അ​ന്ധ​വി​ശ്വാ​സം ഒ​റ്റ​പ്പെ​ടു​ത്തി; ന​വ​ജാ​ത ശി​ശു​വി​ന് ദാ​രു​ണാ​ന്ത്യം

ബം​ഗ​ളൂ​രു: മാ​സം തി​ക​യാ​തെ പ്ര​സ​വി​ച്ച കു​ഞ്ഞ് അ​ന്ധ​വി​ശ്വാ​സ​ത്തി​ന്റെ ക​ഠി​ന​വ​ഴി​ക​ൾ താ​ണ്ടാ​നാ​കാ​തെ മ​ര​ണ​ത്തി​ന് കീ​ഴ​ട​ങ്ങി. ക​ർ​ണാ​ട​ക​യി​ലെ തു​മ​കു​രു ജി​ല്ല​യി​ലെ മ​ല്ലെ​ന​ഹ​ള്ളി ഗൊ​ള്ള​ര​ഹ​ട്ടി ഗ്രാ​മ​ത്തി​ലാ​ണ് സം​ഭ​വം. അ​യി​ത്താ​ച​ര​ണ​വും അ​ന്ധ​വി​ശ്വാ​സ​വും കൊ​ടി​കു​ത്തി​വാ​ഴു​ന്ന മേ​ഖ​ല​യാ​ണി​ത്. ഇ​വി​ടെ​യു​ള്ള എ.​വി. സി​ദ്ദേ​ശി​ന്റെ ഭാ​ര്യ വ​സ​ന്ത​യു​ടെ (27) പെ​ൺ​കു​ഞ്ഞാ​ണ് മ​രി​ച്ച​ത്.

ക​ഴി​ഞ്ഞ മാ​സം 22നാ​ണ് ഗ​വ.​ആ​ശു​പ​ത്രി​യി​ൽ വെ​ച്ച് വ​സ​ന്ത ഇ​ര​ട്ട​ക്കു​ട്ടി​ക​ൾ​ക്ക് ജ​ന്മം ന​ൽ​കി​യ​ത്. എ​ട്ടാം മാ​സ​ത്തി​ലാ​യി​രു​ന്നു പ്ര​സ​വം. തൂ​ക്കം ന​ന്നേ കു​റ​വാ​യി​രു​ന്ന ആ​ൺ​കു​ട്ടി അ​ല്പ സ​മ​യ​ത്തി​ന​കം ത​ന്നെ മ​രി​ച്ചു. എ​ന്നാ​ൽ, 1.1 കി​ലോ​ഗ്രാം തൂ​ക്ക​മു​ള്ള പെ​ൺ​കു​ഞ്ഞി​നെ തു​മ​കു​രു ജി​ല്ല ആ​ശു​പ​ത്രി​യി​ലെ എ​ൻ.​സി.​യു​വി​ൽ പ്ര​വേ​ശി​പ്പി​ച്ച് ചി​കി​ത്സ ന​ൽ​കു​ക​യാ​യി​രു​ന്നു. ആ​രോ​ഗ്യ നി​ല മെ​ച്ച​പ്പെ​ട്ടു​വ​രു​ന്ന​തി​നി​ടെ ജൂ​ലൈ 14ന് ​സി​ദ്ദേ​ശ് ഭാ​ര്യ​യെ​യും കു​ഞ്ഞി​നെ​യും വീ​ട്ടി​ലേ​ക്ക് കൊ​ണ്ടു​പോ​യി. ഒ​രു മാ​സം കൂ​ടി ചി​കി​ത്സ തു​ട​ര​ണ​മെ​ന്ന ഡോ​ക്ട​ർ​മാ​രു​ടെ നി​ർ​ദേ​ശം ഗൗ​നി​ക്കാ​തെ​യാ​യി​രു​ന്നു ഇ​ത്. തു​ട​ർ​ന്ന് ഗ്രാ​മ​ത്തി​ലെ​ത്തി​യ വ​സ​ന്ത​യെ​യും കു​ഞ്ഞി​നെ​യും മാ​ത്രം തീ​ണ്ടാ​പ്പാ​ട​ക​ലെ കു​ടി​ലി​ൽ ഒ​റ്റ​ക്ക് താ​മ​സി​പ്പി​ച്ചു. കൊ​ടു​ഗൊ​ള്ള സ​മു​ദാ​യ​ത്തി​ലെ ‘സു​ത​ക’ ആ​ചാ​ര​പ്ര​കാ​ര​മാ​യി​രു​ന്നു ഇ​ത്. മാ​സം തി​ക​യാ​തെ പ്ര​സ​വി​ക്കു​ന്ന സ്ത്രീ​ക​ളെ വീ​ട്ടി​ൽ താ​മ​സി​പ്പി​ച്ചാ​ൽ കു​ല​ദൈ​വ​ങ്ങ​ൾ കോ​പി​ക്കും എ​ന്നാ​ണ് ഇ​വി​ടെ​യു​ള്ള​വ​രു​ടെ അ​ന്ധ​വി​ശ്വാ​സം. മ​ഴ​യും കു​ടി​ലി​ലെ ചോ​ർ​ച്ച​യും അ​തി​ജീ​വി​ച്ച് ദി​വ​സ​ങ്ങ​ൾ ക​ട​ന്നു പോ​വു​ന്ന​തി​നി​ടെ കു​ഞ്ഞി​ന്റെ ആ​രോ​ഗ്യ നി​ല തീ​ർ​ത്തും വ​ഷ​ളാ​യി. ഒ​ടു​വി​ൽ കു​ഞ്ഞ് അ​ബോ​ധാ​വ​സ്ഥ​യി​ലാ​യ​പ്പോ​ഴാ​ണ് തു​മ​കു​രു ആ​ശു​പ​ത്രി​യി​ൽ എ​ത്തി​ച്ച​ത്. മ​രു​ന്നു​ക​ളോ​ട് പ്ര​തി​ക​രി​ക്കാ​തെ ക​ഴി​ഞ്ഞ ദി​വ​സം കു​ഞ്ഞ് ക​ണ്ണ​ട​ക്കു​ക​യും ചെ​യ്തു.

ആ​ശു​പ​ത്രി അ​ധി​കൃ​ത​ർ ന​ൽ​കി​യ റി​പ്പോ​ർ​ട്ട് അ​നു​സ​രി​ച്ച് തു​മ​കൂ​രു ത​ഹ​സി​ൽ​ദാ​ർ ഗ്രാ​മം സ​ന്ദ​ർ​ശി​ച്ചു. ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി മെം​ബ​ർ സെ​ക്ര​ട്ട​റി​യും ജ​ഡ്ജി​യു​മാ​യ നൂ​റു​ന്നി​സ പ​രി​ശോ​ധ​ന​ക്ക് എ​ത്തി​യ​പ്പോ​ഴാ​ണ് സം​ഭ​വം പു​റം​ലോ​കം അ​റി​യു​ന്ന​ത്. ഇ​ടി​ഞ്ഞു​വീ​ഴാ​റാ​യ കു​ടി​ലി​ൽ ത​ന്റെ മ​ക​ളെ ന​ഷ്ട​മാ​യ​തി​ന്റെ ദുഃ​ഖം താ​ങ്ങാ​നാ​വാ​തെ അ​വ​ശ​നി​ല​യി​ൽ കി​ട​ക്കു​ന്ന യു​വ​തി​യി​ൽ​നി​ന്ന് ജ​ഡ്ജി വി​വ​ര​ങ്ങ​ൾ ശേ​ഖ​രി​ച്ചു. ഭ​ർ​ത്താ​വ് ഉ​ൾ​പ്പെ​ടെ വീ​ട്ടി​ലെ അം​ഗ​ങ്ങ​ളി​ൽ നി​ന്ന് ജ​ഡ്ജി മൊ​ഴി​യെ​ടു​ത്തു. പ​രി​സ​ര​വാ​സി​ക​ൾ, ഗ്രാ​മ​പ്ര​മു​ഖ​ർ തു​ട​ങ്ങി​യ​വ​രു​ടെ യോ​ഗം വി​ളി​ച്ചു ചേ​ർ​ത്ത് യു​വ​തി​ക്ക് മ​തി​യാ​യ സം​ര​ക്ഷ​ണം ഉ​റ​പ്പു​വ​രു​ത്തി. ക​ർ​ണാ​ട​ക ഹൈ​കോ​ട​തി​യു​ടെ കീ​ഴി​ലു​ള്ള ക​ർ​ണാ​ട​ക ലീ​ഗ​ൽ സ​ർ​വി​സ് അ​തോ​റി​റ്റി​യു​ടെ മേ​ൽ​നോ​ട്ട​ത്തി​ൽ സം​ഭ​വ​ത്തി​ൽ തു​ട​ര​ന്വേ​ഷ​ണം ന​ട​ക്കും. യു​വ​തി​യു​ടെ ഭ​ർ​ത്താ​വി​നും കു​ടും​ബ​ത്തി​ലെ മ​റ്റു അം​ഗ​ങ്ങ​ൾ​ക്കു​മെ​തി​രെ കൊ​റ പൊ​ലീ​സ് കേ​സെ​ടു​ത്തു.

ദ​ലി​ത​നാ​യ​തി​ന്റെ പേ​രി​ൽ പാ​ർ​ല​മെ​ന്റ് അം​ഗ​ത്തെ സ്വ​ന്തം മ​ണ്ഡ​ല​ത്തി​ലെ ഗ്രാ​മ​ത്തി​ൽ കാ​ലു​കു​ത്താ​ൻ പോ​ലും അ​നു​വ​ദി​ക്കാ​ത്ത വി​ധം അ​യി​ത്ത​വും ജാ​ത്യാ​ചാ​ര​ങ്ങ​ളും വാ​ഴു​ന്ന ഇ​ട​ങ്ങ​ളാ​ണ് തു​മ​കു​രു​വി​ലെ ചി​ല ഗ്രാ​മ​ങ്ങ​ൾ. ബി.​ജെ.​പി നേ​താ​വും ചി​ത്ര​ദു​ർ​ഗ ലോ​ക് സ​ഭ അം​ഗ​വു​മാ​യ എ. ​നാ​രാ​യ​ണ സ്വാ​മി​യെ 2019 സെ​പ്റ്റം​ബ​ർ 17നാ​ണ് ഗൊ​ള്ള​റ​ഹ​ട്ടി ഗ്രാ​മ​ത്തി​ൽ ക​ട​ക്കു​ന്ന​ത് ചി​ല​ർ ത​ട​ഞ്ഞ​ത്. ബി.​ജെ.​പി ഭ​ര​ണ​ത്തി​ൽ സ്വ​ന്തം പാ​ർ​ട്ടി എം.​പി​ക്ക് അ​യി​ത്തം ക​ല്പി​ച്ച​ത​റി​ഞ്ഞ് അ​ന്ന​ത്തെ ഉ​പ​മു​ഖ്യ​മ​ന്ത്രി സി.​എ​ൻ.​അ​ശ്വ​ന്ത് പ​രി​ഹാ​ര പ്ര​ഖ്യാ​പ​ന​ങ്ങ​ൾ ന​ട​ത്തി​യി​രു​ന്നു. ജി​ല്ല പൊ​ലീ​സ് സൂ​പ്ര​ണ്ട് സം​ഭ​വ​സ്ഥ​ലം സ​ന്ദ​ർ​ശി​ക്കു​ക​യും ചെ​യ്തു. എ​ന്നി​ട്ടും അ​നാ​ചാ​ര​ങ്ങ​ൾ തു​ട​ർ​ന്നു. നാ​രാ​യ​ണ സ്വാ​മി ഇ​പ്പോ​ൾ കേ​ന്ദ്ര സാ​മൂ​ഹി​ക നീ​തി വ​കു​പ്പ് മ​ന്ത്രി​യാ​ണ്.