​ഭാ​ര​തി കാ​മ്പ​സി​ല്‍ ബി.​എം.​ടി.​സി ബ​സ​പ​ക​ട​ത്തി​ല്‍ പ​രി​ക്കേ​റ്റ വി​ദ്യാ​ര്‍ഥി​നി മ​രി​ച്ചു. എം.​എ​സ്.​സി വി​ദ്യാ​ര്‍ഥി​നി​യാ​യ കോ​ലാ​ര്‍ ബം​ഗാ​ര്‍പേ​ട്ട് സ്വ​ദേ​ശി​നി ശി​ല്‍പ​ശ്രീ​യാ​ണ് (22) ഞാ​യ​റാ​ഴ്ച പു​ല​ര്‍ച്ച മ​രി​ച്ച​ത്.

ഈ ​മാ​സം 10നാ​യി​രു​ന്നു അ​പ​ക​ടം. ബ​സി​ൽ ക​യ​റു​ന്ന​തി​നി​ടെ ബ​സ് മു​ന്നോ​ട്ടെ​ടു​ത്ത​തോ​ടെ വി​ദ്യാ​ർ​ഥി​നി റോ​ഡി​ൽ വീ​ഴു​ക​യാ​യി​രു​ന്നു. അ​പ​ക​ട​ത്തെ​ത്തു​ട​ര്‍ന്ന് കാ​മ്പ​സി​ലൂ​ടെ​യു​ള്ള പൊ​തു​ഗ​താ​ഗ​തം നി​രോ​ധി​ക്ക​ണ​മെ​ന്നാ​വ​ശ്യ​പ്പെ​ട്ട് വി​ദ്യാ​ര്‍ഥി​ക​ളു​ടെ നേ​തൃ​ത്വ​ത്തി​ല്‍ പ്ര​തി​ഷേ​ധം അ​ര​ങ്ങേ​റി​യി​രു​ന്നു. നി​ര​ന്ത​രം അ​പ​ക​ട​ങ്ങ​ളു​ണ്ടാ​കു​ന്ന​തും വി​ദ്യാ​ര്‍ഥി​ക​ളു​ടെ ജീ​വ​ന് ഭീ​ഷ​ണി​യാ​കു​ന്ന​തും ചൂ​ണ്ടി​ക്കാ​ട്ടി​യാ​യി​രു​ന്നു പ്ര​തി​ഷേ​ധം.

ശി​ല്‍പ​ശ്രീ​യു​ടെ കു​ടും​ബ​ത്തി​ന് സാ​ഹാ​യ​ധ​നം അ​നു​വ​ദി​ക്ക​ണ​മെ​ന്നും കു​ടും​ബ​ത്തി​ലെ ഒ​രാ​ള്‍ക്ക് സ​ര്‍ക്കാ​ര്‍ ജോ​ലി ന​ല്‍ക​ണ​മെ​ന്നും വി​ദ്യാ​ർ​ഥി സം​ഘ​ട​ന പ്ര​തി​നി​ധി​ക​ള്‍ ആ​വ​ശ്യ​പ്പെ​ട്ടു.

ദീ​പാ​വ​ലി അ​വ​ധി​ക്കു​ശേ​ഷം ക്ലാ​സ് തു​ട​ങ്ങു​മ്പോ​ള്‍ പ്ര​തി​ഷേ​ധം വീ​ണ്ടും തു​ട​രു​മെ​ന്നും അ​വ​ർ അ​റി​യി​ച്ചു.

എ​ന്നാ​ൽ, കാ​മ്പ​സി​ലൂ​ടെ​യു​ള്ള പൊ​തു​ഗ​താ​ഗ​തം നി​യ​ന്ത്രി​ക്കു​ന്ന​തി​ല്‍ സ​ര്‍ക്കാ​റാ​ണ് തീ​രു​മാ​ന​മെ​ടു​ക്കേ​ണ്ട​തെ​ന്ന് ട്രാ​ഫി​ക് പൊ​ലീ​സ് പ​റ​യു​ന്നു. മൈ​സൂ​രു റോ​ഡി​ല്‍നി​ന്ന് ബം​ഗ​ളൂ​രു സൗ​ത്തി​ലെ വി​വി​ധ ഭാ​ഗ​ങ്ങ​ളി​ലേ​ക്ക് എ​ളു​പ്പ​ത്തി​ല്‍ എ​ത്താ​നാ​ണ് കാ​മ്പ​സി​ലൂ​ടെ​യു​ള്ള റോ​ഡ് ഉ​പ​യോ​ഗി​ക്കു​ന്ന​ത്. വി​ദ്യാ​ര്‍ഥി​ക​ളു​ടെ പ്ര​തി​ഷേ​ധ​ത്തി​നു​ശേ​ഷം റോ​ഡി​ല്‍ സ്പീ​ഡ് ഗ​വേ​ണ​റു​ക​ളും ഹ​മ്പു​ക​ളും സ്ഥാ​പി​ച്ച​താ​യി ട്രാ​ഫി​ക് പൊ​ലീ​സ് വ്യ​ക്ത​മാ​ക്കി.