തടാകത്തിൽ നീന്താൻ ഇറങ്ങിയ രണ്ടു പേരെ കാണാതായി

മംഗളൂരു: പഡ്പു ആലപെ തടാകത്തിൽ ഞായറാഴ്ച വൈകുന്നേരം നീന്താൻ ഇറങ്ങിയ ആറ് യുവാക്കളിൽ രണ്ടു പേരെ കാണാതായി.നഗര പരിസര നിവാസികളായ എ.എൻ.വരുൺ(26),കെ.വീക്ഷിത്(26) എന്നിവരെയാണ് കാണാതായത്.

ഇവർ ഉൾപ്പെടെ ആറ് യുവാക്കളാണ് തടാകത്തിൽ ഇറങ്ങിയത്. അപ്രതീക്ഷിത ആഴമുള്ളതിനാൽ ആറു പേരും മുങ്ങിപ്പോവുകയായിരുന്നു.നാലുപേർ അവശനിലയിൽ നീന്തിക്കയറി. പരിസരവാസികൾ അറിയിച്ച് എത്തിയ പൊലീസും അഗ്നിശമന സേനയും തിരച്ചൽ നടത്തുന്നു.