വാ​ല്മീ​കി കോ​ർ​പ​റേ​ഷ​ൻ അ​ഴി​മ​തി​ക്കേ​സ്; പ്ര​തി​യു​ടെ വീ​ട്ടി​ൽ​നി​ന്ന് സ്വ​ർ​ണം പി​ടി​കൂ​ടി

ബം​ഗ​ളൂ​രു: സം​സ്ഥാ​ന സ​ർ​ക്കാ​റി​ന് കീ​ഴി​ലെ മ​ഹ​ർ​ഷി വാ​ല്മീ​കി പ​ട്ടി​ക​ജാ​തി വി​ക​സ​ന കോ​ർ​പ​റേ​ഷ​നി​ൽ ന​ട​ന്ന അ​ഴി​മ​തി കേ​സി​ലെ മു​ഖ്യ​പ്ര​തി​യു​ടെ വീ​ട്ടി​ൽ​നി​ന്ന് 10 കി​ലോ​ഗ്രാം സ്വ​ർ​ണം പി​ടി​ച്ചെ​ടു​ത്തു. മു​ഖ്യ​പ്ര​തി സ​ത്യ​നാ​രാ​യ​ണ വ​ർ​മ​യു​ടെ ഹൈ​ദ​രാ​ബാ​ദി​ലെ വീ​ട്ടി​ൽ​നി​ന്നാ​ണ് പ്ര​ത്യേ​ക അ​ന്വേ​ഷ​ണ സം​ഘം (എ​സ്.​ഐ.​ടി) സ്വ​ർ​ണ​ക്ക​ട്ടി പി​ടി​ച്ചെ​ടു​ത്ത​ത്.

വാ​ല്മീ​കി അ​ഴി​മ​തി​യി​ൽ​നി​ന്ന് സ്വ​രൂ​പി​ച്ച പ​ണം കൊ​ണ്ടാ​ണ് വ​ർ​മ സ്വ​ർ​ണം വാ​ങ്ങി​യ​തെ​ന്ന് പ്ര​ത്യേ​ക അ​ന്വേ​ഷ​ണ സം​ഘം വെ​ളി​പ്പെ​ടു​ത്തി. എ​സ്.​ഐ.​ടി​യു​ടെ ചോ​ദ്യം ചെ​യ്യ​ലി​ൽ 15 കി​ലോ​ഗ്രാം സ്വ​ർ​ണം കൈ​വ​ശ​മു​ണ്ടെ​ന്ന് വ​ർ​മ മൊ​ഴി ന​ൽ​കി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ര​ഹ​സ്യ​മാ​യി ഒ​ളി​പ്പി​ച്ച 10 കി​ലോ സ്വ​ർ​ണ​ക്ക​ട്ടി ക​ണ്ടെ​ടു​ത്ത​ത്. ശേ​ഷി​ക്കു​ന്ന അ​ഞ്ച് കി​ലോ​ഗ്രാം സ്വ​ർ​ണ ബി​സ്‌​ക്ക​റ്റു​ക​ൾ ക​ണ്ടെ​ത്താ​നു​ള്ള അ​ന്വേ​ഷ​ണ​ത്തി​ലാ​ണ് എ​സ്.​ഐ.​ടി. അ​ഴി​മ​തി പ​ണം കൊ​ണ്ട് വ​ർ​മ ​​ആ​കെ 35 കി​ലോ സ്വ​ർ​ണ ബി​സ്‌​ക​റ്റു​ക​ൾ സ്വ​ന്ത​മാ​ക്കി​യെ​ന്നാ​ണ് ല​ഭി​ക്കു​ന്ന വി​വ​രം.

അ​റ​സ്റ്റി​ലാ​കു​ന്ന​തി​ന് മു​മ്പ് വ​ർ​മ പ​ണ​വും സ്വ​ർ​ണ​വും ഒ​ളി​പ്പി​ച്ചി​രു​ന്നു. ചോ​ദ്യം ചെ​യ്യ​ലി​നാ​യി ബം​ഗ​ളൂ​രു​വി​ലേ​ക്ക് മാ​റ്റി​യ​പ്പോ​ൾ, ത​ന്‍റെ റി​യ​ൽ എ​സ്റ്റേ​റ്റ് ഇ​ട​പാ​ടി​നെ​ക്കു​റി​ച്ചും ഫ​ണ്ടി​നെ​ക്കു​റി​ച്ചും വ്യ​ക്ത​മാ​ക്കി​യി​രു​ന്നു. തു​ട​ർ​ന്നാ​ണ് ഹൈ​ദ​രാ​ബാ​ദി​ലെ വീ​ട്ടി​ൽ റെ​യ്ഡ് ന​ട​ത്തി​യ​ത്. ഹൈ​ദ​രാ​ബാ​ദി​ലെ മേ​പു​ര​യി​ലെ സീ​മ ടൗ​ണി​ലു​ള്ള വാ​സ​വി ബി​ൽ​ഡേ​ഴ്‌​സി​ൽ 11 ഫ്ലാ​റ്റു​ക​ൾ വാ​ങ്ങി​യ​തി​ന്‍റെ രേ​ഖ​ക​ളും പ​രി​ശോ​ധ​ന​യി​ൽ ക​ണ്ടെ​ത്തി. ഹൈ​ദ​രാ​ബാ​ദി​ലെ ഫ്ലാ​റ്റി​ൽ ഒ​ളി​പ്പി​ച്ച എ​ട്ട് കോ​ടി രൂ​പ​യും ക​ണ്ടെ​ടു​ത്തു.

വാ​ല്മീ​കി കോ​ർ​പ​റേ​ഷ​ൻ അ​ഴി​മ​തി​യു​മാ​യി ബ​ന്ധ​പ്പെ​ട്ട് ഇ​തു​വ​രെ 12 പേ​രെ എ​സ്.​ഐ.​ടി അ​റ​സ്റ്റ് ചെ​യ്തി​ട്ടു​ണ്ട്. ഇ​തി​ൽ ഒ​മ്പ​തു പേ​ർ ജു​ഡീ​ഷ്യ​ൽ ക​സ്റ്റ​ഡി​യി​ൽ റി​മാ​ൻ​ഡി​ലാ​ണ്. മൂ​ന്നു​പേ​ർ വി​ശ​ദ അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി പൊ​ലീ​സ് ക​സ്റ്റ​ഡി​യി​ലാ​ണ്. ഗോ​ത്ര സ​മു​ദാ​യ​ങ്ങ​ൾ​ക്കു​ള്ള ഫ​ണ്ട് കൈ​മാ​റ്റ​ത്തി​നും വി​വി​ധ വി​ക​സ​ന പ്ര​വ​ർ​ത്ത​ന​ങ്ങ​ൾ ത്വ​രി​ത​പ്പെ​ടു​ത്തു​ന്ന​തി​നു​മാ​യി ക​ർ​ണാ​ട​ക സ​ർ​ക്കാ​റി​ന് കീ​ഴി​ൽ രൂ​പ​വ​ത്ക​രി​ച്ച​താ​ണ് മ​ഹ​ർ​ഷി വാ​ല്മീ​കി എ​സ്.​ടി ഡെ​വ​ല​പ്മെ​ന്റ് കോ​ർ​പ​റേ​ഷ​ൻ. ഇ​തി​നു കീ​ഴി​ലെ 94 കോ​ടി രൂ​പ ക​ർ​ണാ​ട​ക​യി​ലെ​യും ക​ർ​ണാ​ട​ക​ക്ക് പു​റ​ത്തെ​യും ചി​ല ബാ​ങ്കു​ക​ളി​ലേ​ക്കും സ്വ​കാ​ര്യ ധ​ന​കാ​ര്യ സ്ഥാ​പ​ന​ങ്ങ​ളി​ലേ​ക്കും മാ​റ്റി​​യ​തു​മാ​യി ബ​ന്ധ​പ്പെ​ട്ടാ​ണ് കേ​സ്. കോ​ർ​പ​​റേ​ഷ​നി​ലെ അ​ക്കൗ​ണ്ടി​ങ് സൂ​പ്ര​ണ്ടാ​യ പി. ​ച​ന്ദ്ര​ശേ​ഖ​റി​നെ ശി​വ​മൊ​ഗ്ഗ​യി​ലെ വ​സ​തി​യി​ൽ മേ​യ് 26ന് ​ആ​ത്മ​ഹ​ത്യ ചെ​യ്ത നി​ല​യി​ൽ ക​ണ്ടെ​ത്തി​യി​രു​ന്നു. താ​ൻ നി​ര​പ​രാ​ധി​യാ​ണെ​ന്നും മ​ന്ത്രി നാ​ഗേ​ന്ദ്ര​യ​ട​ക്കം പ​ല ഉ​ന്ന​ത​രു​ടെ​യും സ​മ്മ​ർ​ദ​ത്താ​ലാ​ണ് ഫ​ണ്ട് വ​ക​മാ​റ്റി​യ​തെ​ന്നും ആ​ത്മ​ഹ​ത്യ​ക്കു​റി​പ്പി​ൽ പ​രാ​മ​ർ​ശി​ച്ചി​രു​ന്നു. കോ​ർ​പ​റേ​ഷ​ൻ എം.​ഡി ജെ.​ജി. പ​ത്മ​നാ​ഭ, അ​ക്കൗ​ണ്ട്സ് ഓ​ഫി​സ​ർ ജി. ​പ​ര​സ്തു​രാ​മ, യൂ​നി​യ​ൻ ബാ​ങ്ക് ചീ​ഫ് മാ​നേ​ജ​ർ സു​ചി​ഷ്മി​ത റാ​വ​ൽ എ​ന്നി​വ​രു​ടെ പേ​രു​ക​ളും ആ​റ് പേ​ജ് വ​രു​ന്ന കു​റി​പ്പി​ലു​ണ്ടാ​യി​രു​ന്നു. കേ​സ് അ​ന്വേ​ഷി​ക്കാ​ൻ സ​ർ​ക്കാ​ർ രൂ​പ​വ​ത്ക​രി​ച്ച എ​സ്.​ഐ.​ടി സം​ഘം കോ​ർ​പ​റേ​ഷ​ൻ എം.​ഡി ജെ.​ജി. പ​ത്മ​നാ​ഭ, അ​ക്കൗ​ണ്ട്സ് ഓ​ഫി​സ​ർ ജി. ​പ​ര​സ്തു​രാ​മ, ഫ​സ്റ്റ് ഫി​നാ​ൻ​സ് ക്രെ​ഡി​റ്റ് കോ​ഓ​പ​റേ​റ്റി​വ് സൊ​സൈ​റ്റി ലി​മി​റ്റ​ഡ് ചെ​യ​ർ​മാ​ൻ സ​ത്യ​നാ​രാ​യ​ണ അ​ട​ക്ക​മു​ള്ള​വ​രെ അ​റ​സ്റ്റ് ചെ​യ്തി​രു​ന്നു. എം.​ജി റോ​ഡി​ലെ യൂ​നി​യ​ൻ ബാ​ങ്കി​ലെ അ​ക്കൗ​ണ്ടി​ലാ​ണ് കോ​ർ​പ​റേ​ഷ​ന്റെ ഫ​ണ്ട് സൂ​ക്ഷി​ച്ചി​രു​ന്ന​ത്. അ​ക്കൗ​ണ്ടി​ൽ​നി​ന്ന് ഫ​ണ്ട് മാ​റ്റി​യ​തു​മാ​യി ബ​ന്ധ​പ്പെ​ട്ട് ബാ​ങ്ക് അ​ധി​കൃ​ത​ർ ന​ൽ​കി​യ പ​രാ​തി​യി​ൽ സി.​ബി.​ഐ​ക്ക് കീ​ഴി​ലെ ബാ​ങ്കി​ങ് സെ​ക്യൂ​രി​റ്റീ​സ് ഫ്രോ​ഡ് യൂ​നി​റ്റും കേ​​സെ​ടു​ത്തി​ട്ടു​ണ്ട്.