വേനൽ കനക്കുന്നു; 17 ജില്ലകൾ കുടിവെള്ളക്ഷാമ ഭീഷണിയിൽ

ബം​ഗ​ളൂ​രു: സം​സ്ഥാ​ന​ത്ത്​ വേ​ന​ൽ ക​ന​ക്കു​ന്ന​തോ​ടെ 17 ജി​ല്ല​ക​ൾ കു​ടി​വെ​ള്ള​ക്ഷാ​മ ഭീ​ഷ​ണി​യി​ൽ. ഏ​പ്രി​ലോ​ടെ​യാ​കും ഇ​വി​ടെ കു​ടി​വെ​ള്ള​ക്ഷാ​മം രൂ​ക്ഷ​മാ​വു​ക. സ​ര്‍ക്കാ​ര്‍ സ്ഥാ​പ​ന​മാ​യ ബം​ഗ​ളൂ​രു​വി​ലെ എ​ന്‍വ​യേ​ണ്‍മെ​ന്റ​ല്‍ മാ​നേ​ജ്‌​മെ​ന്റ് ആ​ന്‍ഡ് പോ​ളി​സി റി​സ​ര്‍ച്​ പു​റ​ത്തു​വി​ട്ട റി​പ്പോ​ര്‍ട്ടി​ലാ​ണ്​ ഇ​ക്കാ​ര്യ​മു​ള്ള​ത്. സ്ഥി​ര​മാ​യി പ്ര​തി​സ​ന്ധി അ​നു​ഭ​വ​പ്പെ​ടു​ന്ന വ​ട​ക്ക​ന്‍ ക​ര്‍ണാ​ട​ക​യി​ലെ വി​വി​ധ ജി​ല്ല​ക​ളെ അ​പേ​ക്ഷി​ച്ച് ഇ​ക്കു​റി ബം​ഗ​ളൂ​രു റൂ​റ​ലി​നാ​ണ് വ​ലി​യ​തോ​തി​ല്‍ കു​ടി​വെ​ള്ള​ക്ഷാ​മ​മു​ണ്ടാ​കു​ക. ഭൂ​ഗ​ര്‍ഭ ജ​ല​നി​ര​പ്പ് കു​റ​ഞ്ഞ​തും കു​ടി​വെ​ള്ള വി​ത​ര​ണ സം​വി​ധാ​നം കാ​ര്യ​ക്ഷ​മ​മ​ല്ലാ​ത്ത​തു​മാ​ണ് കാ​ര​ണം.

റാ​യ്ച്ചൂ​ര്‍, ചി​ക്ക​ബെ​ല്ലാ​പു​ര, ക​ല​ബു​റ​ഗി, ഗ​ദ​ക്, കൊ​പ്പ​ൽ, വി​ജ​യ​പു​ര, ബി​ദ​ര്‍, ബെ​ള​ഗാ​വി, ബം​ഗ​ളൂ​രു അ​ര്‍ബ​ന്‍, കോ​ലാ​ര്‍, ബ​ഗ​ല്‍കോ​ട്ട് , ദാ​വ​ൻ​ഗ​രെ, യാ​ദ്ഗി​ര്‍, ചി​ത്ര​ദു​ര്‍ഗ, തു​മ​കു​രു, ഉ​ത്ത​ര ക​ന്ന​ഡ എ​ന്നി​വ​യാ​ണ് പ​ട്ടി​ക​യി​ലു​ള്ള മ​റ്റ് ജി​ല്ല​ക​ള്‍. ഇ​വ​യി​ല്‍ ഭൂ​രി​ഭാ​ഗം ജി​ല്ല​ക​ളി​ലും സ്ഥി​ര​മാ​യി വ​ര​ള്‍ച്ച​യു​ണ്ടാ​കാ​റു​ണ്ട്. എ​ന്നാ​ല്‍ നി​ല​വി​ലെ സാ​ഹ​ച​ര്യം പ​രി​ഗ​ണി​ക്കു​മ്പോ​ള്‍ ഇ​ത്ത​വ​ണ ജ​ല​ക്ഷാ​മം അ​തി​രൂ​ക്ഷ​മാ​കാ​നാ​ണ് സാ​ധ്യ​ത​യെ​ന്ന് അ​ധി​കൃ​ത​ര്‍ ചൂ​ണ്ടി​ക്കാ​ട്ടു​ന്നു. ക​ഴി​ഞ്ഞ​വ​ര്‍ഷം മി​ക​ച്ച മ​ഴ ല​ഭി​ച്ച​തോ​ടെ ഇ​ത്ത​വ​ണ വ​ര​ള്‍ച്ച​ക്ക്​ ഒ​രു പ​രി​ധി​വ​രെ​യെ​ങ്കി​ലും ശ​മ​ന​മു​ണ്ടാ​കു​മെ​ന്നാ​യി​രു​ന്നു പ്ര​തീ​ക്ഷ. എ​ന്നാ​ല്‍ വേ​ന​ല്‍ച്ചൂ​ട് വ​ര്‍ധി​ച്ച​ത് ഈ ​ക​ണ​ക്കു​കൂ​ട്ട​ൽ തെ​റ്റി​ച്ചു.

ചൂ​ട് കൂ​ടു​ന്ന സാ​ഹ​ച​ര്യ​ത്തി​ല്‍ വെ​ള്ളം ഉ​പ​യോ​ഗി​ക്കു​ന്ന​തി​ല്‍ ക​രു​ത​ല്‍ വേ​ണ​മെ​ന്ന് ബം​ഗ​ളൂ​രു വാ​ട്ട​ര്‍ സ​​​പ്ലൈ ആ​ന്‍ഡ് സു​വ​റി​ജ് ബോ​ര്‍ഡ് (ബി.ഡ​ബ്ല്യു.​എ​സ്.​എ​സ്.​ബി) മു​ന്ന​റി​യി​പ്പ്​ ന​ൽ​കി. ന​ഗ​ര​ത്തി​ല്‍ വി​ത​ര​ണം ചെ​യ്യു​ന്ന കാ​വേ​രി വെ​ള്ളം കു​ടി​ക്കാ​നും പാ​ച​ക​ത്തി​നും മാ​ത്രം ഉ​പ​യോ​ഗി​ക്ക​ണം. മ​റ്റു​കാ​ര്യ​ങ്ങ​ള്‍ക്ക് കു​ഴ​ല്‍ക്കി​ണ​റി​ല്‍ നി​ന്നു​ള്ള വെ​ള്ള​മോ മ​ലി​ന​ജ​ല ശു​ദ്ധീ​ക​ര​ണ പ്ലാ​ന്‍റി​ല്‍ നി​ന്നു​ള്ള വെ​ള്ള​മോ ഉ​പ​യോ​ഗി​ക്ക​ണം. നി​ല​വി​ല്‍ 1,450 മി​ല്യ​ണ്‍ ലി​റ്റ​ര്‍ കാ​വേ​രി വെ​ള്ള​മാ​ണ് ന​ഗ​ര​ത്തി​ല്‍ പ്ര​തി​ദി​നം വി​ത​ര​ണം ചെ​യ്യു​ന്ന​ത്. വേ​ന​ല്‍ ക​ന​ത്താ​ൽ ഇ​തേ അ​ള​വി​ല്‍ വെ​ള്ളം വി​ത​ര​ണം ചെ​യ്യാ​ൻ ക​ഴി​യാ​ത്ത സാ​ഹ​ച​ര്യം വ​രും.

ബി​ദ​ര്‍, ഗ​ദ​ക്, യാ​ദ്​​ഗി​ര്‍ ജി​ല്ല​ക​ളി​ലെ ചി​ല ഗ്രാ​മ​ങ്ങ​ളി​ല്‍ ഇ​തി​ന​കം കു​ടി​വെ​ള്ളം ടാ​ങ്ക​റു​ക​ളി​ലെ​ത്തി​ച്ചു തു​ട​ങ്ങി​യി​ട്ടു​ണ്ട്. ജ​നു​വ​രി പ​കു​തി​യോ​ടെ ഈ ​ഗ്രാ​മ​ങ്ങ​ളി​ല്‍ കു​ടി​വെ​ള്ള​ക്ഷാ​മം അ​നു​ഭ​വ​പ്പെ​ട്ടു തു​ട​ങ്ങി​യി​രു​ന്നു. അ​ത​ത് പ​ഞ്ചാ​യ​ത്തു​ക​ള്‍ക്കാ​ണ് വെ​ള്ള​മെ​ത്തി​ക്കു​ന്ന​തി​നു​ള്ള ചു​മ​ത​ല. കു​ടി​വെ​ള്ള​വി​ത​ര​ണ​ത്തി​ന് ഈ ​പ​ഞ്ചാ​യ​ത്തു​ക​ള്‍ക്ക് പ്ര​ത്യേ​കം തു​ക സം​സ്ഥാ​ന സ​ര്‍ക്കാ​ര്‍ നീ​ക്കി​വെ​ച്ചി​ട്ടു​ണ്ട്. വ​ട​ക്ക​ന്‍ ജി​ല്ല​ക​ളി​ലെ കു​ടി​വെ​ള്ള​ക്ഷാ​മം പ​രി​ഹ​രി​ക്കു​ന്ന​തി​ന് ക​ർ​മ​പ​ദ്ധ​തി ആ​വി​ഷ്‌​ക​രി​ക്കു​മെ​ന്ന് മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ നി​യ​മ​സ​ഭ​യി​ല്‍ വ്യ​ക്ത​മാ​ക്കി​യി​രു​ന്നു.