'ലൈംഗിക പീഡനം എന്നതുകൊണ്ട്​ അവരെന്താണ്​ ഉദ്ദേശിക്കുന്നത്​ '

ന്യൂഡൽഹി: തനി​ക്കെതിരെ തനുശ്രീ ദത്ത ഉന്നയിച്ച ലൈംഗിക പീഡന ആരോപണത്തിൽ പ്രതികരണവുമായി നാനാ പടേക്കർ. ലൈംഗിക പീഡനം എന്നതുകൊണ്ട്​ അവരെന്താണ്​ ഉദ്ദേശിക്കുന്നതെന്ന്​ നാനാ പടേക്കർ ചോദിച്ചു.

തങ്ങൾ ഒരേ സെറ്റിൽ ഒരുമിച്ചുണ്ടായിരുന്നു. തങ്ങൾക്കു മുമ്പിൽ 200ലധികം ആളുകളുമുണ്ടായിരുന്നു. ആരെങ്കിലും എന്തെങ്കിലുമൊക്കെ പറയ​േട്ടയെന്നും താൻ ഇതു വരെ എങ്ങനെയാണോ ജീവിച്ചത്​, അതേപോലെ തുടർന്നും മുന്നോട്ടു പോകുമെന്നും നാനാ പടേക്കർ പറഞ്ഞു.

2009 ൽ പുറത്തിറങ്ങിയ ‘ഹോൺ ഒാകെ പ്ലീസ്’​ എന്ന ചിത്രത്തി​​​​​െൻറ സെറ്റിൽ വെച്ച്​ നായക നടനായിരുന്ന നാനാ പ​ടേക്കർ തന്നെ ലൈംഗികമായി അപമാനിച്ചുവെന്നായിരുന്നു​ സൂം ടിവി ചാനലിനു ​നൽകിയ അഭിമുഖത്തിൽ തനുശ്രീയുടെ വെളിപ്പെടുത്തൽ.

നാനാ പടേക്കർ സ്​ത്രീകളോട്​ ഒട്ടും മര്യാദയില്ലാതെ പെരുമാറുന്ന വ്യക്തിയാണെന്നും അദ്ദേഹം ഒപ്പമുള്ള നടികളെ മർദിച്ചതും ശാരീരികമായി പീഡിപ്പിച്ചതും സെറ്റിലും പുറത്തും സ്​ത്രീകളോട്​ മോശമായി പെരുമാറുന്നതുമെല്ലാം പരസ്യമാണെങ്കിലും ഇതുവരെ ഒരു പ്രസിദ്ധീകരണത്തിലോ മറ്റോ ഇക്കാര്യങ്ങൾ അച്ചടിച്ചുവന്നിട്ടില്ലെന്നും തനുശ്രി ആരോപിച്ചിരുന്നു.