അതിവേഗപാതയിലെ നിയമലംഘനം:ഫാസ്ടാഗ് വഴി പിഴ ഈടാക്കാൻ സാധ്യത

ബം​ഗ​ളൂ​രു: ബം​ഗ​ളൂ​രു-​മൈ​സൂ​രു അ​തി​വേ​ഗ​പാ​ത​യി​ൽ അ​പ​ക​ട​ങ്ങ​ൾ കൂ​ടി​യ​തോ​ടെ വി​വി​ധ ന​ട​പ​ടി​ക​ളു​മാ​യി അ​ധി​കൃ​ത​ർ. അ​മി​ത​വേ​ഗ​മ​ട​ക്ക​മു​ള്ള നി​യ​മ​ലം​ഘ​ന​ത്തി​നു​ള്ള പി​ഴ ഫാ​സ്ടാ​ഗ് വ​ഴി ഈ​ടാ​ക്കു​ന്ന​ത് ആ​ലോ​ച​ന​യി​ൽ. നി​ല​വി​ൽ റോ​ഡി​ൽ പ​രി​ശോ​ധ​ന ന​ട​ത്തി​യാ​ണ് പി​ഴ ഈ​ടാ​ക്കു​ന്ന​ത്. എ.​ഐ കാ​മ​റ​ക​ൾ സ്ഥാ​പി​ച്ചിട്ടുണ്ട്. ഇ​തി​ന്റെ ന​ട​പ​ടി​ക​ൾ പൂ​ർ​ത്തി​യാ​കു​ന്ന​തോ​ടെ ടോ​ൾ പ്ലാ​സ​ക​ളി​ൽ നി​ന്നു​ത​ന്നെ പി​ഴ​യും ഈ​ടാ​ക്കു​ക​യാ​ണ് പു​തി​യ പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. പു​തി​യ പ​ദ്ധ​തി സം​ബ​ന്ധി​ച്ച് ദേ​ശീ​യ​പാ​ത അ​തോ​റി​റ്റി​യോ​ട് നി​ർ​ദേ​ശം ന​ൽ​കി​യി​ട്ടു​ണ്ടെ​ന്നും ക​ർ​ണാ​ട​ക റോ​ഡ് സു​ര​ക്ഷ വി​ഭാ​ഗം എ.​ഡി.​ജി.​പി അ​ലോ​ക് കു​മാ​ർ പ​റ​ഞ്ഞു. 118 കി​ലോ​മീ​റ്റ​ർ ദൂ​ര​മാ​ണ് അ​തി​വേ​ഗ​പാ​ത​യു​ള്ള​ത്. ബം​ഗ​ളൂ​രു ന​ഗ​ര അ​തി​ർ​ത്തി​യാ​യ ബി​ഡ​ദി​യി​ലും മാ​ണ്ഡ്യ ശ്രീ​രം​ഗ​പ​ട്ട​ണ​യി​ലു​മാ​ണ് ടോ​ൾ ബൂ​ത്തു​ക​ൾ പ്ര​വ​ർ​ത്തി​ക്കു​ന്ന​ത്. ഫാ​സ്ടാ​ഗി​ലൂ​ടെ​യാ​ണ് ഇ​വി​ടെ ടോ​ൾ പി​രി​വ്.

പാ​ത​യി​ൽ അ​പ​ക​ട​ങ്ങ​ൾ കൂ​ടി​യ​തോ​ടെ ബി​ഡ​ദി, രാ​മ​ന​ഗ​ര, ച​ന്ന​പ​ട്ട​ണ, മ​ദ്ദൂ​ർ, മാ​ണ്ഡ്യ, ശ്രീ​രം​ഗ​പ​ട്ട​ണ എ​ന്നി​വി​ട​ങ്ങ​ളി​ൽ ട്രാ​ഫി​ക് പൊ​ലീ​സി​ന്റെ വാ​ഹ​ന പ​രി​ശോ​ധ​ന ആ​രം​ഭി​ച്ചി​രു​ന്നു. നാ​ലു മാ​സ​ങ്ങ​ൾ​ക്കി​ടെ 84 അ​പ​ക​ട​ങ്ങ​ളി​ലാ​യി 100 പേ​രാ​ണ് പാ​ത​യി​ൽ മ​രി​ച്ച​ത്. 223 അ​പ​ക​ട​ങ്ങ​ളി​ലാ​യി 300 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു​വെ​ന്ന് ആ​ഭ്യ​ന്ത​ര​മ​ന്ത്രി ജി. ​പ​ര​മേ​ശ്വ​ര അ​ടു​ത്തി​ടെ നി​യ​മ​സ​ഭ​യെ അ​റി​യി​ച്ചി​രു​ന്നു. ഈ ​വ​ർ​ഷം മാ​ർ​ച്ച് 12 വ​രെ 100 പേ​രാ​ണ് മ​രി​ച്ച​ത്. 150 പേ​ർ​ക്ക് 308 അ​പ​ക​ട​ങ്ങ​ളി​ലാ​യി ഗു​രു​ത​ര​മാ​യി പ​രി​ക്കേ​ൽ​ക്കു​ക​യും ചെ​യ്തു.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി പാ​ത ഉ​ദ്ഘാ​ട​നം ചെ​യ്ത​ത് മാ​ർ​ച്ച് 12നാ​ണ്. ഔ​ദ്യോ​ഗി​ക​മാ​യി ഉ​ദ്ഘാ​ട​നം ചെ​യ്യു​ന്ന​തി​നു മു​മ്പേ പാ​ത ഭാ​ഗി​ക​മാ​യി തു​റ​ന്നു​കൊ​ടു​ത്തി​രു​ന്നു. പാ​ത​യി​ൽ ച​ന്ന​പ​ട്ട​ണ മു​ത​ൽ മാ​ണ്ഡ്യ വ​രെ​യു​ള്ള ഭാ​ഗ​ത്താ​ണ് കൂ​ടു​ത​ൽ അ​പ​ക​ട​മ​ര​ണ​ങ്ങ​ൾ ന​ട​ന്ന​ത്. ജൂ​ൺ 30 വ​രെ ഈ ​ഭാ​ഗ​ത്ത് 172 അ​പ​ക​ട​ങ്ങ​ളി​ലാ​യി 49 പേ​രാ​ണ് മ​രി​ച്ച​ത്. സ​ർ​വി​സ് റോ​ഡു​ക​ൾ, സു​ര​ക്ഷ-​സൂ​ച​ക ബോ​ർ​ഡു​ക​ൾ, പൊ​ലീ​സ് സു​ര​ക്ഷ അ​ട​ക്ക​മു​ള്ള അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​തെ ക​ഴി​ഞ്ഞ ബി.​ജെ.​പി സ​ർ​ക്കാ​ർ തെ​ര​ഞ്ഞെ​ടു​പ്പ് രാ​ഷ്ട്രീ​യ​ത്തി​നാ​യി പെ​ട്ടെ​ന്ന് പാ​ത ഉ​ദ്ഘാ​ട​നം ചെ​യ്യു​ക​യാ​യി​രു​ന്നു​വെ​ന്ന ആ​രോ​പ​ണം നി​ല​നി​ൽ​ക്കു​ന്നു​ണ്ട്.

അ​തി​വേ​ഗ​പാ​ത​യി​ൽ എ.​ഐ കാ​മ​റ​ക​ളും

ബം​ഗ​ളൂ​രു: മൈ​സൂ​രു-​ബം​ഗ​ളൂ​രു അ​തി​വേ​ഗ​പാ​ത​യി​ൽ സു​ര​ക്ഷ ന​ട​പ​ടി​ക​ളു​ടെ ഭാ​ഗ​മാ​യി എ.​ഐ കാ​മ​റ​ക​ളും സ്ഥാ​പി​ച്ചു. പാ​ത​യി​ൽ അ​പ​ക​ട​ങ്ങ​ൾ കൂ​ടി​യ​തോ​ടെ​യാ​ണ് അ​മി​ത വേ​ഗ​ക്കാ​രെ പി​ടി​കൂ​ടാ​ൻ നി​ർ​മി​ത ബു​ദ്ധി ഉ​പ​യോ​ഗി​ച്ച് പ്ര​വ​ർ​ത്തി​ക്കു​ന്ന ഇ​ത്ത​രം കാ​മ​റ​ക​ൾ സ്ഥാ​പി​ച്ച​ത്. മ​ണി​ക്കൂ​റി​ൽ നൂ​റു​കി​ലോ​മീ​റ്റ​ർ വ​രെ വേ​ഗ​ത്തി​ൽ സ​ഞ്ച​രി​ക്കാ​നാ​ണ് ഇ​വി​ടെ അ​നു​മ​തി.