വയറു നിറക്കാൻ വടിപ്പയറ്റ്; 75കാരിയെ സഹായിക്കാൻ റിതേഷ് ദേശ്മുഖും സോനു സൂദും -Video
text_fieldsമുംബൈ: കഴിഞ്ഞ ദിവസം ട്വിറ്ററിൽ തരംഗമായിരുന്നു ആ വിഡിയോ. 75 വയസ്സുള്ള ഒരമ്മ പുനെയിലെ റോഡരികിൽ നിന്ന് വടിപ്പയറ്റ് നടത്തുന്ന വിഡിയോ. മാസ്ക് ധരിച്ച്, രണ്ട് വടികളുപയോഗിച്ച് അഭ്യാസപ്രകടനം നടത്തിയ ശേഷം അവർ വിശക്കുന്നെന്ന ആംഗ്യം കാട്ടി പണത്തിനായി വഴിയാത്രക്കാർക്ക് മുന്നിൽ കൈ നീട്ടുന്നതാണ് വിഡിയോയിലുള്ളത്.
ലോക്ഡൗണിൽ മറ്റ് ജോലികൾക്കൊന്നും പോകാൻ കഴിയാത്തതിനാൽ സ്വന്തം കഴിവ് പ്രകടിപ്പിച്ച് കുടുംബത്തെ പോറ്റാനുള്ള വഴി കണ്ടെത്താനിറങ്ങിയ ഇവരുടെ വിഡിയോ ഹതിന്ദർ സിങ് എന്നയാളാണ് ട്വിറ്ററിൽ പോസ്റ്റ് ചെയ്തത്. ഇത് റീട്വീറ്റ് ചെയ്ത ബോളിവുഡ് നടൻ റിതേഷ് ദേശ്മുഖ് ഇവരെ കണ്ടെത്താൻ നെറ്റിസൺമാരുടെ സഹായം തേടുകയായിരുന്നു. ‘പോരാളിയായ അമ്മ...ഇവരുടെ വിശദാംശങ്ങൾ കണ്ടെത്താൻ ആരെങ്കിലും സഹായിക്കാമോ?’ എന്നായിരുന്നു റിതേഷിെൻറ ട്വീറ്റ്.
‘ആജി മാ’ എന്നാണ് ഇവരെ റിതേഷ് വിശദീകരിച്ചത്. കുറച്ചുസമയം കഴിഞ്ഞ് അവരെ കണ്ടെത്തിയെന്നും എല്ലാവർക്കും നന്ദിയുണ്ടെന്നും അറിയിച്ച് റിതേഷ് വീണ്ടും ട്വീറ്റ് ചെയ്തു. ‘വളരെ നന്ദി, പ്രചോദനമേകുന്ന പോരാളിയായ ഈ അമ്മയെ കണ്ടെത്തി’ എന്നായിരുന്നു ട്വീറ്റ്.
‘ആജി മാ’യെ സഹായിക്കാൻ നടൻ സോനു സൂദും രംഗത്തെത്തി. സ്ത്രീകെള സ്വയം പ്രതിരോധ മാർഗങ്ങൾ പഠിപ്പിക്കാൻ ഇവരുമായി ചേർന്ന് ചെറിയ പരിശീലന കേന്ദ്രം തുടങ്ങാൻ തയാറാണെന്നാണ് സോനു സൂദ് ട്വീറ്റ് ചെയ്തത്. ജീവിക്കാൻ കഷ്ടപ്പെടുന്ന ഇവരെ സഹായിക്കാൻ മുന്നിട്ടിറങ്ങിയ റിതേഷിനെയും സോനു സൂദിനെയും അഭിനന്ദിച്ചും നിരവധി പേർ രംഗത്തെത്തി.
Warrior Aaaji Maa...Can someone please get me the contact details of her ... pic.twitter.com/yO3MX9w2nw
— Riteish Deshmukh (@Riteishd) July 23, 2020
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.