മോദിയെ വിമർശിക്കാനുള്ള അവകാശമുണ്ട്–അനുരാഗ് കശ്യപ്​

മുംബൈ: മോദിയെ തനിക്ക്​ വിമർശിക്കാനുള്ള അവകാശമുണ്ടെന്ന്​ ബോളിവുഡ്​സംവിധായകൻ​ അനുരാഗ്​ കശ്യപ്. പ്രധാനമന്ത്രി നരേന്ദ്ര​ മോദിയെ വിമർശിച്ചതുമായി ബന്ധപ്പെട്ട്​ വന്ന േട്രാളുകൾക്കെതിരെയായിരുന്നു അനുരാഗ്​ കശ്യപി​െൻറ പ്രതികരണം.  പാകിസ്താൻ സന്ദർശിച്ചതിന്​ മോദി മാപ്പു പറയണമെന്നായിരുന്നു കശ്യപി​െൻറ ആവശ്യം. ഇതിനെതിരെ സോഷ്യൽ മീഡിയയിൽ നിന്ന്​ കശ്യപിനെ പരിഹസിച്ചു കൊണ്ടുള്ള ​േട്രാളുകൾ വന്നിരുന്നു.

ഞായറാഴ്ചാണ്​ മോദി മാപ്പു പറയണമെന്ന്​ കശ്യപ്​ ആവശ്യപ്പെട്ടത്​. പാകിസ്താൻ താരം ഫവാദ്​ ഖാൻ അഭിനയിച്ച യേ ദിൽ ഹേ മുഷ്കിൽ എന്ന ചലചിത്രം പ്രദർശിപ്പിക്കേണ്ടന്ന മുംബൈ എക്​സിബിറ്റേഴ്സ്​ ഫെഡറേഷൻ തിരുമാനിച്ചിരുന്നു.

ഒരു പാക്​ താരം അഭിനയിച്ചതി​െൻറ പേരിൽ സിനിമ പ്രദർശപ്പിക്കാതിരിക്കുന്നുവെങ്കിൽ പാകിസ്താൻ സന്ദർശിച്ചതിനു മോദി മാപ്പു പറയണമെന്നായിരുന്നു കശ്യപി​െൻറ പ്രസ്താവന. ഗവൺമെൻറ്​ ഞങ്ങളെ സംരക്ഷിക്കുമെന്ന്​ വിശ്വസിക്കുന്നു. മോദിയെ ഞാൻ വിമർശിക്കും കാരണം എനിക്ക്​ അതിനുള്ള അവകാശമുണ്ട്​ എന്നാണ്​ ട്വിറ്ററിൽ കശ്യപ്​ കുറിച്ചത്​.