കെ.​കെ.​ജി: നി​ശ്ശ​ബ്ദ​നാ​യ സാ​ഹി​ത്യ സേ​വ​ക​ൻ

ബം​ഗ​ളൂ​രു: പൊ​തു​വെ പൊ​തു​വേ​ദി​ക​ളി​ൽ​നി​ന്ന് അ​ക​ന്നു​ക​ഴി​ഞ്ഞി​രു​ന്ന നി​ശ്ശ​ബ്ദ സാ​ഹി​ത്യ സേ​വ​ക​നാ​യി​രു​ന്നു സു​ഹൃ​ത്തു​ക്ക​ളും അ​ടു​പ്പ​ക്കാ​രും കെ.​കെ.​ജി എ​ന്ന് സ്നേ​ഹ​ത്തോ​ടെ വി​ളി​ച്ചി​രു​ന്ന കെ.​കെ. ഗം​ഗാ​ധ​ര​ൻ. മ​ല​യാള സാ​ഹി​ത്യ കൃ​തി​ക​ളെ ക​ന്ന​ഡ മൊ​ഴി​യി​ലെ​ത്തി​ക്കാ​ൻ പ​തി​റ്റാ​ണ്ടു​ക​ളാ​യി പ്ര​വ​ർ​ത്തി​ച്ചി​രു​ന്ന അ​ദ്ദേ​ഹ​ത്തി​ന്റെ സാ​ഹി​ത്യ സ​പ​ര്യ​ക്കു​ള്ള അം​ഗീ​കാ​ര​മാ​യി​രു​ന്നു ക​ഴി​ഞ്ഞ വ​ർ​ഷം ല​ഭി​ച്ച കേ​ന്ദ്ര​സാ​ഹി​ത്യ അ​ക്കാ​ദ​മി അ​വാ​ർ​ഡ് നേ​ട്ടം.

മ​ല​യാ​ള​ത്തി​ൽ നി​ന്ന് ക​ന്ന​ഡ​യി​ലേ​ക്ക് മാ​ത്രം വി​വ​ർ​ത്ത​നം ചെ​യ്യു​ക എ​ന്ന​താ​യി​രു​ന്നു അ​ദ്ദേ​ഹ​ത്തി​ന്റെ രീ​തി. ത​ക​ഴി ശി​വ​ശ​ങ്ക​ര​പ്പി​ള്ള, വൈ​ക്കം മു​ഹ​മ്മ​ദ് ബ​ഷീ​ർ, എം.​ടി. വാ​സു​ദേ​വ​ൻ നാ​യ​ർ, ടി. ​പ​ത്മ​നാ​ഭ​ൻ, മ​ല​യാ​റ്റൂ​ർ രാ​മ​കൃ​ഷ്ണ​ൻ, പു​ന​ത്തി​ൽ കു​ഞ്ഞ​ബ്ദു​ള്ള, യു.​കെ. കു​മാ​ര​ൻ, സ​ന്തോ​ഷ് ഏ​ച്ചി​ക്കാ​നം, ബെ​ന്യാ​മി​ൻ തു​ട​ങ്ങി 25 ക​ഥാ​കൃ​ത്തു​ക്ക​ളു​ടെ ക​ഥ​ക​ളാ​ണ് ‘മ​ല​യാ​ള ക​ഥെ​ഗ​ളു’ എ​ന്ന കൃ​തി​യി​ലൂ​ടെ ക​ന്ന​ഡ മൊ​ഴി​യി​ലെ​ത്തി​യ​ത്. 2019ൽ ​ക​ർ​ണാ​ട​ക സ​ർ​ക്കാ​റി​ന്റെ കു​വെം​പു ഭാ​ഷാ ഭാ​ര​തി പ്രാ​ധി​കാ​ര​യാ​ണ് ഈ ​പു​സ്ത​കം പ്ര​സി​ദ്ധീ​ക​രി​ച്ച​ത്.

കാ​സ​ർ​കോ​ട് പാ​ത്ത​ന​ടു​ക്ക സ്വ​ദേ​ശി​യാ​യ കെ.​കെ. ഗം​ഗാ​ധ​ര​ൻ 1979 മു​ത​ൽ ബം​ഗ​ളൂ​രു​വി​ലാ​ണ് താ​മ​സം. കു​ട​കി​ലെ സോ​മ​വാ​ർ പേ​ട്ടി​ലെ ക​ന്ന​ഡ മീ​ഡി​യം സ്കൂ​ളി​ലാ​യി​രു​ന്നു പ​ഠ​നം. പി​ന്നീ​ട് റെ​യി​ൽ​വേ മെ​യി​ൽ സ​ർ​വി​സ് ഉ​ദ്യോ​ഗ​സ്ഥ​നാ​യി ക​ർ​ണാ​ട​ക​ത്തി​ലെ വി​വി​ധ​യി​ട​ങ്ങ​ളി​ൽ ജോ​ലി ചെ​യ്യാ​ൻ ക​ഴി​ഞ്ഞ​ത് ക​ന്ന​ഡ ഭാ​ഷ​യു​മാ​യു​ള്ള ബ​ന്ധം വ​ർ​ധി​പ്പി​ച്ചു. ആ​ർ.​എം.​എ​സി​ൽ സ​ർ​വി​സി​ലി​രി​ക്കെ പോ​സ്റ്റ​ൽ എം​പ്ലോ​യീ​സ് യൂ​നി​യ​ൻ ഭാ​ര​വാ​ഹി​യാ​യും പ്ര​വ​ർ​ത്തി​ച്ചി​ട്ടു​ണ്ട്. 1978ൽ ​മൈ​സൂ​രു​വി​ൽ​നി​ന്ന് പ്ര​സി​ദ്ധീ​ക​രി​ച്ചു​വ​ന്ന ഒ​ട​ന​ടി മാ​സി​ക​യി​ൽ ‘ഇ.​എം.​എ​സ്. ന​മ്പൂ​തി​രി​പ്പാ​ടി​ന്റെ ചോ​ദ്യോ​ത്ത​ര​ങ്ങ​ൾ’ ലേ​ഖ​ന പ​ര​മ്പ​ര വി​വ​ർ​ത്ത​നം ചെ​യ്താ​ണ് ത​ർ​ജ​മ രം​ഗ​ത്തേ​ക്ക് ക​ട​ന്ന​ത്.

എ​ട്ടു​മാ​സം തു​ട​ർ​ച്ച​യാ​യി ഇ​ത് പ്ര​സി​ദ്ധീ​ക​രി​ച്ചു. തു​ട​ർ​ന്ന് പു​ന​ത്തി​ൽ കു​ഞ്ഞ​ബ്ദു​ള്ള​യു​ടെ ‘പാ​ഞ്ചാ​ലി​യു​ടെ ലോ​കം’ എ​ന്ന ചെ​റു​ക​ഥ ക​ന്ന​ഡ മാ​സി​ക​യാ​യ മ​ല്ലി​കെ​ക്കു​വേ​ണ്ടി വി​വ​ർ​ത്ത​നം ചെ​യ്തു. പി​ന്നീ​ട് യു.​കെ. കു​മാ​ര​ൻ, എം.​ടി. വാ​സു​ദേ​വ​ൻ നാ​യ​ർ, ത​ക​ഴി ശി​വ​ശ​ങ്ക​ര​പ്പി​ള്ള, വൈ​ക്കം മു​ഹ​മ്മ​ദ് ബ​ഷീ​ർ, മാ​ധ​വി​ക്കു​ട്ടി തു​ട​ങ്ങി​യ പ്ര​മു​ഖ​രു​ടെ ക​ഥ​ക​ൾ ക​ന്ന​ഡ​യി​ലെ സാ​ഹി​ത്യ പ്രേ​മി​ക​ളി​ലേ​ക്കും മൊ​ഴി​മാ​റ്റി​യെ​ത്തി​ച്ചു.ഇ​വ ക​ന്ന​ഡ പ്ര​സി​ദ്ധീ​ക​ര​ണ​ങ്ങ​ളാ​യ സു​ധ, ത​രം​ഗ, മ​യൂ​ര, തു​ഷാ​ര തു​ട​ങ്ങി​യ​വ​യി​ലാ​യി​രു​ന്നു വെ​ളി​ച്ചം ക​ണ്ട​ത്. മാ​ധ​വി​ക്കു​ട്ടി​യു​ടെ ഇ​രു​നൂ​റ്റ​മ്പ​ത് ക​ഥ​ക​ൾ ക​ന്ന​ഡ​യി​ലേ​ക്ക് വി​വ​ർ​ത്ത​നം ചെ​​യ്തെ​ന്ന പ്ര​ത്യേ​ക​ത​യു​മു​ണ്ട്. നാ​ലു പു​സ്ത​ക​ങ്ങ​ളി​ലാ​യി​ട്ടാ​ണ് മാ​ധ​വി​ക്കു​ട്ടി​യു​ടെ ക​ഥ​ക​ൾ പ്ര​സി​ദ്ധീ​ക​രി​ച്ച​ത്. മാ​ധ​വി​ക്കു​ട്ടി ക​ഥ​ക​ളു​ടെ നാ​ലാം ഭാ​ഗം ക​ഴി​ഞ്ഞ വ​ർ​ഷ​മാ​ണ് പ്ര​സി​ദ്ധീ​ക​രി​ച്ച​ത്.

മ​ല​യാ​ളി​യാ​യ ഡോ. ​സു​ഷ​മ ശ​ങ്ക​റി​ന്റെ നേ​തൃ​ത്വ​ത്തി​ൽ സ​ജീ​വ​മാ​യ ദ്രാ​വി​ഡ ഭാ​ഷാ വി​വ​ർ​ത്ത​ക സം​ഘ​ത്തി​ലെ മു​തി​ർ​ന്ന അം​ഗം കൂ​ടി​യാ​യി​രു​ന്നു അ​ദ്ദേ​ഹം. കേ​ന്ദ്ര സാ​ഹി​ത്യ പു​ര​സ്കാ​രം നേ​ടി​യ ശേ​ഷം ദ്രാ​വി​ഡ ഭാ​ഷാ വി​വ​ർ​ത്ത​ക സം​ഘം, ബം​ഗ​ളൂ​രു മ​ല​യാ​ളി റൈ​റ്റേ​ഴ്സ് ആ​ൻ​ഡ് ആ​ർ​ട്ടി​സ്‍റ്റ്സ് ഫോ​റം തു​ട​ങ്ങി​യ​വ​യു​ടെ നേ​തൃ​ത്വ​ത്തി​ൽ അ​ദ്ദേ​ഹ​ത്തി​ന് ആ​ദ​രം ന​ൽ​കി​യി​രു​ന്നു. താ​ൻ മ​ര​ണ​മ​ട​ഞ്ഞാ​ൽ ഒ​രു മ​ത ച​ട​ങ്ങു​ക​ളും പാ​ടി​ല്ല എ​ന്ന് അ​ദ്ദേ​ഹം നേ​ര​ത്തെ പ​റ​ഞ്ഞു​വെ​ച്ചി​രു​ന്നു.

അ​തു പ്ര​കാ​രം ച​ട​ങ്ങു​ക​ളൊ​ന്നു​മി​ല്ലാ​തെ​യാ​യി​രു​ന്നു അ​ന്തി​മ വേ​ള. ഏ​താ​നും മ​ണി​ക്കൂ​റു​ക​ൾ മാ​ത്രം ഭൗ​തി​ക ശ​രീ​രം വീ​ട്ടി​ൽ പൊ​തു​ദ​ർ​ശ​ന​ത്തി​നു​​വെ​ച്ച ശേ​ഷം മൃ​ത​ദേ​ഹം മെ​ഡി​ക്ക​ൽ വി​ദ്യാ​ർ​ഥി​ക​ളു​ടെ പ​ഠ​നാ​വ​ശ്യ​ത്തി​ന് വി​ട്ടു​ന​ൽ​കാ​നാ​ണ് തീ​രു​മാ​നം. കെ.​കെ. ഗം​ഗാ​ധ​ര​ന്റെ നി​ര്യാ​ണ​ത്തി​ൽ ബാംഗ്ലൂർ മലയാളി റൈറ്റേഴ്സ് ആൻഡ് ആർട്ടിസ്‍റ്റ്സ് ഫോറവും ദ്രാ​വി​ഡ ഭാ​ഷാ വി​വ​ർ​ത്ത​ക സം​ഘം പ്ര​സി​ഡ​ന്റ് ഡോ. ​എ​സ്. സു​ഷ​മ ശ​ങ്ക​റും അ​നു​ശോ​ചി​ച്ചു.